មូលនិធិកេរដំណែលខ្មែរ – Kerdomnel Khmer Foundation

រួមគ្នាទាំងអស់គ្នាជាមួយក្រុមការងារកេរដំណែលខ្មែរ ក្នុងការលើកស្ទួយ ថែរក្សា និងការពារសម្បត្តិបេតិកភណ្ឌជាតិខ្មែរ។(នេះគឺជាប្រសាសន៍របស់លោកបណ្ឌិត ចិន្ត ច័ន្ទរតនា ប្រធានមូលនិធិកេរដំណែលខ្មែរ នៅក្នុងបទសម្ភាសន៍នៅទូរទស្សន៍ ស៊ីធីអ៊ិន និងស៊ីអ៊ិនស៊ី កាលពីថ្ងៃទី ២៣ ខែកក្កដា ឆ្នាំ២០១៣)

Together We Can Protect…! Interviews of Dr. CHEN Chanratana, founder/president of ក្រុមកេរដំណែលខ្មែរ – Kerdomnel Khmer Group (KDNK) Foundation on CTN and CNC, broadcasted on 23 July 2013. Please joins us to protect our Cambodian heritage.

កម្ពុជា​និង​អូស្រ្តាលី​រួម​គ្នា​រៀប​ចំ​ពិព័រណ៍​ស្ដី​អំពី “ដើម​កំណើត​ចក្រភព​ខ្មែរ” នៅក្រុង​ភ្នំពេញ

វិទ្យុអូស្ត្រាលី ABC : ប្រវត្តិវិទូ​និង​បុរាណ​វិទូ​មាន​សម្ដែង​ ក្ដី​សង្ឃឹម​ថា​​ជុំវិញ​ការ​ស្រាវ​ ជ្រាវ​និង​សិក្សា​អំពី​ដើម​កំណើត​របស់​ជន​ជាតិ​ខ្មែរ​បន្ថែម​ទៀត បន្ទាប់​ពី​មាន​ការ​រក​ឃើញ​នូវ​វត្ថុ​បុរាណ​ជា​បន្តបន្ទាប់​ក្នុង​ ឆ្នាំថ្មីៗកន្លង​មក​នេះ។

Image: Analysis of a fossilised tooth and finger bone led scientists to find they belonged to a young girl who was neither homo sapien nor Neanderthal Image 2010-12-23

រូបភាពឯកសារ​​អំពី​ការ​​រក​ឃើញ​ធ្មេញ​មនុស្ស​នៅ​បុរាណ​ដ្ឋានមួយ​នៅប្រទេស​អឺរ៉ុប (Credit: ABC licensed)
សំឡេង៖ ពិព័រណ៍​ដើម​កំណើត​ចក្រភព​ខ្មែរ

គម្រោង​ស្រាវ​ជ្រាវ​និង​លទ្ធផល​នៃ​ការ​ស្រាវ​ជ្រាវ​របស់អ្នក​នាញ​​ ​ខ្មែរ​និង​អ្នក​ជំនាញ​មក​ពី​ប្រទេស​អូស្រ្តាលី​ដែល​បាន​ធ្វើ​កំណាយ​ដី​​ នៅភូមិ​សូភី ស្រុកអូរ​ជ្រៅ ខេត្ត​បន្ទាយ​មានជ័យ​នោះ នឹង​ត្រូវ​ដាក់​តាំង​បង្ហាញ​ជា​​សាធារណៈ​នៅក្នុង​ពិព័រណ៍​ដែល​មួយ​ហៅថា​ “ដើម​កំណើត​ចក្រភព​ខ្មែរ” ចាប់​ពី​រសៀល​ថ្ងៃ​ទី​៩​ខែ​កក្កដានេះ​តទៅ ​សម្រាប់​រយៈពេល​បី​ខែ នៅ​ក្នុង​សារមន្ទីរ​ជាតិ​ក្នុង​រាជធានី​ភ្នំពេញ។

ពីព័រណ៍ ​នេះ​នឹង​បង្ហាញ​អំពី​​​​ឧបករណ៍​ប្រើប្រាស់​ប្រចាំ​ថ្ងៃ​របស់​បុព្វបុរស​ ខ្មែរ​មាន​អាយុកាល​ច្រើន​​​​រយ​​ឆ្នាំ​​ដែល​ជា​ការ​ឆ្លុះ​បញ្ចាំង​អំពី​​ ប្រពៃណីកប់​សព​បុរាណ ​វប្បធម៌ និង​ទំនៀម​ទម្លាប់​របស់​បុព្វបុរស​ខ្មែរ​ជំនាន់​នោះ។

លោក ហំ គឹមសុន ជា​ប្រធាន​នៃ​នាយកដ្ឋាន​បុរាណ​វិទ្យា​និង​បុរេប្រវត្តិ​របស់​ក្រសួង​វប្បធម៌ ​និង​វិចិត្រ​សិល្បៈ មានប្រសាសន៍​ថាអ្នក​ស្រាវ​ជ្រាវ​ត្រូវ​ការ​នូវ​ការ​នូវ​ទិន្នន័យជាក់​ស្ដែង​ ​ថ្មីៗ​ទៀត​ បន្ថែម​ទៅលើ​ឯកសារ​បោះពុម្ព​ដើម្បី​បញ្ជាក់​អំពី​ដើម​កំណើត​នៃ​អាណាចក្រ​ ខ្មែរ។

(សំឡេង)

ពិធីសម្ពោធ​បើក​ពិព័រណ៍​ “ដើមកំណើត​ចក្រភព​ខ្មែរ” នឹង​ចាប់​ផ្ដើ​មនៅ​វេលា​ម៉ោង​៥និង​៣០​នាទី​រសៀល​ថ្ងៃ​អង្គារ​នេះ​នៅឯ​ សារមន្ទីរ​ជាតិ ក្រោម​អធិបតីភាព​លោក ហ៊ឹម ឆែម រដ្ឋ​មន្រ្តី​ក្រសួង​វប្បធម៌​និង​វិចិត្ត​សិល្បៈ និង​លោក​ស្រី​ Alison Burrows ឯកអគ្គរដ្ឋទូត​អូស្រ្តាលី​ប្រចាំ​នៅ​ប្រទេស​កម្ពុជា។

គម្រោង​ ស្រាវ​ជ្រាវ​ស្ថានីយសូភីនេះ បាន​ដឹក​នាំ​ធ្វើ​ឡើង​ក្នុង​ឆ្នាំ​២០០៩​និង​២០១០ ក្រោម​កិច្ច​សហការ​វាង​​ក្រសួង​វប្បធម៌​និង​វិចិត្រ​សិល្បៈ​របស់​កម្ពុជា​ ជាមួយ​អ្នក​ជំនាញ​ពីសកល​វិទ្យាល័យ​ជាតិ​អូស្រ្តាលី​នៅ​ក្រុង​ Canberra និង​សកល​វិទ្យាល័យ Monash នៅ​ក្រុង​មែល​ប៊ិន។ ការ​តាំង​ពីព័រណ៍​ពី​ថ្ងៃ​ទី​៩​ខែកក្កដា​ ដល់​ថ្ងៃ​ទី​៩​ខែ​កញ្ញា​​នេះ​បាន​ទទួល​ការ​ឧត្ថម្ភ​ដោយ​ក្រុម​​ហ៊ុន​ធនាគា​ ឯកជន​មួយ​របស់​អូស្រ្តាលី​និង​ក្រុម​ប្រឹក្សា​ដើម្បី​ការ​ស្រាវ​ជ្រាវ​របស់​ អូស្រ្តាលី៕

ពិធីអបអរសាទរ ការបង្កើតសមាគម អ្នកប្រវត្តិសាស្ត្រកម្ពុជា ថ្ងៃសុក្រទី៥ កក្កដា ២០១៣

DSC_6243

ភ្នំពេញ៖ កាលពីថ្ងៃសុក្រ​ ទី០៥​ ខែ​កក្កដា ឆ្នាំ២០១៣​ ប្រវត្តិវិទូ បុរាណវិទូ អ្នកស្រាវជ្រាវ សាស្ត្រាចារ្យ និសិ្សត និងសិស្សជាច្រើនរូប បានចូលរួមក្នុង​ពិធីសម្ពោធ “សមា​គមអ្នកប្រវត្តិសាស្ត្រកម្ពុជា” ដែលមានទីស្នាក់ការនៅក្នុង​វិទ្យា​ស្ថានអប់រំអន្តរជាតិ ហៅកាត់ថា “អ៊ីន​ធឺរេត – InterED Institute”។ គណៈអធិបតី​ដែលបានអញ្ជើញចូលរួមនៅក្នុង​ពិធីនោះមាន៖ ឯកឧត្តម​ អៀង ម៉ូលី ទេសរដ្ឋមន្ត្រី និងជាទីប្រឹក្សាសមាគមអ្នកប្រវត្តិសាស្ត្រកម្ពុជា សាស្ត្រាចារ្យបណ្ឌិត ស៊ន សំណាង (ប្រធានសមាគម) សាស្ត្រាចារ្យបណ្ឌិត ធុយ ចាន់ធួន (អនុប្រធាន) លោកសាស្ត្រាចារ្យ វង់ សុធារ៉ា (អនុប្រធាន) និង​លោកសាស្ត្រាចារ្យ ប៉ាត់ ស៊ុយគ្រី (ទីប្រឹក្សាសមាគម)។

ខាងក្រោមនេះគឺ​ជាអត្ថ​បទសង្ខេបនៃការបង្កើតសមាគមអ្នកប្រវត្តិសាស្ត្រកម្ពុជា (Cambodian Historians Association – CHA)

ព័ត៌មានសង្ខេបស្តីអំពី សមាគមអ្នកប្រវត្តិសាស្ត្រកម្ពុជា

ឈ្មោះនិងការអនុញ្ញាត

សមាគមអ្នកប្រវត្តិសាស្ត្រកម្ពុជា (ស.ប.ក) ហៅជាភាសា​អង់គ្លេសថា Cambodian Historians Association (CHA) និងជាភាសាបារាំងថា Association des Historiens du  Cambodge (AHC) បានទទួលការអនុញ្ញាតជាផ្លូវការ ពីក្រសួងមហាផ្ទៃ នៃរាជរដ្ឋាភិបាលកម្ពុជា កាលពីថ្ងៃទី២៨ មិថុនា ២០១៣​។

អាសយដ្ឋាន

ស.ប.ក មានទីស្នាក់ការកណ្តាល នៅរាជធានីភ្នំពេញ  អគារលេខ៨ ផ្លូវ១៧៣  សង្កាត់អូឡាំពិក ខណ្ឌចំការមន។ ស.ប.ក អាចមានសាខា នៅតាមខេត្តនានា។

គោលបំណង

ស.ប.ក មានគោលបំណង ដូចតទៅ៖

១.      ស្ថាបនានិងបង្កើនទំនាក់ទំនងជិតស្និទ្ធ ក្នុងចំណោមអ្នកប្រវត្តិសាស្ត្រកម្ពុជា

ដើម្បីការអភិវឌ្ឍធនធានមនុស្ស និងវឌ្ឍនភាពរួម។

២.      ធ្វើឲ្យប្រសើរឡើង ចំពោះការងារ​របស់អ្នកប្រវត្តិសាស្ត្រកម្ពុជា ក្នុងការបង្រៀន

ការស្រាវជ្រាវ និង​សេវាកម្ម តាមរយៈការបណ្តុះបណ្តាល និងវិក្រឹតការ។

៣.      បង្កើនការស្រាវជ្រាវអំពី ប្រវត្តិសាស្ត្រសាធារណៈ និងការសិក្សាសង្គម។

៤.      ផ្សព្វផ្សាយកាសែត ព្រឹត្តិប័ត្រ ឬទស្សនាវដ្តី ដែលទាក់ទងនឹងប្រវត្តិសាស្ត្រ

ការអភិវឌ្ឍខាងស្មារតី និងការកសាងវប្បធម៌សន្តិភាព។

៥.      បង្កើនការស្រាវជ្រាវ និងបកប្រែ អំពីបុរេប្រវត្តិសាស្ត្រ ប្រវត្តិសាស្ត្រ បុរាណវិទ្យា

វប្បធម៌ និងសិល្បៈ នៃប្រទេសកម្ពុជា តំបន់ និងពិភពលោក សម្រាប់ការផ្សព្វផ្សាយ។

៦.      រៀបចំសន្និសីទ សិក្ខាសាលា វេទិកា ឬកិច្ចប្រជុំនានា ស្តីអំពីបណ្តាបញ្ហាដែល​ពាក់ព័ន្ធ។

៧.      ស្ថាបនាទំនាក់ទំនងសហប្រតិបត្តិការជាមួយ ស្ថាប័ន អង្គការ មូលនិធិ

និងទីភ្នាក់ងារជាតិ និង​អន្តរជាតិ ដើម្បីធ្វើឲ្យសម្រេចគោលបំណងខាងលើ។

ទិសដៅ

ស.ប.ក មានទិសដៅ​ បង្កើនការយល់ដឹងអំពីអតីតកាល នៃប្រទេសកម្ពុជា តំបន់ និង​ពិភពលោក  ដើម្បីរួមចំណែកចំពោះសន្តិភាព វិបុលភាព និងវឌ្ឍនភាព។

សមាជិកភាព

សមាគមនេះមានសមាជិកមានបួនប្រភេទគឺ៖ សមាជិកពេញសិទ្ធិ សមាជិកកិត្តិយស

សមាជិកឆ្លើយឆ្លង​ និងសមា​ជិក​ជានិស្សិត។

១.      អ្នកដែលអាចចូលជាសមាជិកពេញសិទ្ធិបាន គឺអ្នកគាំទ្រគោលបំណងនៃសមាគម​នេះ។

២.      អ្នកដែលអាចចូលជាសមាជិកកិត្តិយសបាន គឺអ្នកគាំទ្រគោលបំណងនៃសមាគម

និងជួយឧបត្ថម្ភ​ដើម្បីអភិវឌ្ឍសមាគម ចាប់ពីទឹកប្រាក់ពី ២០០.០០០រៀលឡើងទៅ ក្នុង១ឆ្នាំ។

៣.      អ្នកដែលអាចចូលជាសមាជិកឆ្លើយឆ្លងបាន គឺអ្នកគាំទ្រគោលបំណងនៃសមាគម

និងជួយស្ថាបនាទំនាក់ទំនងរបស់សមាគមជាមួយស្ថាប័ន អង្គការ មូលនិធិ និង​

ទីភ្នាក់ងារជាតិ និងអន្តរជាតិ។

៤.      អ្នកដែលអាចចូលជាសមាជិកជានិស្សិតបាន គឺអ្នកគាំទ្រគោលបំណងនៃសមាគមនេះ

និងកំពុង​បន្ត​ការ​សិក្សាយ៉ាង​សកម្ម នៅក្នុងស្ថាប័នឧត្តមសិក្សាណាមួយ។

គណៈទីប្រឹក្សា

គណៈទីប្រឹក្សារបស់សមាគម ជាបណ្តាជនដែលមានការចូលចិត្តពិតប្រាកដ ចំពោះ​ប្រវត្តិសាស្ត្រ បុរាណវិទ្យា វប្បធម៌ និង​សិល្បៈ និងដែលអាចចែករំលែកការពិសោធន៍ ទស្សនវិស័យ និងភាពជំនាញ ព្រមទាំងអាចផ្តល់នូវអនុសាសន៍ និងការគាំទ្រ ដើម្បី​អភិវឌ្ឍសមាគម។

គម្រោងសកម្មភាពចំពោះមុខ

១-ការរៀបចំសន្និសីទស្តីអំពី «ទំនាក់ទំនងបារាំង-ខែ្មរ ១៥០ឆ្នាំក្រោយសន្ធិសញ្ញាអាណាព្យាបាល»

នៅរាជធានីភ្នំពេញ ថ្ងៃទី​ ៩ សីហា ២០១៣។

២-ការស្ថាបនាទំនាក់ទំនងជិតស្និទ្ធ ក្នុងចំណោមអ្នកប្រវត្តិសាស្ត្រកម្ពុជា ដើម្បីការអភិវឌ្ឍធនធាន

មនុស្ស និងវឌ្ឍនភាពរួម។

៣-ការស្រាវជ្រាវអំពី ប្រវត្តិវិទ្យាល័យ នៅប្រទេសកម្ពុជា ដោយសហការជាមួយគណៈគ្រប់គ្រង។

រាជធានីភ្នំពេញ ថ្ងៃទី​ ៥ កក្កដា ២០១៣

បណ្ឌិត ស៊ន សំណាង

ប្រធានសមាគមអ្នកប្រវត្តិសាស្រ្តកម្ពុជា

E-mail: chasecretariat@hotmail.com

Tel:   012 838 010

DSC_6190 DSC_6213 DSC_6219 DSC_6229 DSC_6233 DSC_6241

កូន​ខ្មែរ​ធ្វើ​ឲ្យ​កិត្តិនាម​​ប្រាសាទ​​កោះ​កេរ​​​​​​​​កម្រើក​​រំពើក​​​លើ​​​ Youtube

ដកស្រង់ចេញពីគេហទំព័រ សប្បាយ

ដោយ meas.roth

ភ្នំពេញ៖ អ្នក​ផលិត​ភាព​យន្ត​មួយ​ក្រុម​កំពុង​ព្យាយាម​នាំ​យក ទិដ្ឋភាព​ប្រាសាទ​កោះ​កេរ ដែល​លាក់​កំបាំង​ក្នុង​ព្រៃ​អស់​ជា​ច្រើន​ទសវត្សរ៍​ មក​បង្ហាញ​ជូន​ប្រជាជន​ទូទាំង​សាកល​លោក​បាន​ទស្សនា​ តាម​រយៈ​ភាព​យន្ត​ផ្សាព្វ​ផ្សាយ​របស់​ខ្លួន។

វីដេអូ​​ផ្សព្វ​ផ្សាយ​ ជំហាន​ដំបូង​មាន​រយៈ​ពេល​៣​នាទី​កន្លះ​​ ដែល​បាន​ដឹក​នាំ​ថត​ដោយ​ប្រធាន​ក្រុម​កេរ​តំណែល​ខ្មែរ​ លោក​ ចិន្ត ច័ន្ទរតនា​ មាន​ចំណង​ជើង​ថា​ “Koh Ker the Lost Wonder” ឬ​ “អច្ឆរិយៈ​​ដែល​បាត់​ប​ង់” ទទួល​បាន​អ្នក​ចូល​ទស្សនា​ជា​ច្រើន​នាក់ គ្រាន់​តែ​បង្ហោះ​លើ ​​Youtube ​ត្រឹម​​​​៣ថ្ងៃ​​កន្លង​ទៅ​សោះ។ វីដេអូ​នេះ​ត្រូវ​បាន​ក្រុម​របស់​លោក​ ដែល​មាន​គ្នា​១១​នាក់​​ ​ចុះ​ទៅ​ថត​នៅ​ប្រាសាទ​កោះ​កេរ​នោះ​ កាល​ពី​ពាក់​កណ្ដាល​ខែ​មិថុនា​កន្លង​ទៅ។

លោក ​ ចិន្ត ច័ន្ទរតនា បាន​​ឲ្យ​ដឹង​ថា៖ “ប្រាសាទ​កោះ​កេរ​នេះ​ត្រូវ​បាន​គេ​មើល​រំលង​រហូត​ ម្ល៉ោះ​ហើយ​យើង​ផលិត​វិដេអូ​នេះ​ឡើង​ដើម្បី​ផ្សព្វ​ផ្សាយ​វា​ឲ្យ​ប្រជាជន​ បាន​ស្គាល់។ ការងារ​នេះ​ គឺ​ដើម្បី​ធ្វើ​ការ​ផ្សព្វ​ផ្សាយ​ទៅ​លើ​ផ្នែក​ទេសចរណ៍​ផង​ និង​​លើ​ផ្នែក​វប្បធម៌​ផង”។

ទន្ទឹម​នឹង​​ការ​ផ្សព្វ​ផ្សាយ​នេះ​ លោក​ក៏​ចង់​បង្ហាញ​ទិដ្ឋភាព​ប្រាសាទ​កោះ​កេរ​ ស្ថិត​ក្នុង​ព្រៃ​នៃ​ខេត្ត​ព្រះវិហារ​ ដែល​ត្រូវ​បាន​បាក់​បែក​ ដោយ​ការ​ជីក​គាស់​ ឬ​កាច់​បំបាក់​ដោយ​ស្នាដៃ​មនុស្ស និង​ការ​បំផ្លិច​បំផ្លាញ​ដោយ​កត្តា​ធម្មជាតិ។ ប៉ុន្តែ​ក្នុង​នោះ​ផង​ដែរ​​ លោក​ក៏​ចង់​បង្ហាញ​ទិដ្ឋភាព​ដ៏​ស្រស់​ស្អាត​នៃ​​ក្រុង​បុរាណ​នេះ​ ដែល​មាន​ប្រាសាទ​ជាង​៧០​ ជាពិសេស​ប្រាសាទ​រាង​​ពីរ៉ាមីត​ដ៏​ស្រស់​ស្អាត​ ឲ្យ​​ប្រជាជន​បាន​ទស្សនា។

លោក​ ចិន្ត ច័ន្ទរតនា​​ បាន​បន្ថែម​ថា​៖ “នៅ​តំបន់​កោះ​កេរ​នេះ​ មាន​ប្រាសាទ​ច្រើន​ តែ​ភាគ​ច្រើន​បែក​បាក់​សេស​សល់​តែ​៣០​ភាគ​រយ​ប៉ុណ្ណោះ​ លើក​លែង​តែ​ប្រាសាទ​ដែល​មាន​រាង​ជា​ពីរ៉ាមីត​ មាន​តែ​មួយ​គត់​ក្នុង​ស្រុក​ខ្មែរ។ ក្រៅ​ពី​នេះ​ ក៏​មាន​បារាយ​ដ៏​ស្រស់​ស្អាត​​មួយ​ដែរ”។

ក្រុម​របស់​លោក​គ្រោង​នឹង​ ចុះ​ទៅ​តំបន់​នោះ​សា​ជា​ថ្មី​ ដើម្បី​ផលិត​ភាពយន្ត​ឯកសារ​ជំហាន​​បន្ទាប់​ ដែល​មាន​រយៈ​ពេល​ពី​មួយ​ម៉ោង​កន្លះ​ឡើង​ទៅ​ នៅ​ពេល​ខាង​មុខ​នេះ។

លោក​ បន្ថែម​ទៀត​ថា៖ “ក្រោយ​ពី​ការ​ផ្សព្វ​ផ្សាយ​ [វីដេអូ​​ជំហាន​ដំបូង] ហើយ​ ប្រជាជន​ខ្មែរ​​មាន​ចំណាប់​អារម្មណ៍​ចង់​ដឹង​ថា​ មាន​អ្វី​ទៀត​នៅ​ប្រាសាទ​កោះ​កេរ​នេះ។ អីចឹង​ទើប​ គោល​បំណង​របស់​យើង​ឆ្ពោះ​ទៅ​បង្កើត​ភាព​យន្ត​ឯកសារ​ខ្នាត​ធំ​ ដើម្បី​ឲ្យ​គេ​ស្រឡាញ់​វត្ថុ​ទាំង​អស់​ហ្នឹង”។

សូម​ទស្សនា​វីដេអូ​ផ្សព្វ​ផ្សាយ​ជំហាន​ដំបូង​ខាង​ក្រោម​នេះ​៖

អត្ថបទ៖ មាស រ័ត្ន

“Koh Ker, The Lost Wonder”

 

“This is a teaser for our feature documentary on Ko Ker temples, located in Preah Vihear province, Kingdom of Cambodia. It was made in order to raise awareness this remote and little known complex and its history. Behind its beauty, we invite you to discover some hidden critical issues about heritage protection in general. Your (financial) contribution to production of our feature documentary will help us address those issues better.”

Produced by
Dr. Chen Chanratana
Sum Sithen

Directed by
Ouch Makara

Cameramen and Photographers
Ouch Makara
Meng Kimlong
Sok Linden

Graphic Designer
Chhoung Yiv Chhoy

Logistics
Roeung Kannytha
Phichith Rithea

Assistants
Bith Adam
Heng Virakwoth

Music By : http://www.audionetwork.com

%d bloggers like this: