របាំឬស្សី និង​ការប្រគុំស្គរ – Danse des bambous et concert de percussions

ថ្ងៃ សុក្រ ទី ០៣ ខែ មិថុនា ឆ្នាំ ២០១១ វេលាម៉ោង ១៨ម៉៣០នាទី – ២១ម៉៣០នាទី

vendredi 3 juin · 18:30 – 21:30

Centre Culturel Francais

218 rue 184 – 023 213 124 /125
Phnom Penh

Pour son troisième rendez-vous avec le public du CCF, la compagnie Kok Thlok présente la Danse des bambous, sa dernière création. Cette performance chorégraphique puise son inspiration dans les traditions musicales des minorités ethniques. La soirée se poursuivra en deuxième partie par un concert de percussions.

Billets : adultes 4$ / – 18 ans 2$
Vente organisée par la compagnie Kok Thlok. Tous les bénéfices lui reviennent.
En vente à
L’Atmosphère (141C bd Norodom) Café Mith Samlanh (218 rue 184)
DODO Bar (42C rue 178) Equinox (3A rue 178) Gasolina (56 – 58 rue 57) – Carnets d’Asie (218 rue 184) et le soir même à l’entrée de la salle.

CCF
218 rue 184, 023 213 124 /125
www.ccf-cambodge.org
Sur Facebook : Centre Culturel Français Cambodge
_______________________________________________________

For this third rendez-vous with Kok Thlok, the company offers us a new creation: The Bamboo Dance. This choreographed performance draws its inspiration from the musical traditions of ethnic minorities. The second part of the evening will feature a percussion concert.

Tickets: adultes 4$ / – 18 ans 2$
Sale organised by the company : all the profit will go to the company
Available at:
L’Atmosphère (141C bd Norodom) Café Mith Samlanh (218 rue 184)
DODO Bar (42C rue 178) Equinox (3A rue 178) Gasolina (56 – 58 rue 57) – Carnets d’Asie (218 rue 184) and on the spot before the performance.

Advertisements

ផ្សារធំថ្មី ដ៏មានវ័យចំណាស់

អត្ថបទដកស្រង់ចេញពីគេហទំព័រ ភ្នំពេញប៉ុស្តិ៍

មុខ​មាត់​ថ្មី​របស់​ផ្សារ​ធំ​ថ្មី​នឹង​ទាក់​ទាញ​​អតិថិជន និង​ភ្ញៀវ​ទេសចរ​កាន់​តែ​ច្រើន

ដោយ​ ស៊ឺន សាយ Thursday, 26 May 2011

ភ្នំពេញៈ តូប​ប្រមាណ​ជាង​៣​ពាន់​​តូប​នៅ​ផ្សារ​ធំ​ថ្មី ត្រូវ​បាន​បើក​សម្ពោធ​ទទួល​អតិថិជន និង​ភ្ញៀវ​ទេសចរ កាល​ពី​ម្សិល​មិញ ដោយ​អាជីវ​ករ​នៅ​ក្នុង​ផ្សារ​នេះសង្ឃឹម​ថា​ពួក​គេ​នឹង​ទទួល​បាន​ចំណូល​ កាន់​តែ​ច្រើន និង​មាន​អារម្មណ៍​​ផាសុក​ភាព​ចំពោះ​ទី​កន្លែង​ថ្មី។

ការ​ងារ​សាង​សង់​ជួស​ជុល​ផ្សារ​ធំ​ថ្មី​ឡើង​វិញ​បាន​ទទួល​ជំនួយ​ពី​សាលា​រាជ​ធានី​ភ្នំពេញ​និង​ទី​ភ្នាក់​ងារ​​អភិវឌ្ឍន៍​បារាំង (AFD)។

AFD បាន​ផ្តល់​ជំនួយ​ជា​ទឹក​ប្រាក់​​៦​លាន​ដុល្លារ​ដល់​គម្រោង​នេះ​។ ក្រុម​ហ៊ុន​ស្ថាបត្យ​កម្ម Arte Charpentier និង Villaparc បាន​អនុវត្ត​ការ​ងារ​នេះ ក្រោម​​ការ​ត្រួត​ពិនិត្យ​ពី​ការិយាល័យ​វិស្មកម្ម​Kosan Engineering​។

លោក កែប ជុតិមា អភិបាល​រាជ​ធានី​ភ្នំពេញ​បាន​ឲ្យ​ដឹង​ថា​ផ្សារ​ថ្មី​នឹង​រួម​ចំណែក​អភិវឌ្ឍ​សេដ្ឋ​កិច្ច​កម្ពុជា​នា​ពេល​អនាគត​។

លោក​បាន​ថ្លែង​​នៅ​ក្នុង​ពិធី​​បើក​សម្ពោធ​ផ្សារ​ធំ​ថ្មី​កាល​ពី​ម្សិល​ មិញ​ថា៖ «ខ្ញុំ​សង្ឃឹម​ថា​ផ្សារ​ថ្មី​នេះ នឹង​ជួយ​លើក​កម្ពស់​កំណើន​សេដ្ឋកិច្ច​កម្ពុជា​ឲ្យ​កាន់​តែ​ប្រសើរ​នា​ពេល​ អនាគត និង​ជួយ​លើក​សោ​ភណភាព​ទីក្រុង​បាន​មួយ​កម្រិត​ទៀត​ផង​ដែរ»។

លោក Eric Beungnot ដែល​ជា​តំណាង​ភ្នាក់​ងារ​អភិវឌ្ឍន៍​បារាំង AFD បាន​ឲ្យ​ដឹង​ថា៖ «​យើង​នឹង​រក្សា​ទំនាក់​ទំនង និង​កិច្ច​សហ​ប្រតិបត្តិការ​រវាង​គ្នា​ទៅ​វិញ​ទៅ​មក ហើយ​​តែ​កំពុង​ជួយ​ដល់​គម្រោង​ផ្សេង​ទៀត​នៅ​កម្ពុជា»។

លោក សុខ គឹម​ហេង ប្រធាន​ផ្សារ​ធំ​ថ្មី បាន​ឲ្យ​ដឹង​កាល​ពី​ម្សិល​មិញ​ថា អាជីវករ​នៅ​ក្នុង​ផ្សារ​ធំ​ថ្មី​ នឹង​ទទួល​បាន​អតិថិជន​កាន់​តែ​ច្រើន ​និង​ប្រាក់​ចំណូល​កើន​ឡើង ពេល​លក់​នៅ​ក្នុង​ទី​កន្លែង​ថ្មី។

លោក​បាន​លើក​ឡើង​ថា៖ «​កន្លែង​​ថ្មី​នឹង​ទាក់​ទាញ​អតិថិជន ឬ​ភ្ញៀវ​ទេសចរ​ឲ្យ​មក​កាន់​ផ្សារ​នេះ ហើយ​ពួក​គេ​នឹង​​ទទួល​បាន​ប្រាក់​ចំណូល​បន្ថែម​ពី​អតិថិ​ជន​តាម​រយៈ​កន្លែង ​ថ្មី ហើយ​ស្អាត​»​​។

លោក​បន្ត​ថា៖ «យើង​បាន​ស្នើ​ឲ្យ​​អ្នក​លក់​ទំនិញ​ដែល​មាន​គុណ​​ភាព និង​តម្លៃ​សម​ស្រប។ ទំនិញ​​ទាំង​នោះ​ត្រូវ​តែ​ដាក់​​ភ្ជាប់​តម្លៃ​​លើ​នោះ»​។

លោក​បន្ថែម​ទៀត​​ថា គម្រោង​ជួស​ជុល​ផ្សារ​ធំ​ថ្មី មាន​រយៈ​ពេល ២​ឆ្នាំ ដោយ​មាន​ ៤​ដំណាក់​កាល ហើយ​វា​បាន​ចាប់​ផ្តើម កាល​ពី​ខែ​មករា ឆ្នាំ​២០០៩ និង​បញ្ចប់​នៅ​ចុង​​ឆ្នាំ​២០១០។ នៅ​ក្នុង​ផ្សារ​នេះ មាន​​​តូប​សរុបចំនួន​ ៣ ០៦៨ ​តូប​។

អាជីវករ​នៅ​ក្នុង​ផ្សារ​ថ្មី​ទាំង​អស់​បាន​ស្វាគមន៍​ចំពោះ​ការ​រៀប​ចំ​ ថ្មី​ នេះ ដោយ​ពួក​គាត់​សង្ឃឹម​ថា​នឹង​ទទួល​បាន​ប្រាក់​ចំណូល​កាន់​តែ​ច្រើន។

អាជីវករ ហុង ឈុន​លី ម្ចាស់​ហាង​លក់​គ្រឿង​ប្រាក់ និង​ចម្លាក់ ណាវី នៅ​ប៉ែក​ខាង​កើត​ផ្សារ​ធំ​ថ្មី បាន​ឲ្យ​ដឹង​ថា លោក​ស្រីមាន​ទំនុក​ចិត្ត​ជាមួយ​នឹង​ទី​កន្លែង​ថ្មី ដែល​នឹង​ជួយ​ឲ្យ​លោក​ស្រី មាន​ប្រាក់​ចំណូល​កាន់​តែ​ច្រើន នៅ​ឆ្នាំ​នេះ។

លោក​ស្រី​បាន​បញ្ជាក់​ថា៖ «ខ្ញុំ​ពិត​ជា​សប្បាយ​រីក​រាយ​ណាស់ ជា​មួយ​នឹង​ទី​កន្លែង​ថ្មី ស្អាត និង​មាន​សន្តិសុខ។ ខ្ញុំ​ចង់​ឲ្យ​​​ថ្នាក់​គ្រប់​គ្រង​ផ្សារ​រក្សា​សេវា​កម្ម​ឲ្យ​បាន​​ល្អ​ សម្រាប់​ពួក​យើង និង​អតិថិជន។ ម្យ៉ាង​​វិញ​ទៀត ខ្ញុំ​ចង់​ឲ្យ​ពួក​គេ ពង្រឹង និង​រក្សា​​ភាព​ស្អាតនៅ​ក្នុង​ផ្សារ​នេះ​ដើម្បី​ធ្វើ​ឲ្យ​អតិថិជន​មក​កាន់​​ តែ​ច្រើន»​។

កញ្ញា ជុន លី​លី​ដា អាជីវករ​លក់​ផ្កា នៅ​ក្នុង​ផ្សារ​ធំ​ថ្មី​ បាន​ឲ្យ​ដឹង​ថា រូប​នាង​ពិត​ជា​​សប្បាយ​រីក​រាយ​ណាស់៖ «ខ្ញុំ​សង្ឃឹម​ថា ប្រាក់​ចំណូល​របស់​ខ្ញុំ នឹង​កើន​ឡើង​ទ្វេ​ដង។ ខ្ញុំ​សង្កេត​ឃើញ​ថា ភ្ញៀវ​តាម​រថយន្ត​​ក្រុង​ពី២០ ទៅ៣០​នាក់ បាន​មក​ទស្សនា​ផ្សារ​នេះ​ជា​រៀង​រាល់​ថ្ងៃ។ ខ្ញុំ​នឹង​រក្សា​ទំនាក់​ទំនង​ល្អ​ជាមួយ​អតិថិ​ជន»៕CS

More infos : http://www.postkhmer.com/index.php?option=com_content&view=article&id=58675:2011-05-26-08-01-26&catid=2:business-news&Itemid=77

ព្រឹត្តិការណ៍​សំខាន់​នៅ​មជ្ឈមណ្ឌល​វប្បធម៌​បារាំង​

អត្ថបទដកស្រង់ចេញពីគេហទំព័រ Cambodian Express News (CEN)

ព្រឹត្តិការណ៍​សំខាន់​នៅ​មជ្ឈមណ្ឌល​វប្បធម៌​បារាំង​៖ គឺ​លោក​អ្នកជា​អ្នកអាន​!

ដោយ : CEN (ថ្ងៃទី 26 ឧសភា 2011)

ភ្នំពេញ​: ថ្ងៃទី​២៦ (​ម៉ោង​១២​ម៉​០០​ថ្ងៃត្រង់​) ដល់​ថ្ងៃ​ទី​២៨ ឧសភា (​បិទ​នៅ​ម៉ោង​១២​ម៉​០០​ថ្ងៃត្រង់​)
​នៅ​សាល​ពិព័រណ៍​មជ្ឈមណ្ឌល​វប្បធម៌​បារាំង​ចូល​ទស្សនា​ដោយ​ឥតគិតថ្លៃ​

​ បើកទ្វារ​ទៅ​ទី​ដទៃ​ដោយ​ផ្សារភ្ជាប់​សាធារណ​ជន​គ្រប់​រូប​ទៅ​គ្រឹះស្ថាន បោះពុម្ព​ទាំងអស់ ព្រឹត្តិការណ៍​ដែល​មានឈ្មោះ ថា​គឺ​លោក​អ្នក​ជា​អ្នក អាន​! ជាការ​ណាត់​ជួប​មួយ​ដែល​មិន​អាច​ខ្វះ​បាន​។ ដោយ​មាន​ការចូលរួម​ពី​មណ្ឌល​វប្បធម៌ បណ្ណាល័យ​នានា និង​បណ្ណាគារ​មកពី​ជាង​មួយ​រយ​ទូទាំង​ប្រទេស​ឆ្នាំនេះ​ព្រឹត្តិការណ៍​នេះ នៅ​តែ​រៀបចំ​នៅ​កម្ពុជា​ដដែល​។

​ឆ្នាំ​នេះ​មហោស្រព​សៀវភៅ​និង​ ការបោះពុម្ព គឺជា​ឱកាស​ដ៏​កម្រ​ឯក​តែមួយគត់​ដែល​ផ្តល់ជូន​លោកអ្នក គ្រប់​គ្នា​អោយបាន​ដឹង​​ពី​ព្រឹត្តិការណ៍​ថ្មីៗ ទាក់ទង​នឹង​ការបោះពុម្ព ហើយ​ទន្ទឹមនឹងនោះ​លោកអ្នក​ថែមទាំង​បាន​ជួប បណ្តា​អ្នក​ដែល​ប្រកប​អាជីព​ខាង​ការអភិវឌ្ឍ​សៀវភៅ សំណេរ និង​អំ​ណាន នៅក្នុង​ប្រទេស​នេះ​ទៀតផង​។ យើង មាន​កិត្តិយស នឹង​ស្វាគមន៍​លោក ហ្វ្រង់​ស័រ ឡឺ​ឡដ អ្នក និពន្ធ​ដ៏​ល្បី​ម្នាក់​ដែល​នឹង​ធ្វើ សន្និសីទ​មួយ ក្រោម​ប្រធានបទ សុភមង្គល​។ សិល្បករ​វិចិត្រករ សេ​រ៉ា នឹង​ផ្តល់​ការសម្តែង​មួយ​ជូន​យើង​ទស្សនា​រីឯ​បណ្ណាល័យ​ពហុ​ឯកសារ​នឹង​ទទួល ស្វាគមន៍​លោក​ស្រី ពេជ្រ ព្រឿង ដែល​នឹង​និទាន​រឿងព្រេង​ជូន​ស្តាប់​កម្សាន្ត​។​

​សន្និសីទ​ ៖
​តើ​គេ​អាច​រៀន​ធ្វើអោយ​ខ្លួនឯង​សប្បាយ​ឬទេ​?”
​ដោយ​លោក ហ្វ្រង់​ស័រ ឡឺ​ឡដ ថ្ងៃ​ព្រហស្បតិ៍ ទី​២៦ ឧសភា ម៉ោង​១៨​ម៉​៣០​នាទី
​ នៅ​រោង​ភាពយន្ត​មជ្ឈមណ្ឌល​វប្បធម៌​បារាំង​។ ក្នុងនាម​ជា​អ្នកនិពន្ធ​រស់នៅ​ទីក្រុង​ប៉ារីស៍​ផង ទីក្រុង​បាងកក​ផង គ្រូពេទ្យ​ចិត្តសាស្ត្រ​និង​វេជ្ជបណ្ឌិត​រូបនេះ ធ្លាប់ធ្វើ​ជា ប្រធាន​មន្ទីរពេទ្យ នេ​គែរ នៅ​ប៉ារីស៍​។  ស្នាដៃ​ដែល​លោក ទទួល​ជោគជ័យ​ខ្លាំងជាងគេ​នោះ​គឺ​រឿង​ដំណើរ​កម្សាន្ត របស់អិក​ទរ ឬក៏​រឿង ការស្វែងរក​សុភមង្គល ដែល​លក់​ដាច់​រាប់​លាន​ក្បាល​។ លោក ហ្វ្រង់​ស័រ ឡឺ​ឡដ សូម អញ្ជើញ​យើង​ទៅ​ផ្លាស់ប្តូរ​គំនិត​គ្នា​ជាមួយ​លោក​ជុំវិញ​សំណួរ​មួយ​ដែល​យើង​ ទាំងអស់គ្នា​សុទ្ធតែ​ចោទសួរៈ តើ​អ្វី​ទៅ ជា​ទស្សនាទាន​របស់​យើង​ចំពោះ​សុភមង្គល​? តើ​យើង​អាច​ក្លាយជា​អ្នក​រីករាយ​ជា​ង​មុន​ឬ​ទេ​?​។​

​ការនិទាន​រឿងព្រេង​ ៖
​ ដោយ​លោកស្រី ពេ​ជ ព្រឿង ថ្ងៃ​សុក្រ ទី​២៧ ឧសភា  ម៉ោង ០៩​ម៉​០០ នៅ​បណ្ណាល័យ​ពហុ​ឯកសារ ការនិទាន​រឿង​ជា​ភាសា​ខ្មែរ ក្រោម​កិច្ចសហការ​ជា​ដៃគូ​ជាមួយ​និង​អង្គការ​ដំរី​ស បន្ត​ជុំវិញ​ការនិទាន​រឿង​នៃ​សៀវ ភៅ​បណ្ណាល័យ​ពហុ​ឯកសារ​នៃ​មជ្ឈមណ្ឌល​វប្បធម៌​បារាំង​។​

​សម្តែង​ ៖
​ ថ្ងៃ​សៅរ៍ ទី​២៨ ខែ​ឧសភា​ដោយ សេ​រ៉ា ,,, អ្នកនិពន្ធ​កូនកាត់​បារាំង​ខ្មែរ​ដែល​គេ​ស្គាល់​តាមរយៈ​សៀវភៅ​រូបភាព​ឈ្មោះ  Impasse et rouge – L’eau et la Terre  ប្រទេស​កម្ពុជា ១៩៧៥-១៩៧៩  …​។​

​ពិធី​តាំង​បង្ហាញ​សៀវភៅ​ ៖
​ ពិធី​តាំង​បង្ហាញ​សៀវភៅ និង​ការបោះពុម្ព គឺជា​ឱកាស​ដ៏​កម្រ​ឯក​តែមួយគត់ ដែល​ផ្តល់ជូន​លោកអ្នក គ្រប់​គ្នា​អោយ បានដឹង​ពី​ព្រឹត្តិការណ៍​ថ្មីៗ​ទាក់ទង​នឹង​ការបោះពុម្ព  ហើយ​ទន្ទឹមនឹងនោះ​លោកអ្នក​ថែមទាំង​បាន ជួប​បណ្តា​អ្នក​ដែល ប្រកប​អាជីព​ខាង​ការ អភិវឌ្ឍ​សៀវភៅ​សំណេរ​និង​អំ​ណាន​នៅក្នុង​ប្រទេស​កម្ពុជា​។

តំណាង​ដែល​ចូលរួម​សហការ  ៖
SIPAR ដំរី​ស សៀវភៅ​ពហុ Pen Book ទស្សនា​វ​ដ្តី តាំ​តាំ  ទស្សនា​វ​ដ្តី អង្គរ​ធំ Federation pour le Developpement du Livre  មជ្ឈមណ្ឌល វប្បធម៌​កាតូលិក កម្ពុជា​ទស្សនា​វ​ដ្តី តារា កាណេ​អាស៊ី Health Magazine Comics Art បណ្ណាល័យ​ពហុ​ឯកសារ​ម​ជ្ឈ មណ្ឌល​វប្បធម៌​បារាំង  SPP,  Melon Rouge, Room To Read, Mind Book, Boeng Tonle Sap, Osaka Book Shop Center, Reading Book ។ មាន​សៀវភៅ​ជំរើស​មួយ​ចំនួន​ចុះថ្លៃ​ជាពិសេស សំរាប់​ពេលនេះ !!!

​ពត៌មាន​បន្ថែម​ ៖
​លោកស្រី ស៊ិន នូ​វី​សាខា  ០១២ ៨៥៦ ៧៧៤
Visakha.houl@ccf-cambodge.org

More infos : http://www.cen.com.kh/localnews/show_detail/23?token=MjQ1MWIzZjA4MWE1YmFiY2FmNTZjNDY3N2ViY2Q4

ព្រះរាជពិធីច្រត់ព្រះនង្គ័ល

អត្ថបទដកស្រង់ចេញពីគេហទំព័រ Cambodian Express News (CEN)

ឆ្នាំ​នេះ​ពោត​ទទួល​បាន​ទិន្នផល​ល្អប្រសើរ​

ដោយ : CEN (ថ្ងៃទី 21 ឧសភា 2011,09:38:AM)

4ភ្នំពេញ​: ​ព្រះរាជ​ពិធី​បុណ្យច្រត់ព្រះនង្គ័ល​បាន​ចប់​ហើយ ​នៅវេលា​ម៉ោង​ ៩​និង​៣០​នាទី​ព្រឹក​នេះជាមួយនឹង​ការព្យាករណ៍​ថា ដំណាំ​ពោត​បានទទួល​ទិន្នផល​ល្អប្រសើរ និង​សណ្តែក​បាន​​ទទួល​ទិន្នផល​បង្គួរ ​។ រីឯ​សត្វពាហនៈ​ដែល​ជា​កម្លាំង​អូសទាញ​នឹង​ជួបប្រទះ​ជំងឺ​ខ្លះៗ ​។​  ការព្យាករណ៍​បែប​នេះ​បាន​ធ្វើ​ឡើង ​ពី​ព្រោះតែ​គោ​ឧសភរាជ​ស៊ី​តែ​ពោត​ច្រើនជាងគេ បន្ទាប់​​មក​សណ្តែក និង​ស្មៅ ​។ ក្រៅពី​នោះ​គោ​ឧសភរាជ​មិនបាន​ស៊ី​អ្វី​ឡើយ ​។​

​សូមបញ្ជាក់​ថា លោក សាយ ឈុំ អនុប្រធាន​ទី​២​ រដ្ឋសភា ​គឺជា​ស្តេច​មាឃ ​ខណៈដែល​លោកស្រី ​កែ ច័ន្ទ​មុនី សមាជិកា​រដ្ឋសភា​មណ្ឌល​កំពង់ឆ្នាំង ​ត្រូវ​បាន​ជ្រើសតាំង​ជា​ព្រះ​មេ​ហួ ចំណែក ​លោក ​យុទ្ឋ ភូថ​ង ​រដ្ឋលេខាធិការ​ក្រសួង​កសិកម្ម រុក្ខាប្រមាញ់​ និង​នេសាទ កាន់នង្គ័ល​នាំមុខ ​សម្រាប់​ព្រះរាជ​ពិធី​ច្រត់ព្រះនង្គ័ល​ឆ្នាំ​២០១១​នេះ​ ដែល​បាន​ប្រារព្ធ​ធ្វើ​នា​ព្រឹក​ថ្ងៃ​សៅរ៍ ទី២១ ខែ​ឧសភា​នេះ​​ នៅ​ទីលាន​វាល​ព្រះមេរុ​ខាងជើង​ជាប់​ព្រះបរមរាជវាំង​ ដែល​គេ​តែង​យក​ធ្វើជា​វាល​ព្រះ​ស្រែ ​។​ ​ព្រះរាជ​ពិធី​នេះ​បាន​ប្រារព្ធ​ឡើង​ក្រោម​ព្រះរាជាធិបតីភាព​របស់​ ព្រះមហាក្សត្រ ​សម្តេចព្រះ​បរមនាថ នរោត្តម សីហ​មុនី ​។

2កាលពី​ ឆ្នាំមុន ព្រះរាជ​ពិធី​ច្រត់ព្រះនង្គ័ល​ត្រូវបាន​ប្រារព្ធ​ធ្វើ​នៅ​ទី​លានជល់ដំរី ខេត្តសៀមរាប​​ដោយ​មាន​ព្រះ​អម្ចាស់​ស៊ីសុវត្ថិ វិជ្ជ​រ៉ាវុឌ្ឍ និង​ព្រះ​អម្ចាស់​ក្សត្រី នរោត្តម​រស្មី ផ​នី​តា ជា​ស្តេច​មាឃ ​និងព្រះ​មេ​ហួ ​។​

​ព្រះរាជ​ពិធី​ច្រត់ព្រះនង្គ័ល ត្រូវបាន​រៀបចំ​ប្រារព្ធ​ឡើង​យ៉ាង​អធិកអធម​ជា​រៀងរាល់ឆ្នាំ
​នៅ​ថ្ងៃ ៤ រោច ខែ​ពិសាខ​ ។ ព្រះរាជ​ពិធី​នេះ ជា​ពិធី​មង្គល​មួយដែល​ព្រះករុណា
​ព្រះមហាក្សត្រ ចាត់ទុកថា ជា​ការចាប់ផ្តើម​ប្រកក់ប្រសិទ្ធឲ្យដល់​ប្រជាកសិករ
​ក្នុងការ​​ធ្វើ​ស្រែចម្ការ​នៅ​រដូវវស្សា ឲ្យទទួល​បាន​ទិន្នផល​ខ្ពស់​ ។​

3សម្រាប់ ​ព្រះរាជ​ពិធី​ច្រត់ព្រះនង្គ័ល​ឆ្នាំនេះ ក៏​មាន​ការតាំងពិព័រណ៍​កសិកម្ម​ដើម្បី​ដាក់តាំង​បង្ហាញ​ផលិតផល​កសិកម្ម និង​កសិឧស្សាហកម្ម ព្រមទាំង​ផល​ និង​អនុផល​ព្រៃឈើ​របស់​​បណ្តា​ខេត្ត ​និង​ក្រសួង​មួយចំនួន​ទាក់ទងវិស័យ​កសិកម្ម​ផងដែរ ​៕​

1

More infos: http://www.cen.com.kh/localnews/show_detail/132?token=NWNiODY4M2JlZDlhODFkNWIwOTBlMDliZDkxMGFj

បុណ្យវិសាខបូជា

អត្ថបទដកស្រង់ចេញពីគេហទំព័រ Cambodian Express News (CEN)

ខួប​ព្រះពុទ្ធ​ត្រាស់ដឹង​គ្រប់ ២៦០០​ឆ្នាំ​

ដោយ : លោក​ធម្ម​បណ្ឌិត​ ហេង មុនី​ចិន្តា នាយក​អង្គការ ពុទ្ធសាសនា​ដើម្បី​អភិវឌ្ឍន៍ (ថ្ងៃទី 17 ឧសភា 2011)


1ភ្នំពេញ:     ​វិសាខ​បូជា ដែល​ប្រារឰឡើង​ក្នុង​ឆ្នាំ​២០១១​នេះ ដើម្បី​រំលឹក​ដល់​ថ្ងៃ កំណើត (​ខួប​ទី​២៦៣៥) ថ្ងៃ​ចូល​បរិនិព្វាន (​ខួប​ទី​២៥៥៥) និង​ថ្ងៃ​ត្រាស់ដឹង (​ខួប​ទី​២៦០០) របស់​ព្រះ​សមណ​គោត្ត​ម ដែល​ជា​ព្រះអរហន្ត​សម្មាសម្ពុទ្ធ​បរម គ្រូ​នៃ​យើង ។​

​    ​អត្ថបទ​ខាងក្រោម​នេះ គឺជា​ផ្នែក មួយ​នៃ​សៀវភៅ​អនុមោទនា​ខួប​ព្រះពុទ្ធ​ត្រាស់ដឹង​គ្រប់​២៦០០​ឆ្នាំ​/​វិសាខ​ បូជា ២០១១ រៀបរៀង​ដោយ​លោក​ធម្ម​បណ្ឌិត​ហេង មុនី​ចិន្តា នាយក​អង្គការ ពុទ្ធសាសនា​ដើម្បី​អភិវឌ្ឍន៍ ។​
​    ​មិត្ត​អ្នកអាន​អាច​រក​អាន​អត្ថបទ ទាំងមូល​នៃ​សៀវភៅ​នេះ​ក្នុង​គេហទំព័រ http://www.bfdkmer.org ។​
​    ​ថ្ងៃ​ប្រសូត​
​     ​ព្រះ​សិទ្ធត្ថ​កុមារ​ប្រសូត​នៅ​ថ្ងៃ សុក្រ ១៥​កើត ខែ​វិសាខ ឆ្នាំច មុនពុទ្ធ​សករាជ​៨០​ឆ្នាំ នៅក្នុង​ត្រកូល​ក្សត្រ នា​ប្រទេស​នេ​ប៉ាល់​បច្ចុប្បន្ន ឬ​ជម្ពូទ្វីប​ពីអតីតកាល ។ ដូច្នេះ​ព្រះអង្គ​គឺជា​កូន​មនុស្ស​ម្នាក់ ។ តែ​ការ​ដែល​មនុស្ស​ធម្មតា ម្នាក់​បាន​ត្រាស់ដឹង និង​ក្លាយខ្លួន​ទៅ​ជា​ព្រះពុទ្ធ ឬ​អ្នកប្រាជ្ញ​នេះ មិនមែន​ត្រឹមតែ បាន​មានកំណើត​ជា​មនុស្ស​ហើយ ក៏​ស្រាប់តែ​បាន​ក្លាយទៅជា​អ្នកប្រាជ្ញ ឬ ព្រះពុទ្ធ​ដោយ​ស្វ័យប្រវត្តិ ឬ​ដោយ​ងាយៗ​នោះទេ តែ​ព្រោះ​បន្ទាប់ពី​កើត ហើយ​បាន​ទទួល​នូវ​ការចិញ្ចឹម​បីបាច់រក្សា​ការពារ​ពី​មាតាបិតា និង​ញាតិមិត្ត បាន​ទទួល​នូវ​ការអប់រំ ការសិក្សា​ល្អ​គ្រប់គ្រាន់ និង​មាន​ការប្តេជ្ញា ការ​តាំងចិត្ត ការ​អធិដ្ឋាន​ដ៏​ខ្លាំងក្លា និង​រឹងមាំ​ណាស់ ទើប​អាច​សម្រេច​នូវ​គោលបំណង​ណា​នីមួយៗ​បាន ។ ការសិក្សា អំពី​ថ្ងៃ​ប្រសូត​របស់​ព្រះពុទ្ធ​អង្គ​តាមរយៈ​រូបភាព​ពុទ្ធប្រវត្តិ​នឹង​អាច ​ឱ្យ​យើង បាន​យល់​ច្បាស់​អំពី​សារសំខាន់ និង​ផលប្រយោជន៍​នៃ​ការ​រំលឹក​ដល់​ថ្ងៃ ប្រសូត​នា​ឱកាស​បុណ្យ​វិសាខបូជា​នេះ​បានល្អ ។​
​    ​ខួប​ប្រសូត​របស់​ព្រះពុទ្ធ (​ព្រះ​សិទ្ធត្ថ​) មាន​សារៈ​ដែល​គួរ​ឱ្យ​សិក្សា និង យក​ជា​គំរូ​សម្រាប់​ការអប់រំ​ដល់​កុលបុត្រ​កុលធីតា​គ្រប់រូប​មិន​ថា​ជា​ ជនជាតិ​ណា​ទេ ។ តាមរយៈ​ពុទ្ធប្រវត្តិ ជា​ពិសេស​តាម​រូបគំនូរ​ដែល​ឆ្លុះបញ្ចាំង​ពី ការ​ប្រសូត​របស់​ព្រះពុទ្ធ​នោះ​យើង​ឃើញថា នៅពេល​ប្រសូត​ចេញ​អំពី​ផ្ទៃ មាតា​ភ្លាម ទារក​ដ៏​តូច​នោះ​បាន​ឈាន​ដើរ​ទៅ​មុខ​ឆ្ពោះទៅ​ទិស​ខាងជើង​ចំនួន ៧​ជំហាន ដោយ​មាន​ផ្កាឈូក​ទ្រ​ពីក្រោម ហើយ​ក៏​ឈប់​និង​លើក​ចង្អុលដៃ​ឡើង ទៅលើ ព្រមទាំង​និយាយ​ថា អគ្គោ​ហម​ស្មឹ លោក​ស្ស ជេដ្ឋោ​ហម​ស្មឹ លោក​ស្ស​សេដ្ឋោ​ហម​ស្មឹ លោក​ស្ស អយ​មន្ទិ​មា មេ​ជាតិន​ត្ថ​ទា​និបុន​ព្ភ វោ ប្រែជា​ខ្មែរ​ថា “​ខ្លួន​យើង​ជា​កំពូល​នៃ​លោក ជា​បុគ្គល​ប្រសើរ​ជាង​គេ​ក្នុង​លោក ជា​ចម្បង​ជាងគេ​ក្នុង​លោក ជាតិ​នេះ​ជា​កំណើត​ចុងក្រោយ​បំផុត​របស់​យើង អំណើះ​ត​ទៅ​មុខ​យើង​លែង​កើត​ទៀតហើយ​” ។​
​    ​អ្វី​ដែល​យើង​គួរ​យក​ជា​លំ​អាន​បាន​អំពី​ព្រឹត្តិការណ៍​នា​ពេល​ប្រសូត​នេះ មាន​៣​ចំណុច​គឺ​ ៖
​     ​ក​. មនុស្ស​ម្នាក់ៗ​គប្បី​មាន​គោលដៅ​សម្រាប់​ជីវិត​ខ្លួន​តាំងតែ​ពី​នៅ​តូចៗ ដោយ​គោលដៅ​នេះ​អាច​ជា​គោលដៅ​ដែល​គេ​បង្កើត​ដោយ​ខ្លួនឯង ឬក៏​អាច​ជា  គោលដៅ​ដែល​មាតាបិតា​និង​អាណា​ព្យាបាល​ជួយ​កូន​ឱ្យ​អាច​រៀន​រៀបចំ គោលដៅ​សម្រាប់​ជីវិត​របស់​ខ្លួន​តាំងពី​នៅ​តូចៗ ។ ក្នុង​ពុទ្ធសាសនា អធិដ្ឋាន​គឺ  ការ​តាំងចិត្ត ឆន្ទៈ គឺ​សេចក្តីប្រាថ្នា និង​សទ្ធា គឺ​ការជឿ​ច្បាស់​ថា​អាចធ្វើ​បាន​សុទ្ធ តែ​ជា​គោល​ធម៌​ដើម្បី​សម្រេច​គោលដៅ​នា​អនាគត ។​
​    ​ខ​. ដើម្បី​សម្រេច​នូវ​គោលបំណង​នេះ (​ដើម្បី​បាន​ត្រាស់​ជា​ព្រះពុទ្ធ​) ព្រះ​កុមារ​ត្រូវ​ប្រើ​ពេលវេលា​រហូត​ដល់​ទៅ​៣៥​ឆ្នាំ ដោយ​ឆ្លងកាត់​នូវ​វិធី​ជា ច្រើន​ទម្រាំ​នឹង​សម្រេច ។ ជំហាន​ទាំង​៧ របស់​ព្រះ​កុមារ​នៅក្នុង​ពុទ្ធ​ប្រវត្តិ គឺជា អត្ថប្បដិរូប​របស់​វិធី​ដែល​នាំ​ទៅរក​ការសម្រេច​គោលបំណង​និង​ការ​ត្រាស់ដឹង ។ ជំហាន​ទាំង​៧​នេះ ព្រះពុទ្ធ​អង្គ​ទ្រង់​ហៅថា ពោជ្ឈង្គៈ​៧ ដែល​ប្រែ​ថា អង្គ​៧​យ៉ាង​ដែល​នាំ​ឱ្យ​បាន​ត្រាស់ដឹង ដែល​មាតាបិតា​អាច​យកមក​ធ្វើ​ជា​មា​ត្រ ដ្ឋា​ន​ក្នុង​ការអប់រំ​បុត្រ​ធីតា​របស់​ខ្លួន​តាំងពី​តូចៗ និង​បណ្តុះ​ឱ្យ​កូន​យក​អង្គ ទាំង​៧​នេះ​ធ្វើ​ជា​មាត្រដ្ឋាន​ក្នុង​ការស្វែងរក​ចំណេះវិជ្ជា ។ ពោជ្ឈង្គៈ​៧ ឬ​អង្គ ដែល​នាំ​ឱ្យ​បាន​ត្រាស់ដឹង ឬ​អង្គ​ដែល​នាំ​ឱ្យ​សម្រេច​នូវ​គោលដៅ​នោះ​មានៈ
​    ​១. សតិ ការអប់រំ​កូន និង​អប់រំ​ចិត្ត​កូន​ឱ្យ​មាន​សតិ​គឺ​ការលើក​បាន​ល្អ​ជា  និច្ច​ចំពោះ​គោលដៅ ។​
​     ​២. ធម្ម​វិច័យ ការអប់រំ​កូន និង​អប់រំ​ចិត្ត​កូន​ឱ្យ​ពេញចិត្ត​នៅ​ក្នុង​ការ ស្រាវជ្រាវ​ពិនិត្យពិច័យ វិភាគ​ចំពោះ​គោលដៅ វិភាគ​លើ​ធម្មៈ ឬអ្វីៗ​ទាំងពួង ដោយ​មិន​ចេះ​តែ​ជឿ ឬ​បណ្តោយ​ទៅតាម​យថាកម្ម ។​
​    ​៣. វរិយៈ ការអប់រំ​កូន និង​អប់រំ​ចិត្ត​កូន​ឱ្យ​មាន​សេចក្តី​ព្យាយាម ឧស្សាហ៍ អត់​ធន់ អត់ធ្មត់​ជានិច្ច​ចំពោះ​ការងារ​ដើម្បី​សម្រេច​គោលដៅ ។​
​    ​៤. បី​តិ ការអប់រំ​កូន និង​អប់រំ​ចិត្ត​កូន​ឱ្យ​មាន​សេចក្តី​រីករាយ​ជា​និច្ច ។​
​    ​៥. បស្ស​ទ្ធិ ការអប់រំ​កូន និង​អប់រំ​ចិត្ត​កូន​ឱ្យ​មាន​ចិត្ត​តាំង​មាំ​ជានិច្ច​ចំពោះ ការងារ​ដើម្បី​សម្រេច​គោលដៅ ។​
​    ​៦. សមាធិ ការអប់រំ​កូន​និង​អប់រំ ចិត្ត​កូន​ឱ្យ​មាន​សេចក្តី​ស្ងប់​ជានិច្ច​ចំពោះ​ការងារ​ដើម្បី​សម្រេច​គោលដៅ ។​
​     ​៧. ឧបេក្ខា ការអប់រំ​កូំន និង​អប់រំ​ចិត្ត​កូន​ឱ្យ​មាន​ចិត្ត​ជា​កណ្តាល ចិត្ត​ជា​យុត្តិធម៌​ចំពោះ​ការងារ​ដើម្បី​សម្រេច​គោលដៅ ។​
​    ​គ​. ផ្កាឈូក​ដែល​មក​ទ្រ​ព្រះ​កុមារ គឺជា​ការឆ្លុះបញ្ចាំង​មួយ​ទៀត​អំពី ពុទ្ធប្រវត្តិ​ដោយ​រូបភាព​នេះ ។ ផ្កាឈូក​ក្នុង​ភាសាបាលី គឺ​បទុម ឬ​កមល ។ ក្នុង នេះដែរ កមល​នេះ​ក៏​បាន​ន័យ​ដល់​បេះដូង​របស់​មនុស្ស​យើង​នេះ​ដែរ ។ ការ ដែល​មាន​ផ្កាឈូក ឬ​កមល ឬ​បេះដូង​មក​ទ្រ​បាតជើង​នេះ អាច​បាន​ន័យ​ដល់​ការ ដែល​មាតាបិតា ឬ​អាណាព្យាបាល គប្បី​ផ្តល់​នូវ​ការស្រឡាញ់ ការគាំទ្រ ការ ឧបត្ថម្ភ ការ​ជ្រោមជ្រែង​ដល់​កូន​ក្នុងការ​ធ្វើ​ដំណើរ​ឆ្ពោះទៅ​រក​ជោគជ័យ​នៃ គោលដៅ ។ បរិយាកាស​ល្អ​ជុំវិញ្ញ​វឌ្ឍនាការ​របស់​កូន គឺជា​បច្ច័យ​ជួយ​ដល់ ការសម្រេច​នូវ​គោលដៅ​មួយ​ចំណែក​ដ៏​ធំ​ផងដែរ ដែល​នៅក្នុង​ភាសាបាលី លោក​ប្រើពាក្យ​ថា បដិរូប​ទេ​សវាសៈ គឺ​ការរស់នៅ​ក្នុង​ប្រទេស​ដែល​សមគួរ ។
V1

ថ្ងៃ​ចូល​បរិនិព្វាន​
​     ​បន្ទាប់​ពី​ត្រាស់ដឹង​និង​ការបំពេញ​កិច្ចការ​ដើម្បី​ពិភពលោក​អស់ រយៈពេល​ដល់​ទៅ​៤៥​ឆ្នាំ ព្រះពុទ្ធ​អង្គ​ក៏​ទ្រង់​ចូល​ព្រះ​និព្វាន​(​ចូល​មរណភាព​) ក្នុង​ព្រះជន្ម​៨០​វស្សា នា​ថ្ងៃ​អង្គារ​១៥ កើត​ខែវិសាខ​ឆ្នាំម្សាញ់​នាពេល​ជិត​ភ្លឺ ។ មរណភាព​ជា​សភា​វៈ​ធម្មជាតិ​ដែល​មិន​មាន​នរណា​អាច​គេច​បាន មិន​ថា​ជា មនុស្ស​ធម្មតា​ម្នាក់ ឬ​ព្រះពុទ្ធ​ដែល​ជា​អច្ឆរិយបុគ្គល​នោះឡើយ​។ តែ​អ្វី​ដែល គួរ​ឆ្លុះបញ្ចាំង​អំពី​ការចូល​ព្រះ​និព្វាន នោះ​គឺថា​តើ​មុននឹង​ម្នាក់ៗ​ចូល​មរណភាព​នោះ​តើ​ម្នាក់ៗ​បាន​ធ្វើ​អ្វីខ្លះ ឬ​គួរ ធ្វើ​អ្វីខ្លះ​ជា​ប្រយោជន៍​ដល់​ខ្លួន​? តើ​ម្នាក់ៗ​បាន​បន្សល់ទុក​នូវ​អ្វី​ខ្លះ ឬ​គួរ​បន្សល់ទុក នូវ​អ្វី​ខ្លះ​សម្រាប់​ជា​ប្រយោជន៍​ដល់​សង្គមជាតិ ។​
​    ​នៅ​នាទីចុងក្រោយ មុន​នឹង​ព្រះ​ពុទ្ធអង្គ​បរិនិព្វាន ទ្រង់​បាន​ត្រាស់ ដឹង​ជា​ចុង​ក្រោយ​ដល់​ភិក្ខុសង្ឃ​ដែល​កំពុង​គង់​ជុំវិញ​ថា​ ៖ “​ហ​ន្ត​ទា​និ ភ​ក្ខ​វេ អា​មន្ត​យាមិ វោ វយ​ធម្មា សង្ខា​រា អប្បមា​ទេ​ន សម្បា​ទេ​ថា​ត​” ។ ម្នា​ល ភិក្ខុ​ទាំងឡាយ ឥឡូវនេះ​តថាគត​ប្រាប់ អ្នក​ទាំងឡាយ​ឱ្យបាន​ដឹង​សង្ខា​រទាំង ឡាយ​មាន​សេចក្តី​សាបសូន្យ​ជាធម្មតា អ្នក​ទាំងឡាយ​ចូរ​ញ៉ាំង​កិច្ច​ទាំងពួង​ឱ្យ សម្រេច​ដោយ​សេចក្តី​មិន​ប្រមាទ​ចុះ ។​
​    ​សារសំខាន់​របស់​ពុទ្ធ​ដីកា​ត្រង់នេះ តាម​ទស្សនៈ​ទូទៅ​គឺ​ស្ថិតនៅលើ ប្រយោគ​ថា ចូរ​ញ៉ាំង​កិច្ច​ទាំងពួង​ឱ្យ​សម្រេច​។ ប្រយោគ​នេះ​តែងតែ​ទទួល បាន​ការបកស្រាយ​និង​យក​មក​សម្តែង​ជា​ធម៌​ទេសនា​រាល់ពេល​ដើម្បី​ជា​ការ ដាស់តឿន​ដល់​ខ្លួន​និង​ពុទ្ធបរិស័ទ​ដោយ​ពាក្យ​ថា​កិច្ច​ទាំងពួង​ក្នុង​ទីនេះ ​បាន​ដល់ កិច្ច​ដែល​មាន​ប្រយោជន៍​ដល់​ខ្លួន និង​កិច្ច​ដែល​មាន​ប្រយោជន៍​ដល់​អ្នកដទៃ ។ ឬ​ម្យ៉ាងទៀត​បាន​ដល់​កិច្ច​ដែល​មាន​ប្រយោជន៍​ដល់​ក្នុង​ជាតិ​នេះ និង​កិច្ច ដែល​មាន​ប្រយោជន៍​ដល់​ជាតិ​មុខ ។​
​    ​ចុះ​កិច្ច​ទាំងពួង​របស់​ព្រះ សម្មាសម្ពុទ្ធ​ដែល​ព្រះអង្គ​បាន​បំពេញ​ឱ្យ សម្រេច​មុន​នឹង​ចូល​បរិនិព្វាន​គឺ​អ្វី​ទៅ​? មាន​រឿង​នៅ​ក្នុង​មហា​បរិនិព្វាន​សូត្រ ក្នុង​គម្ពីរ​សុត្តន្តរបិដ​ក ទីឃនិកាយ​ព្រះ​ត្រៃបិដក​លេខ​១៦ ដែល​បាន​ចារ​ទុក​ថា កាល​ពី​ព្រះ​ពុទ្ធអង្គ​ទើបតែ​បាន​ត្រាស់ដឹង​ថ្មីៗ​ក្នុង​មារ​បាន​ចូល​មក​ អារាធនា ឱ្យ​ព្រះអង្គ​ចូល​បរិនិព្វាន តែ​ទ្រង់​បាន​ឆ្លើយតប​ទៅ​នឹង​ក្រុងមារ​វិញ​ថា “​ម្នា​ល មារ​មានចិត្ត​បាប (​បើ​) ពួក​ភិក្ខុ​ជា​សាវ័ក ពួក​ភិក្ខុនី​ជា​សាវិកា ពួក​ឧបាសក​ជា សា​វ័ក ពួក​ឧបាសិកា​ជា​សាវិកា​របស់​តថាគត​ដែល​ឈ្លាស​វៀងវៃ​ក្លៀវក្លា  ជា​ពហុស្សូត ទ្រទ្រង់ធម៌​ប្រតិបត្តិ​ធម៌ សមគួរ​ដល់​ធម៌ ប្រតិបត្តិ​ដ៏​សម​គួរ ប្រព្រឹត្ត​តាម​ធម៌​នៅ​មិនទាន់​មាន​ទាំង​មិនទាន់​បាន​រៀន​នូវ​វាទៈ​នៃ​ អាចារ្យ របស់​ខ្លួន​ហើយ​ប្រាប់​សម្តែង​បញ្ញត្ត​តាំង ទុក​បើក ចែក ធ្វើឱ្យ​ងាយ​បាន ទាំង​មិន ទាន់​សង្កត់សង្កិន​នូវ​បរ​ប្ប​វាទ​ដែល​កើតឡើង​ហើយ​ឱ្យ​ជា​កិច្ច​ដែល​សង្កត់ សង្កិន​បាន​ដោយ​ល្អ​តាម​ពាក្យ​ដែល​សម​ហេតុ ហើយ​សម្តែងធម៌​ប្រកបដោយ បាដិហារ្យ បាន​ដរាបណា​ទេ តថាគត ក៏​មិន​ទាន់​បរិនិពាន្វ ដរាប​នោះ​ម្យ៉ាង ទៀត​ម្នាល​មារ​មានចិត្ត​បាប​ព្រហ្មចារ្យ របស់​តថាគត​នេះ​នៅ​មិនទាន់​ខ្ជាប់ខ្ជួន មិនទាន់​ចម្រើន មិនទាន់​ផ្សាយ​ទៅ​សព្វ​ទិស មិនទាន់​ដឹង​ច្រើន​គ្នា ទាំង​មិន​ទាន់ ពេញ​បរិបូណ៌ មួយទៀត​ពួក​ទេវតា​និង​មនុស្ស​មិន​ទាន់​ចេះ​សម្តែង​បាន​ដោយ ប្រពៃណី​ដរាបណា​ទេ តថាគត​ក៏​មិនទាន់​បរិនិព្វាន​ដរាប​នោះ​។​៤៥​ឆ្នាំ ក្រោយមក នៅពេលដែល​ព្រះអង្គ​មាន​ព្រះជន្ម​៧៩​វស្សា និង​៩​ខែ​(៣​ខែ​មុន​ចូល​បរិនិព្វាន​) ក្រុងមារ​ក៏បាន​ចូល​មក​អារាម​ធនា​ម្តងទៀត ដោយ​នៅពេល នេះ​ព្រះ​ពុទ្ធអង្គ​ទ្រង់​សុខចិត្ត​ទទួល​អារាធនា​ព្រម​ចូល​បរិនិព្វាន ដោយ ព្រះអង្គ​បាន​ប្រមើល (​វាយតម្លៃ​) ឃើញ​ថា​កិច្ច​ទាំងពួង​របស់​ព្រះអង្គ​គឺ​ការ បណ្តុះបណ្តាល​សមត្ថភាព​ពុទ្ធបរិស័ទ​ឱ្យបាន​ល្អ និង​ការបង្ក​តាំង​អង្គការ​ពុទ្ធ សាសនា​(​ព្រហ្មចារ្យ​)​របស់​ព្រះអង្គ​ឱ្យបាន​មាំមួន​នោះ​បាន​ទៅ​ដល់ គោលដៅ ហើយ ។​
​    ​ដូច្នេះ ក្នុងឋានៈ​ជា​ពុទ្ធបរិស័ទ​នា បច្ចុប្បន្ន កិច្ច​ទាំងពួង​របស់​យើង​ទៅ​តាម​លំ​អាន​របស់​ព្រះពុទ្ធ​អង្គ​ជា​បរមគ្រូ ដែល​មាន​ក្នុង​មហា​បរិនិព្វាន​សូត្រ​នោះ គឺ​ ៖
​    ​១-​គប្បី​រៀន​ដោយ​ប្រពៃ និង​បដិបត្តិ​នូវ​សតិប្បដ្ឋាន​៤ សម្ម​ប្បធាន​៤ ឥទ្ធិ​បាទ​៤ ឥន្ទ្រី​យ៍​៥ ពលៈ​៥ ពោជ្ឈង្គ​៧ និង​អរិយ​មគ្គ​ប្រកប​ដោយ​អង្គ​៨(​ពោធិ បក្ខេ​យ្យ​ធម៌​៣៧) ទាល់តែ​មាន​ភាពឈ្លាសវៃ ក្លៀវក្លា ជា​ពហុស្សូត ហើយ អាច​ប្រាប់ សម្តែង​ធ្វើឱ្យ​ងាយ​បាន​នូវ​ធម៌​របស់​ព្រះអង្គ ទាំង​អាច​ដោះស្រាយ​នូវ ពាក្យ​ទិតៀន​ដែល​កើតឡើង​ហើយ បាន​ដោយ​ល្អ​តាម​ពាក្យ​ដែល​សម​ហេតុ និង ជា​អ្នកប្រតិបត្តិ​ធម៌​សមគួរ​ដល់​ធម៌ ប្រព្រឹត្ត​តាម​ធម៌ រហូត​ទាល់តែ​បានក្លាយ ទៅ​ជា​បុគ្គល​ប្រភេទ​ណា​មួយ​ក្នុងចំណោម​បុគ្គល​ទាំង​៤​ប្រភេទ គឺ​សោតា​- បន្ន​បុគ្គល សកទាគាមិ​បុគ្គល អនាគាមិ​បុគ្គល និង​អរហត្ត​បុគ្គល ។​
​    ​២-​គប្បី​ថែទាំ​សាសន​ព្រហ្មចរិយៈ (​ពុទ្ធ​សាសនា​) ឱ្យបាន​រឹងមាំ​ខ្ជាប់ខ្ជួន តាំង​នៅ​អស់កាល​អង្វែង តាំង​នៅ​អស់កាល​ដ៏​យូរ មាន​ការរីកចម្រើន​បាន ផ្សព្វផ្សាយ​ទៅ​កាន់​សព្វ​ទិស ធ្វើឱ្យ​មហាជន​កាន់តែ​ច្រើន​បាន​ដឹង​ពី​ពុទ្ធសាសនា និង​ធ្វើឱ្យ​ពុទ្ធសាសនា​បាន​អភិវឌ្ឍន៍​ពេញរិ​បូណ៌ ដើម្បី​ជា​ប្រយោជន៍​ដល់ ជន​ដ៏​ច្រើន ដើម្បី​សេចក្តីសុខ​ដល់​ជន​ដ៏​ច្រើន ដើម្បី​អនុគ្រោះ​ដល់​សត្វលោក ដើម្បី​សេចក្តីចម្រើន ដើម្បី​ជា​ប្រយោជន៍ ដើម្បី​សេចក្តីសុខ​ដល់​ទេវតា និង​មនុស្ស ទាំងឡាយ ។​

2
​    អនុមោទនា​ការ​ត្រាស់ដឹង ២៦០០​ឆ្នាំ​
​     ​ពួក​យើង​ជា​ប្រជា​ពុទ្ធបរិស័ទ​ខ្មែរ មានសំណាង​ណាស់ ដែល​បាន រស់នៅ​ទាន់​ឆ្នាំនេះ ដើម្បី​អនុមោទនា​ការ​ត្រាស់ដឹង​របស់​ព្រះអង្គ​គ្រប់​២៦០០ ឆ្នាំ និង​ជា​ភ័ព្វ​ល្អ​ពេក​ណាស់ ដែល​កូន​យើង​បាន​កើត​នៅក្នុង​ឆ្នាំនេះ ដែលជា ឆ្នាំ​ដ៏​ពិសិដ្ឋ​មិន​ងាយ​បាន​ជួបប្រទះ ។​
​    ​ពួក​យើង​គួរ​ទៅ​វត្ត ដើម្បី​ធ្វើ​អនុមោទនា​អបអរសាទរ ព្រោះ​រាជរដ្ឋាភិបាល​បាន​កំណត់​យក​ថ្ងៃ​អង្គារ ទី ១៧​ឧសភា ដែល​ត្រូវ​នឹង​ថ្ងៃ​ធ្វើបុណ្យ ជាតិ​វិសាខបូជា ជា​ថ្ងៃ​សម្រាប់​អបអរសាទរ ដោយ​ការ​សមាទានសីល​៥ ការ​ប្រគេន​ចង្ហាន់​ព្រះសង្ឃ​នៅ​ពេល​ព្រឹក និង​ថ្ងៃត្រង់​ដោយសារដើ​រហែ​ប្រទក្សិ​ណ​ជុំវិញ​ព្រះវិហារ ដោយ​ការថ្វាយ​ភ្ញី​ផ្កា ដោយ​ការ​សូត្រធម៌​រំលឹក​សរសើរ ដោយ​ការ​ស្តាប់ធម៌​ទេសនា និង​ដោយ ការសាកសួរ​សាកច្ឆា​ធម៌​ជាដើម ។ សម្រាប់​ពុទ្ធបរិស័ទ​ដែល​មិន​បាន​អញ្ជើញ ទៅ​វត្ត ក៏គួរ​អុជ​ទៀនធូប និង​ថ្វាយ​ភ្ញី​ផ្កា នៅ​មុខ​ព្រះ​ពុទ្ធរូប ដែល​មាន​នៅ​នឹង​ផ្ទះ និង​គួរ​ធ្វើ​អភ័យ​ទាន​ដោយ​ការលើកលែង​ទោស​អ្នក​ដែល​បាន​ប្រព្រឹត្ត​ខុស លើ​យើង​និង​ដោះលែង​សត្វមានជីវិត ឱ្យ​រួច​ខ្លួន ដូចជា​ពពួកសត្វ​ត្រី ឬ​ពពួក សត្វ​បក្សី​ជាដើម ដើម្បី​ជា​បុណ្យ​កុសល​សម្រាប់​ជីវិត​របស់​យើង ។​
​    ​ដោយហេតុ​ថា ឆ្នាំនេះ​ជា​ឆ្នាំ​ពិសេស ដែល​រំលឹក​ដល់​ការ​ដែល​ព្រះ ពុទ្ធ​បរមគ្រូ​របស់​យើង​លោក​បាន​ត្រាស់ដឹង​ជា​ព្រះពុទ្ធ ត្រាស់ដឹង​ជា​ព្រះ​អរហន្ត ត្រាស់ដឹង​នូវ​អរិយ​សច្ច​៤ ត្រាស់ដឹង​នូវ​មជ្ឈិមា​បដិបទា ត្រាស់ដឹង​នូវ​អដ្ឋង្គិក​មគ្គ ត្រាស់ដឹង​នូវ​និព្វាន និង​ត្រាស់ដឹង​នូវ​ព្រះធម៌​ដែល​ជា​ប្រទីប​សម្រាប់​បំភ្លឺ​ជីវិត មនុស្សជាតិ​នោះ ពុទ្ធបរិស័ទ​ទាំងឡាយ គួរតែ​ប្រឹងប្រែង​បន្ថែមទៀត​ក្នុង​ការរៀន សិក្សា និង​បដិបត្តិ​នូវ​គោល​ធម៌ ទាំងអស់​នេះ​ឱ្យ​កាន់តែ​ច្បាស់​និង​កាន់តែ ប្រសើរឡើង និង​ប្រាប់​នូវ​គោល​ធម៌​ដ៏​សំខាន់ៗ​ទាំងនេះ​ឱ្យ​កូនចៅ និង​សាច់ ញាតិ​របស់​ខ្លួន​បាន​ដឹង​ផង ជាពិសេស​គឺ​អរិយសច្ច​៤ ដែល​ជា​វិថី​ជីវិត​ដែល ប្រកប​ដោយ​ហេតុផល មិនបាច់​ពឹង​លើ​ព្រេងវាសនា មិនបាច់​អង្វរករ​ឱ្យ​អាទិទេព​ជួយ តែ​ជា​អ្នកកំណត់​ជីវិត​របស់​ខ្លួន​ដោយ​ខ្លួនឯង ។ យើង​អាច​មិនមែន​ជា​គ្រូពេទ្យ ដែល​ចេះ​ព្យាបាល​ជំងឺ​អ្នកដទៃ តែ​យើង​អាច​ប្រើ​វិធីសាស្ត្រ​របស់​គ្រូពេទ្យ​ដើម្បី​ដោះស្រាយ​បញ្ហា​ជីវិត ឬ​សេចក្តី ទុក្ខ​ក្រៀមក្រំ​ក្នុង​ជីវិត​បាន ដោយ​ការ​ស្គាល់​បញ្ហា​ជីវិត​នោះ​ឱ្យបាន​ច្បាស់​(​ទុក្ខ សច្ចៈ​) ស្រាវជ្រាវ​រក​ឱ្យ​ឃើញ​ថា អ្វី​ជាដើម​ហេតុ​របស់​បញ្ហា​ដែល​កំពុងតែ​ជួប ប្រទះ​នេះ (​ទុក្ខសមុទយ​សច្ចៈ​) រៀប​គោលដៅ​ជីវិត​ដែល​គ្មាន​បញ្ហា​ឱ្យបាន​ច្បាស់ (​ទុក្ខ​និរោធៈ​) និង​ដើរ​តាម​ផ្លូវ​ទាំង​៨ (​មគ្គ​សច្ចៈ​) ដែល​ព្រះ​ពុទ្ធអង្គ លោក​បាន​ពិសោធន៍​រួចហើយ គឺ​១-​មាន​ទស្សនៈ​ត្រូវ​, ២-​មាន​ការគិត​ត្រូវ​, ៣- មានការ​និយាយស្តី​ត្រូវ​, ៤-​មាន​ទង្វើ ឬ​កម្ម​ត្រូវ​, ៥-​មានការ​ចិញ្ចឹម​ជីវិត​ត្រូវ​, ៦-​មាន​សេចក្តី​ព្យាយាម​ត្រូវ​, ៧-​មាន​សតិ​ត្រូវ និង​៨-​មាន​សមាធិចិត្ត​ត្រូវ ។​
​    ​ក្រៅពី​ការយក​អរិយ​សច្ចៈ​៤ ជា​មាគ៌ា​ជីវិត យើង​ក៏​គួរ​គិត​ពិចារណា​ដែរ ថា តើ​ក្នុង​ឋានៈ​ជា​ពុទ្ធបរិស័ទ យើង​នឹង​អាច​បន្ត​សាសនា​ព្រហ្មចរិយៈ (​ពុទ្ធ សាសនា​) របស់​ព្រះ​បរមគ្រូ​យើង​ឱ្យបាន​រឹងមាំ​ល្អ​ខ្ជាប់ខ្ជួន មាន​ការរីកចម្រើន បាន​ផ្សព្វផ្សាយ​ទៅកាន់​សព្វ​ទិស ធ្វើឱ្យ​មហាជន​កាន់តែ​ច្រើន​បាន​ដឹង​ពី​ពុទ្ធ សាសនា និង​ធ្វើឱ្យ​ពុទ្ធសាសនា​បាន​អភិវឌ្ឍន៍​ថែមទៀត​ដោយ​របៀប​ណា ដើម្បី ជា​ប្រយោជន៍​ដល់​ជំនាន់​កូន និង​ចៅ និង​អនុ​ជន​ជាន់ក្រោយ​របស់​យើង ។ ព្រោះ ថា ពុទ្ធសាសនា​ដែល​នឹង​អាច​តាំង​នៅ​អស់កាល​ដ៏​យូរ​បាន​នោះ ក៏​ព្រោះ​មាន ទំនាក់ទំនង​ជាមួយ​នឹង​ភាព​ជា​ប្រយោជន៍​នៃ​ពុទ្ធធម៌​ដល់​មនុស្ស​ជាតិ​ដ៏​ ច្រើន ។ បើ មនុស្សជាតិ ជាពិសេស​ខ្មែរ​យើង​មិន​បាន​យល់ឃើញថា ពុទ្ធសាសនា​មាន ប្រយោជន៍​នោះ ពុទ្ធសាសនា​នេះ​ក៏​នឹង​មិន​មាន​អ្នកណា​បដិបត្តិ​ជឿ ឬ​កាន់​តាម ដែរ ។ ភាពជា​ប្រយោជន៍​របស់​ពុទ្ធសាសនា គឺ​នៅ​ពេល​ណា​ដែល​ខ្មែរ យើង​យល់​ថា អរិយ​សច្ចៈ​៤​នេះ ពិតជា​មាន​ប្រយោជន៍​ក្នុង​ការដឹកនាំ​ជីវិត​ឆ្ពោះ ទៅ​រក​សេចក្តីសុខ​ពិតប្រាកដ​មែន ហើយ​នាំ​គ្នា​រស់នៅ​ក្នុង​វិថី​ជីវិត​បែប​អរិយ​សច្ចៈ នោះ​ដោយ​ការពេញចិត្ត និង​ជឿជាក់​។​
​    ​ខ្ញុំ​គិតថា តួនាទី​របស់​ជំនាន់​យើង នេះ ជាពិសេស​ព្រះសង្ឃ​មាន​សារសំខាន់​ណាស់ ដែល​ត្រូវ​ធ្វើឱ្យ​ភាព​មាន ប្រយោជន៍​របស់​ពុទ្ធសាសនា កើតមាន​ដល់​ប្រជាជន​ខ្មែរ ដោយ​ចំពោះ​ក្នុង ចំណោម​យុវវ័យ​នា​សម័យ​សកលភាវូបនីយកម្ម​នេះ ។ យើង​គួរតែ​ប្រកាស យក​ឆ្នាំ​ពុទ្ធ​សករាជ​២៥៥៥ ឬ​ឆ្នាំ​សកល  ២០១១​នេះ ជា​ឆ្នាំ​អរិយ​សច្ច ជា​ឆ្នាំ​ចាប់ ផ្តើម​នៃ​ទសវត្សរ៍​វិថី​ជីវិត​អរិយ​សច្ច សម្រាប់​ប្រជាជាតិ​ខ្មែរ​យើង ព្រោះថា បើ​យើង​រស់នៅក្នុង​អរិយ​សច្ច ឈ្មោះថា យើង​រស់នៅ​ក្នុង​ធម៌​ទាំង​៨៤០០០ របស់​ព្រះពុទ្ធ​ផងដែរ ។​
​    ​សូម​ឱ្យ​បុណ្យ​អានិសង្ស​នៃ​ការបូជា​ចំពោះ​ខួប​នៃ​ការ​ត្រាស់ដឹង​ជា​ព្រះ ពុទ្ធ​របស់​ព្រះ​បរមគ្រូ​នៃ​យើង​គ្រប់​២៦០០ ឆ្នាំ និង​អានិសង្ស​នៃ​ការបូជា​ចំពោះ​ថ្ងៃ វិសាខបូជា​នេះ បាន​ជា​បច្ច័យ​ជួយ​ឱ្យ​ប្រជា​បរិស័ទ​ខ្មែរ និង​សកលលោក បាន ក្លាយទៅជា​អ្នក​ដែល​មាន​ការយល់ឃើញ​ត្រឹមត្រូវ គិត​ត្រឹមត្រូវ និយាយ​ត្រឹមត្រូវ ធ្វើអំពើ​ត្រឹមត្រូវ ប្រកប​អាជីវកម្ម​ត្រឹមត្រូវ មាន​ការព្យាយាម​ត្រឹមត្រូវ តាំង​សតិ​បាន​ត្រឹមត្រូវ និង​តម្កល់​ចិត្តបាន​ស្ងប់​ត្រឹមត្រូវ នៅក្នុង​គន្លង​នៃ​ផ្លូវ​ដែល មិន​តឹង​ពេក មិន​ធូរ​ពេក មិន​ឆ្វេង​ពេក មិន​ស្តាំ​ពេក ដើម្បី​សន្តិភាព និង​ការ អភិវឌ្ឍន៍​មួយ​ដែល​ស្ថិតស្ថេរ​ចីរកាល ត​រៀង​ទៅ​ហោង ៕

More infos: http://www.cen.com.kh/localnews/show_detail/132?token=YmUyNmZiNzMxOGQ5OGQ5ZGNmYmQxM2VlOWU5NmI3

ការបាត់បង់នូវ​កុលបុត្រខ្មែរមួយរូប (លោក រាជ សម្បត្តិ)

អត្ថបទដកស្រង់ចេញពីគេហទំព័រ ភ្នំពេញប៉ុស្តិ៍

“រាជ សម្បត្តិៈ ឪពុកដ៏ល្អ មិត្តស្មោះស មន្ត្រីមានសមត្ថភាព

Friday, 13 May 2011 15:01 ដោយ នេត្រ ភក្ត្រា

រូបថត Facebook រាជ​ សម្បត្តិ

កាល​ពី​៤៧ ឆ្នាំ​មុន គឺ​នៅ​ឆ្នាំ ១៩៦៤ ទារក​ម្នាក់​មាន​ភេទ​ប្រុស បាន​ចាប់​ប្រសូត​មក​នៅ​ក្នុង​ក្រុម​គ្រួសារ​​មួយ​នៅ​លើ​ទឹកដី​ខេត្ត​ ស្វាយរៀង។ ទារក​ម្នាក់​នោះ​ត្រូវ​បាន​ឪពុក​ម្តាយ និង​សាច់​ញាតិ​របស់​ខ្លួន​ដាក់​ឈ្មោះ​ថា រាជ សម្បត្តិ។ ទារក រាជ សម្បត្តិ បាន​ចម្រើន​វ័យ​កាន់​តែ​លឿន និង​ក្លាយ​ជា​កុមារ​ម្នាក់​ដ៏​ឈ្លាសវៃ និង​គួរ​ជាទី​ស្រឡាញ់​របស់​អស់​ញាតិ​សន្តាន នៅ​ក្នុង​ស្រុក។ កុមារា រាជ សម្បត្តិ ក៏​ដូចជា​កុមារ​ជាច្រើន​ទៀត​នៅ​ក្នុង​ប្រទេស​កម្ពុជាបាន​ឆ្លង​កាត់​របប​ ខ្មែរ​ក្រហមដែល​បាន​ដឹកនាំ​ប្រទេសឆ្ពោះ​ទៅ​រក​ភាព​អន្តរាយ​ចន្លោះ​ពី​ថ្ងៃ​ ទី ១៧ មេសា ឆ្នាំ ១៩៧៥ ដល់​ថ្ងៃ​ទី ៦ ខែ​មករា ឆ្នាំ ១៩៧៩។

ភាព​ឈឺ​ចាប់ ខ្លោច​ផ្សា អត់​អាហារ​បាន​រួតរឹត​កុមារា រាជ សម្បត្តិ ដែល​កំពុង​ស្ថិត​នៅ​ក្នុង​វ័យ​មួយ​តម្រូវ​ការ​ការ​សិក្សានិងម្ហូប​អាហារ​ ព្រមទាំង​ការ​ថែទាំ​រក្សា​ពី​មាតាបិតា​របស់​ខ្លួន។ កុមារា​សម្បត្តិ ត្រូវ​បាន​ពង្រាត់​ពី​ឪពុកម្តាយ ស្ថិត​នៅ​ក្នុង​កង​កុមារ​ធ្វើ​ការងារ​គ្មាន​ស្រាកស្រាន្ត។ កុមារ​សម្បត្តិ មាន​រូប​ស្គមស្គាំ ប៉ុន្តែ​ស្មាម​ញញឹម​ដ៏​ស្រស់​គួរ​ជាទី​ទាក់ទាញ និង​ស្នាម​ញញឹម​ដ៏​បរិសុទ្ធ​ក្នុង​នាម​ជា​មនុស្ស​ស្លូតត្រង់និង​ស្មោះស​នៅ​ តែ​ស្ថិត​ក្នុង​ក្រអៅ​បេះដូង​របស់​កុមារ​រូបនេះ​ជានិច្ច។

ភាព​សោក​សង្រេង​នៅ​ក្នុង​ជីវិត​របស់​លោក​ហើយ​មិន​អាច​បំភ្លេច​បាន​អស់​មួយ​ ជីវិត​លោក គឺ​ការ​បាត់បង់​ឪពុកម្តាយ​ជាអ្នក​មាន​មហា​ករុណគុណ​ចំពោះ​លោក ដោយសារ​តែ​ក្រុម​ខ្មែរ​ក្រហម​បាន​ប្រល័យ​ជីវិត​លោក​ទាំងពីរ​គ្មាន​ ត្រាប្រណី។ ឪពុកលោករាជសម្បត្តិ ​គឺជា​មេស្រុក​ម្នាក់​នៅ​ក្នុង​ខេត្ត​ស្វាយ​រៀង​ ត្រូវ​បាន​ខ្មែរ​ក្រហម​យក​ទៅ​រៀន​សូត្រ ​និង​សម្លាប់​ចោល ​ចំណែក​ឯម្តាយ ​និង​បង​ ប្រុស​ទី២ ​របស់​លោក​ក៏បាន​ស្លាប់​ក្នុង​សម័យ​ខ្មែរ​ក្រហម​ដែរ។​ លោក​រាជ ​សម្បត្តិ​ធ្លាប់​បាន​ថ្លែង​ថា ​របប​ខ្មែរ​ក្រហម​បាន​បំផ្លាញ​សុភ​មង្គល​ និង​សេចក្តី​សុខ​របស់​លោក​ជាមួយ​ឪពុក​ម្តាយ ​និង​បង​ប្អូន​របស់​លោក​។

កុមារា ​ រាជ សម្បត្តិ ព្រម​ទាំង​បង​ប្អូន​របស់​លោក​បាន​ក្លាយ​ជា​កុមារ​កំព្រា រស់នៅ​ដោយ​ពឹង​លើ​ខ្លួន​ឯង និង​ការ​ជួយ​ផ្តល់​ការ គាំទ្រ​ពី​សំណាក់​សាច់ញាតិ និង​ពលរដ្ឋ​មួយ​ចំនួន។ ក្រោយ​រំដោះ​ថ្ងៃ ៧ មករា ឆ្នាំ ១៩៧៩ កុមារា រាជ សម្បត្តិ បាន​ធ្វើដំណើរ​មក​ទីក្រុង​ភ្នំពេញ។ កុមារា​ សម្បត្តិ បាន​ព្យាយាម​តស៊ូ​ជម្នះ​នូវ​រាល់​ឧបសគ្គ​ទាំង​ឡាយ​នៅ​ក្នុង​ជីវិត។ កុមារ​សម្បត្តិ បាន​ចម្រើន​វ័យ​បាន បន្ត​ការសិក្សា​របស់​ខ្លួន​ចេញ​ពី​សាលា​បឋមសិក្សា​វត្តភ្នំ ហើយ​បាន​បញ្ចប់​ការ​សិក្សា​ទុតិយភូមិ​នៅឆ្នាំ ១៩៨៧ នៅ​វិទ្យាល័យ​ព្រះស៊ីសុវត្ថិ។ កំពុង​សិក្សា លោក​រាជ សម្បត្តិ បាន​បើក​បង្រៀន​ភាសា​បរទេស​ក្រៅម៉ោង គឺ​នៅ​សាលា​ក្រោយវាំង។ ជា​គ្រូភាសា​អង់គ្លេស លោក​បាន​បង្ហាត់បង្រៀន​មនុស្ស​ជាច្រើន​ឲ្យ​ចេះ​សរសេរ និង​និយាយ​ភាសា​អង់គ្លេស។ យុវជន​រាជ សម្បត្តិ បាន​ក្លាយ​ទៅជាគ្រូ​បង្រៀន​ភាសា​អង់គ្លេស​យ៉ាង​ស្ទាត់​ជំនាញ។

ជីវិត ​លោក រាជ សម្បត្តិ បាន​ឆ្លង​កាត់​នូវ​ឧបសគ្គ និង​ការ​តស៊ូ​យ៉ាង​ខ្លាំង។ លោក​ឆ្លង​កាត់​ ជីវិត​ក្មេងវត្ត និង​បាន​ហែល កាត់​នូវ​ការ​តស៊ូ​ដ៏​ច្រើន​អនេក​ដូចជា​រត់​កង់​ឌុប​ពីឆ្នាំ១៩៨១ ដល់ឆ្នាំ ១៩៨៤ ដើម្បីរកប្រាក់ចិញ្ចឹមជីវិត និងបន្តការរៀនសូត្ររបស់ខ្លួន។ លោករាជ សម្បត្តិ បាន​រក្សា​ទុក​នូវ​អនុស្សាវរីយ៍​ជូរចត់ និង​ផ្អែមល្ហែម​នៅក្នុង​ជីវិត​របស់​លោក​ជានិច្ច និង​តែងតែ​លើក​ឡើង​ពី​ជីវិត​តស៊ូ​របស់​លោក​ប្រាប់​ដល់​ក្មេង​ជំនាន់​ក្រោយ។ លោក​ក៏​តែងតែ​រម្លឹក​ឡើង​វិញ​ពី​អតីតកាល​របស់​លោក ជាមួយ​នឹង​មិត្តភក្តិ​ដទៃ​ទៀត​ដែល​បាន​ស្គាល់​គ្នានិង​រៀន​ជាមួយ​គ្នា​ តាំងពី​កុមារភាព​ម្ល៉េះ។

លោក​ រាជ សម្បត្តិ បាន​ក្លាយ​ជា​មនុស្ស​ម្នាក់​មាន​ប្រជាប្រិយភាព​ដោយសារ​តែ​ការ​និយាយ​រឿង​ កំប្លែង​របស់​លោក​មិនចេះ​រីងស្ងួត និង​ភាព​ក្រមិចក្រមើម​របស់​លោក រួម​នឹង​ភាព​ស្រស់ស្រាយ និង​រាក់ទាក់​ចំពោះ​មនុស្ស​គ្រប់រូប។ លោក​បាន​រក្សា​ទុក​នូវ​របស់​ចាស់ៗ​ដែល​លោក​បាន​ប្រើប្រាស់​ពី​មុន​មក​ក្នុង​ នោះ​មាន​កង់​មួយ ដែល​លោក​បាន​ជិះ​វា​តាំង​ពី​ក្នុង​ទសវត្សរ៍​ឆ្នាំ ១៩៨០​ម្ល៉េះ។ លោក​រាជ សម្បត្តិ ជា​មនុស្ស​ស្រឡាញ់​របស់​ប្រើប្រាស់​របស់​ខ្លួន និង​ភ្ជាប់​ខ្លួន​ទៅ​នឹង​របស់​ទាំងនោះ ដោយ​ចាត់​ទុកថា ជាផ្នែក​មួយ​នៃ​ជីវិត​របស់​លោក។ ​លោក​រាជ​ សម្បត្តិ ​បាន​ទទួល​អាហារូប​ករណ៍​ទៅ​សិក្សា​នៅ​ប្រទេស​ឥណ្ឌា​​ បន្ទាប់​ពី​លោក​បាន​បញ្ចប់​ការ​សិក្សា​ថ្នាក់​វិទ្យា​ល័យ​ក្នុង​ឆ្នាំ ​១៩៨៨​។

ក្រោយ​ពី​សម័យ​អ៊ុនតាក់ និង​ការ​រៀបចំ​ការ​បោះឆ្នោត​នៅ​ឆ្នាំ ១៩៩៣ យុវជន​រាជ សម្បត្តិ បាន​បន្ត​ការ​សិក្សា​ផ្នែក​សារព័ត៌មាន​នៅ​សាកល​វិទ្យាល័យ​ជូឡា ​ឡុងកន។ បន្ទាប់​មក លោក​បាន​សិក្សា​ជំនាញ​ផ្នែក​ទំនាក់ទំនង​សាធារណៈ សារគមនាគមន៍ និង​វិជ្ជា​ជីវៈ​សារព័ត៌មាន​នៅ​សាកលវិទ្យាល័យ​រដ្ឋកាលីហ្វ័រនីញ៉ា។ លោក​បាន​ធ្វើការ​សិក្សា និង​ទទួល​ការ​បណ្តុះបណ្តាល​ផ្នែក​ជំនាញ​សារព័ត៌មាន​នៅ​បរទេស​ជាច្រើន​ថែម​ ទៀត។ លោក​បាន​បម្រើ​ការងារ​អាជីព​ជា​អ្នក​កាសែត​អស់​រយៈ​ពេល​ជាង ២០ ឆ្នាំ​ដោយ​បាន​ធ្វើ​ជា​អ្នក​ឆ្លើយឆ្លង​ព័ត៌មាន​អន្តរជាតិធំៗ​ជាច្រើន​ប្រចាំ ​ប្រទេស​កម្ពុជា។ លោក​បាន​លាចេញ​ពី​ជីវិត​ជា​អ្នកកាសែត​មក​ជាអ្នក​នាំ​ពាក្យ​អង្គជំនុំ​ជម្រះ​ វិសាមញ្ញ​ នៅក្នុង​តុលាការ​កម្ពុជា​នៅដើម​ឆ្នាំ ២០០៦ ហើយ​ក្រោយ​មក​បា​នក្លាយ​ជាប្រធាន​ផ្នែក​កិច្ចការ សាធារណៈ​នៃ​សាលា​ក្តី​ចម្រុះ​កម្ពុជា អង្គការ​សហប្រជាជាតិ​នេះ។

លោក​រាជ សម្បត្តិ ទាំង​ក្នុង​អាជីព និង​ក្នុង​ជីវិត​ឯកជន​របស់​លោក​បាន​ទទួល​នូវ​ការ​គោរព​ដ៏​ជ្រាលជ្រៅ​បំផុត។ ជាមួយ​នឹង​សមត្ថភាព ភាព​រាក់ទាក់​ស្រស់ស្រាយ​របស់​លោក ទាំង​មិត្តភក្តិ និង​មិត្ត​រួម​អាជីព​បាន​ទទួល​ស្គាល់​លោក​ថា ជា​មនុស្ស​ដ៏​ស្លូតត្រង់់និង​ដ៏​ល្អ​ប្រពៃ​ម្នាក់​ប្រកប​ដោយ​ធម៌​ព្រះពុទ្ធ​ នៅ​ក្នុង​ខ្លួន។ លោក​ចូលចិត្ត​លេងសើច​សប្បាយ និង​ជាអ្នក​ចូលចិត្ត​សិល្បៈ​កម្សាន្ត។ នៅ​ក្នុង​ផ្ទះ​ លោក​រាជ សម្បត្តិ បាន​រក្សា​ទុក​នូវ​ស្គរ និង​គ្រឿង​ភ្លេង​ជាច្រើន​ទៀត។ ការ​តុបតែង​ផ្ទះ​ជា​លក្ខណៈ​ធម្មជាតិ​គឺ ជា​ចំណង់ចំណូលចិត្ត​របស់​លោក។ នៅ​ពេល​សម្រាក លោក​តែងតែ​ហៅ​លេង​ជាមួយ​សត្វ​សារិកាកែវ​របស់​លោក ជាមួយ​នឹង​សំឡេង​គ្រលួច។ លោក​រាជ សម្បត្តិ ជា​មនុស្សម្នាក់​ដែល​កាន់​ខ្ជាប់​ព្រះពុទ្ធសាសនា ដោយសារ​លោក​ក៏​ជា​អតីត​ក្មេង​វត្តម្នាក់ដែលបានស្គាល់គ្រប់រសជាតិទាំងអស់។

មនុស្ស ​ទូទៅ​បាន​ស្គាល់​លោក​យ៉ាង​ច្បាស់​តាម​រយៈ​កិច្ចការ​នៅ​សាលាក្តី​ ខ្មែរក្រហម។ លោក​រាជ សម្បត្តិ បាន​ធ្វើ​ឲ្យ​ប្រជាពលរដ្ឋ​រាប់សែន លាន​នាក់​យល់ដឹង​ពី​ដំណើរការ​ជំនុំជម្រះ​សាលាក្តី​ខ្មែរ​ក្រហម ដោយ​ធ្វើការ​ពន្យល់​នៅ​ពេល​ពលរដ្ឋ​ធ្វើ​ទស្សនកិច្ច នៅ​សាលាក្តី​ខ្មែរក្រហម​ផង និង​លោក​រួម​នឹង​ក្រុម​ការងារ​បាន​ចុះ​ទៅ​កាន់​ខេត្ត​នានា​នៅក្នុង​ប្រទេស​ កម្ពុជា។ លោក​រាជ សម្បត្តិ ក៏ជា អ្នក បណ្តុះ-​បណ្តាល​អ្នក​សារព័ត៌​មាន​ដ៏​ច្រើន​ដែរ។ សិស្ស និស្សិត រួម​នឹង​អ្នក​រួម​អាជីព​តែង​តែ​ឲ្យ​តម្លៃ​លើ​រូប​លោក និង​ចាត់​ទុក​រូប​លោក រាជ សម្បត្តិ ជា​មនុស្ស​ម្នាក់​មាន​ការ​អប់រំ​ខ្ពស់ និង​ជា​ធន​ធាន​មនុស្ស​ដ៏​មាន​តម្លៃ​ម្នាក់​សម្រាប់​ប្រទេស​ជាតិ​។ លោក​ជា​កម្លាំង​ចលករមួយ​ជួយ​ផ្លាស់​ប្តូរ​មុខ​មាត់​នៃ​វិស័យ​សារព័ត៌-​មាន​ នៅ​ក្នុង​ប្រទេស​កម្ពុជា។ ការ​ស្រឡាញ់​រាប់​អាន​ចំពោះ​លោក​រាជ សម្បត្តិ មិន​ត្រឹម​តែ មាន​ជាមួយ​នឹង​ជន​ជាតិ​ខ្មែរ​ដូច​គ្នា​នោះ​ឡើយ ប៉ុន្តែ​ការ​ស្រឡាញ់​នេះ បាន​ដិត​ជាប់​នៅ​ក្នុង​ចិត្ត​របស់​ជន​បរទេស​ទាំង​ឡាយ​ដែល​បាន ស្គាល់​លោក​រាជ សម្បត្តិ។ លោក​សម្បត្តិ គឺ​ជា​មនុស្ស​ម្នាក់​ដែល​គិត​ពី​សុខ​ទុក្ខ​របស់​អ្នក​ដទៃ ជាង​សុខ​ទុក្ខ​របស់​ខ្លួន​ឯង។ លោក​ជា មនុស្ស​ចិត្ត​បុណ្យ រាប់​អាន​មនុស្ស​ដោយ​ស្មោះ​ស​បំផុត​។

អំពើ​ល្អ​របស់​លោក​សម្រាប់​ មនុស្ស​ជាតិ និង​ប្រជា-​ជាតិ​ខ្មែរគឺ​ជា​អ្វី​ដែល​មនុស្ស​គ្រប់​រូប​ចង​ចាំ​មិន​ភ្លេច គឺ​ការ​ជួយ​ធ្វើ​ឲ្យ​ពលរដ្ឋ​ទាំង​អស់​យល់​ដឹង​ពី​ដំណើរ​ការ​ជំនុំ​ជម្រះ​លើ​ អតីត​មេ​ដឹក​នាំ​ខ្មែរ​ក្រហម​។ លោក​បាន​ថ្លែង​ប្រាប់​ខ្ញុំ​នា​ពេល​មួយ​ថា លោក​មិន​មានការ​គំុកួន​អ្វី​ឡើយ​ចំពោះ​មេដឹក​នាំ​ខ្មែរ​ក្រហម​។ អ្វី​ដែល​លោក​ធ្វើ​គឺ​ធ្វើ​ដើម្បី​នាំ​មក​នូវ​យុត្តិ​ធម៌​សម្រាប់​ប្រជា​ ជាតិ​ខ្មែរ​ទាំង​មូល គឺ​មិនមែន​ដើម្បី​សង​សឹក​នឹង​អតីត​មេដឹក​នាំ​ខ្មែរ​ក្រហម ដែល​ធ្វើ​ឲ្យ​ឪពុក​ម្តាយ​របស់​លោក​ស្លាប់​បាត់​បង់​ជីវិត​ឡើយ​។ នេះ​គឺ​ជា​ចិត្ត​បុណ្យ របស់​អ្នក​កាន់​ព្រះ​ពុទ្ធ​សាសនា​ពិត​ប្រាកដ​ម្នាក់​ដែល​លោក​រាជ សម្បត្តិ​មាន។

ភាព​សកម្ម​នៅក្នុង​ការងារ​បម្រើ​ជាតិ និង​គ្រួសារ​របស់​លោក​រាជ សម្បត្តិ បាន​បញ្ចប់​ទៅ​ដោយ​មិនអស់​ចិត្ត​សម្រាប់​មនុស្សទូទៅ​ដែល​ស្គាល់និង​រាប់អាន​ លោក។ លោក រាជ ​សម្បត្តិ មានអាយុ ៤៧ ឆ្នាំ ជា​ប្រធាន​ផ្នែកកិច្ចការ​សាធារណៈ​នៃ​អង្គ​ជំនុំ​ជម្រះ​វិសាមញ្ញ​ក្នុង​ តុលាការ​កម្ពុជា​ ដែល​បាន​ទទួល​រង​នូវ​ជំងឺ​លើស​ឈាម​ធ្ងន់​ធ្ងរ​ ត្រូវបានមច្ចុរាជផ្តាច់ផ្តិលជីវិតរបស់លោកនៅវេលាម៉ោង ៨ និង ៤៥ នាទីថ្ងៃទី១១ ខែឧសភា ឆ្នាំ ២០១១ នៅមន្ទីរពេទ្យ​កាល់ម៉ែត បន្ទាប់​ពីក្រុម​គ្រូពេទ្យ​បាន​ព្យាយាម​ក្នុង​ការ​ជួយ​សង្គ្រោះ​អាការ​ជំងឺ​ ដ៏ធ្ងន់​ធ្ងរ​របស់​លោក។

លោក រាជ ​សម្បត្តិ មាន​បញ្ហា​លើស​ឈាម​ កាល​ពី​ល្ងាច​ថ្ងៃ​ទី ១០ ខែ​ឧសភា វេលា​ម៉ោង ៤ និង​ ៣០​ នាទី​រសៀល នៅ​ពេល​លោក​កំពុង​បំពេញ​ការងារ។ លោក​ត្រូវ​បញ្ជូន​ពី​សាលា​ក្តី​មក​កាន់​មន្ទីរ​ពេទ្យ​កាលម៉ែតដើម្បី​ធ្វើ​ ការសង្គ្រោះ​បន្ទាន់។ បើ​តាម​ក្រុម​គ្រូ​ពេទ្យ ដោយ​សារ​តែ​ស្ថានភាព​លើស​ឈាម​របស់​លោក​មាន​សភាព​ធ្ងន់ធ្ងរ បាន​ធ្វើ​ឲ្យ​លោក រាជ សម្បត្តិ ​ដាច់​សរសៃ​ឈាម​នៅ​ក្នុង​ខួរ​ក្បាល។ លោក រាជ សម្បត្តិ បាន​សម្រាន្ត​ស្តូក​ស្តឹង​មិន​ដឹង​ខ្លួនចាប់តាំង​ពីលោក​ទទួល​រងជំងឺ​លើស​ឈាម ​ ហើយ​លោក​ត្រូវ​បាន​ក្រុម​គ្រូពេទ្យបន្ត​ដក​ដង្ហើម​ដោយ​មាន​ខ្យល់​អុកស៊ីសែន​ ជា​ជំនួយ។ ក្រុម​គ្រូពេទ្យ​ទាំង​ជាតិ ​និង​បរទេស​បាន​ខិត​ខំជួយ​សង្គ្រោះ​លោក ​ដោយ​មាន​គម្រោង​បញ្ជូន​លោក​ទៅ​ព្យាបាល​នៅ​ទីក្រុង​បាង​កក​ ប៉ុន្តែ​ដោយ​សារតែ​ស្ថាន​ភាព​សុខ-​ភាព​របស់​លោក​មិន​អំណោយ​ផល​ដល់​ការបញ្ជូន ​ទៅព្យាបាល​នៅក្រៅ​ប្រទេស​ឡើយ​។ ក្តី​ សង្ឃឹម​លើរូប​លោក​បានធ្លាក់​ចុះ ​ទីបំផុត​លោក​រាជ ​សម្បត្តិ ​ដែល​មនុស្ស​ទូទៅ​បាន​ស្គាល់ ​និងទទួល​ស្គាល់ពី​ប្រសិទ្ធភាព​ការងារ​របស់​លោក ​តាមរយៈ​កិច្ចការ​នៅ​សាលាក្តី​ខ្មែរ​ក្រហម ​បានលា​ចាកលោក​នេះ ​ដោយ​បន្សល់​ទុកនូវ​ភាព​អាឡោះអាល័យ​សម្រាប់​ក្រុម​គ្រួសារ​ មិត្ត​ភក្តិ​រួមអាជីព​និង​ប្រជា​ពល​រដ្ឋរួម​ជាតិ​របស់​លោក​។ លោក​រាជ សម្បតិ្ត បាន​លាចាក​លោក​នេះ​ទាំង​មិន​បាន​និយាយ​អ្វី​មួយ​ម៉ាត់​ទៅ​កាន់​កូនៗ​ជាទី​ ស្រឡាញ់​របស់​លោកនិង​ឧត្ដមភរិយា​លោក​ឡើយ។

«ពេល​នេះ បង​ចប់​ហើយ»។ នេះ​គឺ​ជា​ពាក្យ​សម្តី​ចុង​ក្រោយ​ដែល​លោក​រាជ សម្បត្តិ បាន​បន្លឺ​ឡើង​នៅ​ពេល​ដែល​លោក ទទួល​រង​នូវ​ការ​វាយលុក​យ៉ាង​ខ្លាំង​ពី​ការ​ឡើង​សម្ពាធ​ឈាម។ សម្តី​ចុង​ក្រោយ​របស់​លោក​ធ្វើ​ឲ្យ​មនុស្ស​ទូទៅ​នឹក​គិត អាណិត​ខ្លោច​ចិត្ត​ចំពោះ​មនុស្ស​ម្នាក់​ដែល​មាន​សមត្ថភាព​នៅ​ក្នុង​សង្គម ជា​ឪពុក​ដ៏​ល្អ​នៅ​ក្នុង​គ្រួសារ ជា​បង​ប្រុស​ដ៏​ល្អ​សម្រាប់​ប្អូនៗ​ទាំងឡាយ ជា​សហសេវិក​ដ៏​ស្មោះត្រង់​សម្រាប់​មិត្ត​រួម​ការងារនិង​ជា​មិត្តភក្តិ​ដ៏​ ស្មោះស​ចំពោះ​មិត្ត​ពី​កុមារភាព។

នៅ​ពេល​នេះ លោករាជ សម្បត្តិ ដ៏មានប្រជាប្រិយភាព បាន​ក្លាយ​ជា​សាកសពគ្មាន​ព្រលឹង មិន​អាច​និយាយ​មក​កាន់​យើង​ទាំងអស់​គ្នា​បាន​ទៀត​ឡើយ មិន​អាច​សប្បាយ​រីករាយ​ក្រោយ​ពី​សម្រាក​ការងារ​ជា​មួយ​យើង​ទៀត​ទេ ហើយ​ក៏​មិន​អាច​ចែក ​រម្លែក​មីឆា និង​ម្ហូប​អាហារ​ជាមួយ​គ្នា និង​ចែក​គ្នា​ច្រៀង​កម្សាន្ត​សប្បាយ​ពេល​សម្រាក​ពី​ការងារនិង​ចែក​រម្លែក​បទ ​ពិសោធ​ក្នុង​ការងារ​ជាមួយ​យើង​ទៀត​ឡើយ។ លោក​រាជ សម្បត្តិ បាន​បន្សល់​ទុក​នូវ​តែ​ស្នាម​ញញឹម​សម្រាប់​យើង​ទាំងអស់​គ្នានិង​​មិន​អាច​ ឆ្លើយ តប​ជាមួយ​នឹង​ការ​ផ្តោះផ្តង​របស់​យើង​ទៀត​ទេ។ លោក​បន្សល់​នូវ​ក្តី​ស្រឡាញ់ និង​ភាព​ស្មោះត្រង់​របស់​លោក​ចំពោះ​ជាតិ គ្រួសារ និង​មិត្តភក្តិ​ពី​ថ្ងៃ​នេះ​ត​ទៅ។ មិត្ត​ភក្តិ​រួម​អាជីព​ជាអ្នក​សារព័ត៌​មាន​ទាំង​អស់ ​សូម​ចូល​រួម​មរណ​ទុក្ខ​ចំពោះ​ក្រុម​គ្រួសារ​សព​របស់​លោក​រាជ ​សម្បត្តិ​ និងសូម​ បួងសួង​ឲ្យវិញ្ញាណ-​ក្ខន្ធ​លោក​ទៅកា​ន់សុគតិ​ភព​ និ​ងឆាប់​យោនយក​​កំណើត​សាជាថ្មី។​​ រូបំ ទុក្ខំ អនិច្ចំ អនត្តា។ សូមលោករាជ សម្បត្តិ បាន​សេចក្តីសុខ​ជា​រៀង​រហូត ពួកយើង​ខ្ញុំ​នៅ​ខាង​ក្រោយ​ចងចាំ​ជានិច្ច​ចំពោះ​រូប​លោក។ គ្មាន​អ្វី​សោកសៅនិង​ក្តុកក្តួល​ជាង​ ការ​បាត់បង់​អ្នក​ដែល​ជា​ទី​ស្រឡាញ់​របស់​ខ្លួន​ ឡើយ!

More infos: http://postkhmer.com/index.php?option=com_content&view=article&id=57862%3A2011-05-13-07-59-43&catid=4%3Alifestyle-news&Itemid=79

Press Release: SA SA BASSAC Opens Thoamada by Vuth Lyno

exhibition_03_thoamada_homepic.jpg

PRESS RELEASE

For Immediate Release

Friday, 13 May 2011

SA SA BASSAC opens Thoamada (ធម្មតា) by Vuth Lyno

Phnom Penh – SA SA BASSAC is pleased to announce the opening of Thoamada (ធម្មតា​​​), a solo exhibition by Vuth Lyno.

Thoamada (ធម្មតា​​​) comprises a suspended circle of nine large-scale color photographic portraits and audio. The exhibition questions the line between private and public, inner and outer: the same faces appear inside and outside the circle, but your relationship to them differs. Outside the circle, you can survey the portraits one by one; inside the circle, all the subjects gaze at you at the same time. A separate earphone accompanies each portrait—each participant talks candidly about his life. You can listen to each story one by one. Your relationship with each subject is one on one.

The portraits and stories in Thoamada (ធម្មតា​​​) derive from an intensive workshop with a professional facilitator and nine Khmer men who have sex with men (MSM) who exchanged personal stories over two days with the aim to build intimate public dialogue about, and among, Lesbian, Gay, Bisexual and Transgender (LGBT) communities.

For a closing activity, participants were asked to paint their faces as an expression of their identity. The results are personalized masks with meaningful symbols—an animal, a landscape, the Cambodian flag, and so on. One face is patterned with abstract shapes and circles to refer to the life cycle. A cat mask captures another’s affinity to the animal as well as his cat-like personality. The man behind the fierce lion mask notes that unlike lions, he doesn’t attack unless provoked. A butterfly—half in color and half in black and white—reveals the joy and sadness we all experience. An asura, a demonic Hindu mythical figure also referred to as a yeak, evokes some of the public fear still associated with LGBT communities. Mountains and flowers are symbols of home and family, while the participant himself is a leaf—someday to transform into a flower.  The flag conjures national pride and Khmer kindness. These symbols show the wide range of Khmer MSM identities.

For the artist, the circular installation of the portraits “represents a sense of community and the process of the workshop in which the participants came in, shared, and learned from each other.” The inner circle reflects the internal selves the participants want to share with the external world. The artist suggests that this community is “not complete yet.” There is a gap in the circle, a space that allows you to enter—“This space could be for anyone who wishes to be part of it.” The show challenges standard stereotypical representations of MSM and empowers them through self-representation.

The title of the show is a commonly used Khmer expression, Thoamada (ធម្មតា​​​), which means things are natural, habitual, okay—the usual. The participants tell us about their everyday, normal lives. Describing the individual photo shoots, Vuth recalls, “I told [the subjects] that they can just be themselves as if someone is talking to them, which is a setting that I wish to create in the final installation—they are talking with the audience.”

Vuth’s project is collaborative. His main concern when taking the photos was “about letting the participants be creators of their own stories, be artists themselves.”  The artist aims to capture the individuality of each subject, who is part of a “homogenous yet very diverse group.” He adds, “I wanted the photos to be something simple—passport photos.” Vuth’s installation is a passport to complex stories and lives. Together you, the artist, and his subjects make the journey—the collaboration—complete.

—Viet Lê, independent curator, writer, artist

About the Artist

Vuth Lyno (1982, Phnom Penh) uses photographic practices to question and explore ideas of social transformation and national progress. His exhibitions include Magnetic Power: ASEAN-Korea Contemporary Photography & Media Art Project (2009, Gallerydoll, Seoul), PhotoPhnomPenh (2008, French Cultural Center, Phnom Penh) and 14+1 (2007, French Cultural Center, Phnom Penh). Vuth has a Master in Social Science (RMIT University, Melbourne, 2009). He is a development worker, the Director of Sa Sa Art Projects, Phnom Penh (www.sasaart.info) and has co-curated numerous exhibitions and events in Cambodia.

About SA SA BASSAC
SA SA BASSAC is a gallery and resource center dedicated to creating, facilitating, producing, and sharing contemporary visual culture in and from Cambodia.


Thoamada
(ធម្មតា​​​) is part of Cambodia LGBT Pride 2011. Pride is a series of events aiming to provide opportunities for Khmer LGBT people to come together, celebrate who they are and be proud of their identities. It is also a chance for others to learn about LGBT issues and to promote understanding and respect.
Exhibition Details
Exhibition:                    Thoamada by Vuth Lyno
Opening:                      17 May, 6:00-8:00PM
Dates:                          17 May – 12 June, 2011
Opening Hours:           Thu-Fri 2-6pm / Sat-Sun 10am-6pm
Location:                     SA SA BASSAC #18 2nd Floor, Sothearos Blvd, Phnom Penh
Web:                            www.sasabassac.com

Contact
Erin Gleeson
Artistic Director
SA SA BASSAC
+855 (0)12 507 917
erin@sasabassac.com

លិខិតចូលរួមរំលែកទុក្ខចំពោះគ្រួសារសពលោក រាជ សម្បត្តិ

តាង​នាមអោយក្រុមការងារ​ “កេរដំណែលខ្មែរ”យើងខ្ញុំសូមសម្តែងទុក្ខក្រៀមក្រំជាមួយក្រុមគ្រួសារសពលោក រាជ សម្បត្តិ ដែលទទួលមរណះភាពកាលពីថ្ងៃទី ១១ ខែឧសភា ឆ្នាំ២០១១ ដោយរោគលើសឈាម ។

សូមទទួលនូវការគោរពដ៏ខ្ពង់ខ្ពស់អំពីយើងខ្ញុំ។

ភ្នំពេញថ្ងៃទី ១១ ខែឧសភា ឆ្នាំ ២០១១

ក្រុមការងារ “កេរដំណែលខ្មែរ”

Festival du Film de l’Union Européenne à Phnom Penh

Festival du Film de l’Union Européenne
Du 3 au 9 mai
CCF et Koh Pich

Présenté par les ambassades des états membres de l’Union européenne et la délégation de la Commission européenne auprès du Royaume du Cambodge. En partenariat avec le Centre Culturel Français du Cambodge.
Tout les films projetés au CCF sont en version originale, sous-titrée en anglais.
Tout les films projetés à Koh Pich sont en version cambodgienne.

Plus d’informations : http://www.ccf-cambodge.org/files/Files%20Attachment/UE.pdf

European Union Film Festival
3- 9 May
CCF and Koh Pich (diamond island)

The EU Film Festival is presented by the Embassies of the EU Member States and the EC Delegation, in collaboration with the Centre Culturel Français du Cambodge.
All the screening at the CCF are in original language with English Subtitles.
All the screening at Koh Pich Island are in Khmer language.

More: http://www.ccf-cambodge.org/files/Files%20Attachment/UE.pdf

www.ccf-cambodge.org
023 213 124 / 125

%d bloggers like this: