អត្ថបទដកស្រង់ចេញពីគេហទំព័រ Cambodian Express News
ឧទ្យានសួនសត្វលីនកូល បើកបម្រើភ្ញៀវទេសចរណ៍ជារៀងរាល់ថ្ងៃ
ដោយ : បញ្ញា (ថ្ងៃទី 26 មីនា 2011)
អាមេរិក : ឧទ្យានសួនសត្វលីនកូល មានទីតាំងស្ថិតនៅក្នុងទីក្រុងឈីកាហ្គោ គឺជាឧទ្យានមួយក្នុងចំណោម ឧទ្យានសួនសត្វចំណាស់ជាងគេបំផុត នៅក្នុងប្រទេសអាមេរិច (ដែលបានស្ថាបនាឡើងក្នុងឆ្នាំ១៨៦៨) ប៉ុន្តែ ក៏ជាឧទ្យានមួយក្នុងចំណោមឧទ្យានដែលទំនើបជាងគេបំផុតផងដែរ។
មិន ត្រឹមជាទីកន្លែងទាក់ទាញវិស័យ ទេសចរណ៍បំផុតមួយរបស់ទីក្រុងឈីកាហ្គោប៉ុណ្ណោះទេ ឧទ្យានសួនសត្វលីនកូលនេះ ក៏បានស្វាគមន៍ភ្ញៀវទេសចរណ៍ច្រើនជាងបីលាននាក់រៀងរាល់ឆ្នាំផងដែរ ដែលផ្តល់ឲ្យភ្ញៀវនូវការរីករាយ និងការកម្សាន្ត។ ឧទ្យាននេះក៏មានភាពល្បីល្បាញផងដែរចំពោះរចនាសម្ព័ន្ធផ្នែក ប្រវត្តិសាស្ត្ររបស់វា ហើយបានទទួលជោគជ័យក្នុងការផ្សារភ្ជាប់ប្រភេទសត្វស្អាតៗបំផុត ទៅនឹងសេវាបម្រើភ្ញៀវទេសចរណ៍។
ខណៈដែលឧទ្យានលីនកូល បន្តវិវឌ្ឍន៍ទៅជាសួនសត្វមួយក្នុងចំណោមសួនសត្វដែលស្រស់ស្អាត ជាងគេបំផុតទូទាំងពិភពលោក ធាតុមួយដែលនឹងមិនផ្លាស់ប្តូរ គឺនយោបាយបើកចំហររបស់វា ៖ ឧទ្យានសួន សត្វលីនកូល តំណាងឲ្យទីកន្លែងមួយនៃទីកន្លែងវប្បធម៌សេរីដ៏ធំចុងក្រោយគេ នៅក្នុងសហរដ្ឋអាមេរិច និង ជាឧទ្យានតែមួយគត់ដែលត្រូវបន្សល់ទុកក្នុងទីក្រុងឈីកាហ្គោ។
ឧទ្យានសួនសត្វលីនកូល គឺជាពិភពជីវិតសត្វព្រៃ នៅក្រោមម្លប់នៃអគារកប់ពពករបស់ទីក្រុងទំនើប ឈីកាហ្គោ ហើយឧទ្យាននេះបើកទទួលភ្ញៀវទេសចរណ៍ ៣៦៥ថ្ងៃ ក្នុងមួយឆ្នាំ៕
More infos: http://www.cen.com.kh/localnews/show_detail/23?token=OWZjOTFjMTlkNWE2YmM4NjUwNDdjNGU3NDVlNGRi
កេរដំណែលខ្មែរ-KDNK 