កម្មវិធី​បញ្ចាំងភាពយន្តនៅមជ្ឈមណ្ឌល បុប្ផាណា (ខែ មិថុនា និង​ កក្កដា ឆ្នាំ ២០១១)

កម្មវិធី​បញ្ចាំងភាពយន្តនៅមជ្ឈមណ្ឌល បុប្ផាណា (ខែ មិថុនា និង​ កក្កដា ឆ្នាំ ២០១១)

សូមចុចត្រង់នៅខាងក្រោមនេះ

Bophana Center_Cine_program_June_July_2011

 

ភូមិ​ប្រវត្តិសាស្ត្រ​ហ្ស៊ី​រ៉ា​កា​វ៉ា​-​ហ្គោ និង​ហ្គូ​កា​យ៉ាម៉ា ប្រទេស​ជប៉ុន​

អត្ថបទ និង​រូបភាពដកស្រង់ចេញពីគេហទំព័រ Cambodian Express News (CEN)

ដោយ : បញ្ញា (ថ្ងៃទី 24 មិថុនា 2011)

Shirakawaប្រទេសជប៉ុន: ​ភូមិ​ប្រវត្តិសាស្ត្រ​ហ្ស៊ី​រ៉ា​កា​វ៉ា​-​ហ្គោ និង​ហ្គូ​កា​យ៉ាម៉ា គឺជា​តំបន់​ទេសចរណ៍ និង​ជា​តំបន់​មរតក​ពិភពលោក​មួយ​របស់​អង្គការ​យូណេស្កូ ដែលមាន​ទីតាំង​ស្ថិតនៅ​ជ្រលង​ទន្លេ​សូ​ហ្គា​វ៉ា របស់​ប្រទេស​ជប៉ុន​។ សំណង់​ក្រុម​អគារ​ប្រវត្តិសាស្ត្រ​នេះ ត្រូវបាន​ផ្គុំ​ឡើង​ដោយ​ផ្ទះ​ចំនួន ១១៧ និង​រចនាសម្ព័ន្ធ​ចំនួន​ប្រាំពីរ​ផ្សេងទៀត​។ ភូមិ​ប្រវត្តិសាស្ត្រ​នេះ គឺជា​គំរូ​យ៉ាង​ល្អប្រសើរ​បំផុត​សម្រាប់​លំនៅឋាន​របស់​មនុ​ស្សនា​សម័យបូរាណ ដែល​បាន​សម្រប​ខ្លួន​យ៉ាង​ល្អឥតខ្ចោះ​ទៅនឹង​បរិស្ថាន និង​ហេតុផល​នៃ​អត្ថិភាព​សង្គម​និង​សេដ្ឋកិច្ច​របស់​ពួកគេ ហើយ​ពួកគេ​បាន​កែសម្រួល​នូវ​បម្រែបម្រួល​សេដ្ឋកិច្ច​ដ៏​ខ្លាំង​បំផុតបាន​ យ៉ាង​ជោគជ័យ​នៅក្នុង​ប្រទេស​ជប៉ុន កាលពី​ពាក់កណ្តាល​សតវត្សរ៍​មុន​។​

​     ​នៅ​សតវត្សរ៍​ទី ៨ នៃ​គ​.​ស តំបន់​នេះ​ត្រូវបាន​គេ​បង្កើតជា​ទីកន្លែង​មួយ​សម្រាប់​ការគោរព​ប្រ​ណិ​ប័ត​ សាសនា ដែល​តាំងនៅ​ចំ​កណ្តាល​ភ្នំ​ហា​គូ​សាន “Mount Hakusan” ជាទី​កន្លែង​ចំណាស់​មួយ​សម្រាប់​រួមបញ្ចូល​នូវ​ជំនឿ​ព្រះពុទ្ធសាសនា​ បុរាណសម័យ​មុន ជាមួយនឹង​ព្រះពុទ្ធសាសនា​ដែលមាន​អ្នកប្រតិបត្តិ​តិចតួច​។ នៅក្នុង​សតវត្សរ៍​ទី ១៣ សាសនា​នេះ​បាន​ស្ថិតនៅក្រោម​ឥទ្ធិពល​នៃ​និកាយ​ធិ​ន​ដៃ អ៊ី​សូ​ធឺ​រិ​ក “Tendai Esoteric sect” និង​ក្រោយ​មកក្រោម​ឥទ្ធិពល​និកាយ​ចូ​ដូ ហ្ស៊ី​ន​ហ្ស៊ូ “Jodo Shinshu” ដែល​នៅតែ​បន្ត​មាន​ឥទ្ធិពល​នៅក្នុង​តំបន់​នេះ​។ ការ​ប្រៀនប្រដៅ​នៃ​សាសនា​បាន​ដើរតួនាទី​យ៉ាងសំខាន់ នៅក្នុង​ការអភិវឌ្ឍន៍​រចនាសម្ព័ន្ធ​សង្គម​សម្រាប់​តំបន់​នេះ ដោយ​ផ្អែកទៅលើ​ប្រព័ន្ធ​គូ​មី “kumi system” សម្រាប់​ការធ្វើ​សហប្រតិបត្តិការ​ទៅវិញទៅមក​រវាង​ក្រុមគ្រួសារ​ដែល​នៅក្បែរៗ ​គ្នា​។​

Gokayama​    ​ភូមិ​ហ្ស៊ី​រ៉ា​កា​វ៉ា​-​ហ្គូ គឺជា​ចំណែក​នៃ​ទឹកដី​របស់​បក្ខ​សម្ព័ន្ធ​តា​កា​យ៉ាម៉ា “Takayama Clan” នៅ​ដើម​សម័យកាល​អ៊ី​ដូ “Edo period” ប៉ុន្តែ​ចាប់តាំងពី​ចុង​សតវត្សរ៍​ទី ១៧ រហូតដល់​សម័យ​បដិវត្តន៍​ម៉េ​ជី​ឆ្នាំ ១៨៦៨ គឺជា​សម័យ​កាលដែល​ស្ថិតនៅក្រោម​ការដឹកនាំ​ដោយផ្ទាល់​ពី​របប​អ៊ី​ឌូ បា​គូ​ហ្វូ “Edo Bakufu” ដែលជា​រដ្ឋាភិបាលយោធា​។ ហើយ​ភូមិ​ហ្គូ​កា​យ៉ាម៉ា ស្ថិតនៅក្រោម​ការដឹកនាំ​ដោយផ្ទាល់​ដោយ​បក្ខ​សម្ព័ន្ធ​កា​ណា​ហ្សា​វ៉ា “Kanazawa Clan” ពេញ​មួយ​សម័យកាល​អ៊ី​ឌូ​។​

​    ​ដោយសារតែ​ជា​ដី​តំបន់ភ្នំ ការបង្កើត​វាលស្រែ​តាមបែប​ប្រពៃណី​Shirakawa_gifu_village-historic_villages_of_shirakawa-go_and_gokayama-image-1មិន​ទទួលបាន​ជោគជ័យ​ទាំងស្រុង​ឡើយ​ នៅក្នុង​តំបន់​នេះ ហើយ​ហេតុដូច្នេះ កសិករ​ទាំងឡាយ​បាន​បែរ​ទៅរក​ការផ្លាស់ប្តូរ​គ្រាប់​ធញ្ញជាតិ ដូចជា buckwheat និង millet ដែល​ដាំ​ដុះ​ក្នុង​ស្រែ​តូចៗ ប៉ុន្តែ​ដោយ​ការប្រើ​ពូជ​ធញ្ញជាតិ​ទាំងនេះ ការធ្វើ​កសិកម្ម​មា​នក​ម្រិ​ត​កម្ពស់​កើន​លើស​តម្រូវការ​ក្នុងការ​រស់នៅ​ បន្តិច​។ ផលិតផល​មួយចំនួន​តូច​មកពី​តំបន់​នេះដែ​លអាច​លក់​លើ​ទីផ្សារ​បាន គឺ​ផលិតផលក្រដាស​ជប៉ុន​ដែល​ផលិត​ពី​សរសៃ​នៃ​ដើម​ម៉នដែល​ដុះ​តាម​ធម្មជាតិ​ ក្នុង​តំបន់ កាល់ស្យូម​នីត្រាត​សម្រាប់​ការផលិត​រំសេវ និង​ផលិតផល​មូលដ្ឋាន​នៃ​កសិកម្ម​សូត្រ​ទាញយក​សូត្រ​។

ដូច្នេះភូមិទាំងពីរ គឺជាតំបន់ទេសចរណ៍ធម្មជាតិដែលមានលក្ខណៈពិសេសខាង ផ្នែកវប្បធម៌ និងប្រវត្តិសាស្រ្ត និងមានតម្លៃសម្រាប់មនុស្សជាតិរបស់ប្រទេសជប៉ុន។

More infos: http://www.cen.com.kh/localnews/show_detail/23?token=YzZiMzVmN2UwMDFmM2U0NDY4MThkYmIxMzlmYWVk

រមណីយដ្ឋាន​វប្បធម៌​ប្រវត្តិសាស្ត្រ​ភ្នំ​យ៉ា​ត កំពុង​អភិរក្ស​

អត្ថបទ និង​រូបភាពដកស្រង់ចេញពីគេហទំព័រ​ Cambodian Express News (CEN)

ដោយ : មង្គល (ថ្ងៃទី 19 មិថុនា 2011)

Z5ប៉ៃលិន: ​ប៉ុន្មាន​ឆ្នាំ​ចុងក្រោយ​នេះ​មាន​កំណើន​ភ្ញៀវ​ជាតិ និង​អន្តរជាតិ​ធ្វើដំណើរ​ចេញចូល​មកលេង​កម្សាន្ត​នៅ​ខេត្ត​ប៉ៃលិន ក្នុងនោះ​តំបន់​រមណីយដ្ឋាន​វប្ប​ធម៌​ប្រវត្តិសាស្ត្រ​ភ្នំ​យ៉ា​ត បាន​ទាក់ទាញ​ភ្ញៀវ​ទេសចរណ៍​មកលេង​កម្សាន្ត និង​ធ្វើ​សក្ការៈបូជា​ដែល​ប្រជាពលរដ្ឋ​មាន​ជំនឿ​រលើ​បារមី​លោកយាយ​យ៉ា​ត ស័​ក្ត​សិទ្ធិ​ជួយ​ថែរក្សា​ឲ្យ​ចំ​រ៉ុង​ចំរើន​បាន​ដូច​បំណង​។​

​ រមណីយដ្ឋាន​ភ្នំ​យ៉ា​ត អាជ្ញាធរខេត្ត​កំពុង​អភិរក្ស​កែច្នៃ​សមិទ្ធផល​ទាំងចាស់​និង​ថ្មី ជាច្រើន​បន្ថែមទៀត តាំង​ពីលើ​ភ្នំ​មកដល់​ចង្កេះភ្នំ ពិសេស​ទីកន្លែង​រូបសំណាក​លោកយាយ​យ៉ា​ត ដែល​ទើប​សាងសង់​ថ្មី​នៅ​ចង្កេះភ្នំ​យ៉ា​ត តាម​បណ្ដោយ​ផ្លូវជាតិ​លេខ​៥៧ សម្រាប់​ប្រជាពលរដ្ឋ​ជាច្រើន​មកពី​ឆ្ងាយ​ជិត​ចូលទៅ​គោរពបូជា​បារមី​សុំ​ សេចក្ដីសុខ​សេចក្ដីចំរើន​។​

​រមណី​ដ្ឋា​ន​ភ្នំ​យ៉ា​ត ស្ថិតនៅ​ភាគ​ពាយ័ព្យ​នៃ​ព្រះរាជាណាចក្រ​កម្ពុជា ដែលមាន​ចម្ងាយ ៣៧៥ គីឡូម៉ែត្រ​ពី​រាជធានី​ភ្នំពេញ តាម​បណ្ដោយ​ផ្លូវជាតិ​លេខ​៥៧ និង​មាន​ចម្ងាយ ៨៤ គីឡូម៉ែត្រ​ពី​ខេត្តបាត់ដំបង មាន​ចម្ងាយ ២០ គីឡូម៉ែត្រ​ពី​ច្រកទ្វារ​អន្តរជាតិ​ព្រំដែន​ប្រទេស​កម្ពុជា​-​ថៃ​។ ម្យ៉ាងទៀត​ក៏​អាចធ្វើ​ដំណើរ​តាមផ្លូវ​ជាតិ​លេខ​៥៩ មាន​ចម្ងាយ ១៤៤ គីឡូម៉ែត្រ ពី​សង្កាត់​កូនដំរី ក្រុង​ប៉ោយប៉ែត ខេត្តបន្ទាយមានជ័យ មក​ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន បានដែរ​។​

Z6    ​បើ​យើង​ទៅជិត​ដល់​រមណីយដ្ឋាន​ភ្នំ​យ៉ា​ត ប្រមាណ​ជា ៥០០​ម៉ែត្រ និង​មើលឃើញ​រូបរាង​ចេ​តី​យ​បូរាណ​មួយ​ព្រះវិហារ​មួយ ដងទង់​មួយ​គួរ ហើយ​និង​រូប​ព្រះពុទ្ធ​ដ៏​ធំ​មួយអង្គ​បែរមុខ​ទៅ​ទិស​ខាងលិច (​ព្រះពុទ្ធ​ទ្រង់​ផ្ចាញ់​មា​) មាន​កំពស់​២១​ម៉ែត្រ ទំហំ ៥ ខ្លួន​ម៉ែត្រ​នៅលើ​ខ្នងភ្នំ​យ៉ា​ត​នោះ​។ ពេលទៅដល់​ខាង​ចង្កេះភ្នំ និង​ឃើញ​រូបសំណាក​លោកយាយ​យ៉ា​ត ធ្វើ​ពី​ថ្មភ្នំ​មាន​ទម្ងន់​ជាង ៣០ តោន​ដែល​ទើប​ឆ្លា​ក់រួច​ដឹក​មក​ដាក់តាំង​នៅលើ​ទៅ​តម្កល់​ធ្វើ​បុស្បុក​។ យើង​ឡើងទៅ​ខាងលើ​ភ្នំ​យើង​បានឃើញ​រូប​ធ្វើ​ពី​ស៊ីម៉ង់ត៍​និយាយ​អំពី​ឋាននរក និង​អាសន្ន​លោកយាយ​យ៉ា​ត​ចាស់ នៅក្រោម​ដើម​ពោធិ​។ ចំណែក​ខាងក្រោយ​ព្រះវិហារ​ត្រង់​ចេ​តី​យ​បូរាណ​ដែល​ជនជាតិ​ភូមា (​កូ​ឡា​) សាងសងឡើង​កាលពី​យូរលង់​មកហើយ ត្រូវបាន​សប្បុរសជន​មក​ធ្វើការ​ជួសជុល និង​រៀបចំ​ធ្វើ​សួនច្បារ និង​សាលា​មួយ​ខ្នង​សម្រាប់​កន្លែង​គោរពបូជា​ផងដែរ​។​

​មន្ត្រី​មន្ទីរ​ទេសចរណ៍​ខេត្ត​ប៉ៃលិន​បាន​ឲ្យ​ដឹងថា​ចេ​តី​យ​បូរាណ​ដែល​ ខ្លះ​ហៅថា ចេ​តី​យ​ចៅ​ចិត្ត​នោះ គឺ​ធ្វើការ​ជួសជុល​ឡើងវិញ​មិន​ឲ្យ​បាត់​រូបរាង​ដើមឡើយ ហើយ​លាបថ្នាំ​ពណ៌​កែលម្អរ​ឲ្យ​បាន​ស្អាត​ដែលមាន​ការជួយ​ជ្រំ​ជ្រែង​ឧបត្ថម្ភ ​ពី​សប្បុរសជន​មកពី​ប្រទេស​ភូមា (​កូនៗ​ម្ចាស់​ចេ​តី​យ​ជា​ជនជាតិ​កូ​ឡា​កាលពីដើម​រស់នៅ​ប៉ៃលិន​នេះ​) ព្រមទាំង​ធ្វើ​សួនច្បារ​នៅ​ខាងលិច​ចេ​តី​យ​និង​សាលា​មួយកន្លែង​សម្រាប់​ ប្រជាពលរដ្ឋ​មក​គោរពបូជា​។​

Z2   ​ព្រះសង្ឃ​គង់នៅ​វត្តភ្នំ​យ៉ា​ត​មួយអង្គ​បាន​មាន​ពុទ្ធដីការ​ប្រាប់ថា ព្រះពុទ្ធ​មួយអង្គ​បែរមុខ​ទៅ​ទិស​ខាងលិច​ជា​ព្រះអង្គ​ផ្ចាញ់​មា​នេះ​ គណកម្មការ​វត្ត​និង​សប្បុរសជន​ទាំង​ក្នុង និង​ក្រៅប្រទេស​បាន​ជួយ​កសាង និង​សូន​រូប​ឋាននរក​ធ្វើ​ពី​ស៊ីម៉ង់ត៍​ដាក់តាំង​ឲ្យ​ដឹង​ពី​អំពើ​របាប ដែល​មនុស្ស​ប្រព្រឹត្ត​ខុសត្រូវ​ទទួល​ទ​ជាតិ​ខាងមុខ ដើម្បី​ធ្វើ​ឲ្យ​មនុស្ស​យល់ដឹង​ពី​កំហុសឆ្គង​ខ្លាចរអា ជៀសវាង​ប្រព្រឹត្ត​តែ​អំពើរ​ល្អ​។ ចំណែក​នៅ​ខាង​ចង្កេះភ្នំ​យ៉ា​ត​កន្លែង​ទីតាំង​រូបសំណាក​លោកយាយ​យ៉ា​ត​ដែល​ ឆ្លាក់​ធ្វើ​ពី​ថ្ម មាន​ទម្ងន់​ជាង ៣០ តោន​ដែល​កំពុង​ធ្វើ​បុស្បុក (​ដំបូង​) នោះ​គឺ “​ឯកឧត្តម​នាយ​ឧ​ត្ត​ម​សេនីយ​ផ្កាយ​មាស​បួន អ៊ី ឈាន និង​លោកជំទាវ បាន ស្រីមុំ ផ្ដួចផ្ដើម​គៀងគរ​សប្បុរសជន​ក្នុង​ខេត្ត​កសាង​ទុកជា​និមិត្តរូប និង​តបស្នង​សងគុណ​ដែល​បារមី​លោកយាយ​យ៉ា​ត បាន​ជួយ​ថែរក្សា​ការពារ​ប្រជាពលរដ្ឋ​ប៉ៃលិន​បានរស់នៅ​មានបាន​រីកចំរើន​ កន្លងមក និង​សម្រាប់​ប្រជាពលរដ្ឋ​មកពី​ទីជិត​ឆ្ងាយ​បាន​គោរពបូជា​”​។​
​    ​
លោក ​អ៊ួ​ន លាង អនុប្រធាន​មន្ទីរ​ទេសចរណ​ខេត្ត​ប៉ៃលិន​បាន​មានប្រសាសន៍​ឲ្យ​ដឹងថា រមណីយដ្ឋាន​វប្បធម៌​ប្រ​ត្តិ​សាស្ត្រ​ភ្នំ​យ៉ា​ត អាជ្ញាធរ​កំពុង​អភិរក្ស​កែលម្អរ និង​សាងសង់​សមិទ្ធផល​សំណង់​ជាច្រើន​ដូចជា មាន​ព្រះ​ផ្ចាញ់​មា មាន​ជួសជុល​កែលម្អរ​ចេ​តី​យ​បូរាណ ធ្វើ​សួនច្បារ​មាន​សូន​រូប ឋា​ន្ត​នរក​ធ្វើ​ផ្លូវ​ឡើង​ភ្នំ​ពី​បេតុង ។​ល​។ ចំណែក​នៅ​ខាងក្រោម​អាជ្ញាធរ​បាន​ឆ្លាក់​ធ្វើ​រូបសំណាក​លោកយាយ​យ៉ា​ត​មួយ​ ទម្ងន់​ជាង ៣០ តោន​ដាក់​តម្កល់​លើ​ទីតាំង​សម្រាប់​ឲ្យ​បងប្អូន​ភ្ញៀវ​ទេសចរណ៍ និង​ប្រជាពលរដ្ឋ​ដែល​មកលេង​កម្សាន្ត​នៅ​ខេត្ត​ប៉ៃលិន ពិសេស​ប្រជាពលរដ្ឋ​កម្ពុជា​ដែលមាន​ជំនឿរ​គោរព​បារមី​យាយ​យ៉ា​ត ចូលមក​បន់ស្រន់​សុំ​សេចក្ដីសុខ​រកស៊ី​មានបាន​ផងដែរ​។ លោក​បាន​បន្តថា ទាំងនេះ គឺជា​ការកែច្នៃ​រមណីយ​ដ្ឋា​ន​ប្រវត្តិសាស្ត្រ​ភ្នំ​យ៉ា​ត​នេះ ដើម្បី​ទាក់ទាញ​ភ្ញៀវ​ទេសចរណ៍​មកលេង​កម្សាន្ត​នៅ​ខេត្ត​ប៉​ស​លិ​ន​។​

Z3លោក ​អនុប្រធាន​មន្ទីរ​ទេសចរណ៍​បាន​បញ្ជាក់ថា ភ្ញៀវ​ទេសចរណ៍​ក៏​ដូច​ប្រជាពលរដ្ឋ​ដែលមាន​ជំនឿ​រលើ​បារមី​យាយ​យ៉ា​ត តែងតែ​មក​រៀបចំ​សែនព្រេន​ដុត​ទៀន​ធួ​ប​នៅ​ចំពោះមុខ​រួប​សំណាក​យាយ​យ៉ា​ត​។ ប៉ុន្តែ​នៅ​ឆ្នាំ​២០១០ និង​២០១១​នេះ​ភ្ញៀវ​ទេសចរណ៍​មាន​កំណើន​ច្រើន​ចូល​មកលេង​ខេត្ត​ប៉ៃលិន ដោយសារ​ផ្លូវ​លេខ​៥៧ បានធ្វើ​រួចហើយ​ដែរ​។ នៅ​រាល់ពេល​បុណ្យទាន​បុណ្យជាតិ​មាន​អ្នកធ្វើ​ទេសចរណ៍​ចូល​មកលេង​រមណីយដ្ឋាន​ ធម្មជាតិ​ទឹកធ្លាក់ និង​រមណីយដ្ឋាន​កែច្នៃ នៅ​ប៉ៃលិន​រាប់ម៉ឺន​នាក់​។ នៅ​រាល់ថ្ងៃ​សៅរ៍ អាទិត្យ​មាន​អ្នក​មកលេង​មធ្យម​ប្រមាណ​រាប់រយ​នាក់​។ មន្ទីរ​ទេសចរណ៍ និង​អាជ្ញាធរខេត្ត​ប៉ៃលិន បានរ​កដៃ​គូរ​វិនិយោគ​មក​អភិវឌ្ឍន៍​វិស័យ​ទេសចរ​ណ៍ហើយ​បាន​នែរ​នាំ​ដៃគូរ​ វិនិយោគ​ឲ្យ​ខិតខំ​កែប្រែ​កន្លែង​រមណីយដ្ឋាន​តាម​ស្តង់ដា របស់​ក្រសួង​ណែនាំ និង​បំរើសេវា​បានល្អ​ដើម្បី​ទាក់ទាញ​ភ្ញៀវទេសចរ​ណ​មកលេង​បាន​ច្រើន​។​

​ប្រជាពលរដ្ឋ​ដែលមាន​ផ្ទះ​នៅក្បែរ​ជើងភ្នំ​យ៉ា​ត​ជាច្រើន​នាក់​បាន​និយាយ​ ប្រាប់ថា តាំងពី​អាជ្ញាធរខេត្ត​ប៉ៃលិន​កែច្នៃ​សាងសង់​សមិទ្ធិផល​ជាច្រើន ទាំង​លើ​ភ្នំ និង​ចង្កេះភ្នំ កែប្រែ​ភ្នំ​យ៉ា​ត ទៅ​រមណីយដ្ឋាន​វប្បធម៌​ប្រវត្តិសាស្ត្រ​មក​បងប្អូន​បាន​បើក​ផ្ទះ​លក់​បាយ លក់​ធូប លក់​ផ្កា និង​គ្រឿងទេស​គ្រប់យ៉ាង ដាច់​ណាស់​អាច​រកប្រាក់​ចំណូល​ក្នុង​គ្រួ​សារបាន​បង្គួរ​ចិញ្ចឹមជីវិត​រស់នៅ ​បាន​ស្រួល​ជាង​មុន ព្រោះ​ពីមួយថ្ងៃ​
​ទៅមួយថ្ងៃ​មាន​ភ្ញៀវ​ទេសចរណ៍​ជាតិ អន្តរជាតិ តែងតែ​មកលេង​កម្សាន្ត​និង​ចូលទៅ​បន់ស្រន់​រូបសំណាក​យាយ​យ៉ា​ត សុំ​សេចក្ដីសុខ​។ ភាគច្រើន​អ្នក​ចូលទៅ​បន់ស្រន់​រូបសំណាក​យាយ​យ៉ា​ត ជា​ប្រជាជន​ខ្មែរ​មាន​វ័យ​ចំណាស់​ដែលមាន​ជំនឿ​ទៅលើ​បារមី​។ ចំណែក​ភ្ញៀវ​បទេស​វិញ​គេ​មកលេង​កម្សាន្ត​មើល​ការកែប្រែ និង​ទៅលេង​កម្សាន្ត​រមណីយដ្ឋាន​ធម្មជាតិ​ទឹកធ្លាក់ និង​ទៅលេង​កន្លែង​រមណីយដ្ឋាន​កែច្នៃ​៕

Z1

 

More infos: http://www.cen.com.kh/localnews/show_detail/23?token=MGYzNGMwNWE3YzZiNjE2ZGUxNmJmNzU2ZjI2Yzgx

 

រមណីយដ្ឋាន​ធម្មជាតិ​ព្រែក​ត្នោត កំពុង​អភិរក្ស

អត្ថបទ និង​រូបភាពដកស្រង់ចេញពីគេហទំព័រ​ Cambodian Express News (CEN)

ដោយ : បញ្ញា (ថ្ងៃទី 17 មិថុនា)

1កំពត: ​ប៉ុន្មាន​ឆ្នាំ​ចុងក្រោយ​នេះ​វិស័យ​ទេសចរណ៍​នៅ​កម្ពុជា បាន​រីកចំរើន​គួរ​ឲ្យ​កត់សម្គាល់ ក្នុងនោះ​តំបន់​ទឹកធ្លាក់​ធម្មជាតិ ក៏បាន​ទាក់ទាញ ភ្ញៀវ​ជាតិ និង​អន្តរជាតិ ឲ្យ​មក​កម្សាន្ត​មិនតិច​ទេ ។ ដោយឡែក​តំបន់​ទេសចរ​ធម្មជាតិ​ព្រែក​ត្នោត ដែលមាន​ប្រភពទឹក​ពី​ភ្នំ​បូកគោ បាន​ស្រូប​ទាញ​អ្នកទេសចរ​មក​កម្សាន្ត​មិន​ដាច់​ក្នុង​រយៈ​ប៉ុន្មាន​ខែ​ពេល​ ចុងក្រោយ​។​

​រមណីយដ្ឋាន​ទេសចរណ៍ធម្មជាតិ​ព្រែក​ត្នោត មាន​ទីតាំង​ស្ថិតនៅ​ភូមិ​ព្រែក​ក្រែង ឃុំ​ព្រែក​ត្នោត ស្រុក​ទឹកឈូ ខេត្តកំពត ស្ថិតក្នុង​សហគមន៍​តំបន់ការពារធម្មជាតិ​ព្រែក​ត្នោត នៃ​តំបន់​ឧទ្យាន​ជាតិ​ព្រះមុនីវង្ស ’​បូកគោ​” ដែលមាន​ចំងាយ​ប្រមាណ​២០​គ​.​ម ពី​ឧទ្យាន​ជាតិ​បូកគោ តាមផ្លូវ​ជាតិ​លេខ​៣ បត់​ស្តាំ​ដៃ តាម​ផ្លូវលំ​ក្រាល​ក្រួស​ក្រហម ចំងាយ​ប្រមាណ​១.៦០០​ម៉ែត្រ ។

​ស្នូរ ​ទឹក​ហូរ​មក​ប៉ះ​ផ្ទាំង​ថ្ម​ធំៗ ពី​ជម្រាលភ្នំ​បូកគោ ប្រដេញ​គ្នា​តាម​ដងព្រែក​ត្នោត ដែល​លម្អ​ដោយ​ព្រឹក្ស​ព្រៃ​ដុះ ត្រ​ដុំ​ត្រសង លាយឡំ​និង​សំលេង​បក្សាបក្សី​យំ​ឆ្លើយឆ្លង​គ្នា ឮសូរ​ចេចចាច ញ៉ាំង​ឲ្យ​អ្នក​ទេសចរណ៍​ដែល​បានធ្វើ​ដំណើរ​មក​កម្សាន្ត​រមណីយដ្ឋាន​ព្រែក​ ត្នោត មាន​អារម្មណ៍​ស្រស់ស្រាយ​មួយ​រំពេច​ន៍ ។ ពិសេស​បើ​បាន​ងូតទឹក​កម្សាន្ត​នៅទីនេះ ភាព​ក្តៅ​ស្អុះស្អាប់ ពី​កំដៅ​ព្រះអាទិត្យ​នា​រដូវប្រាំង អំឡុងពេល​ធ្វើដំណើរ​ម​ក​កាន់​រមណីយដ្ឋាន​ទេសចរណ៍ធម្មជាតិ​នេះ និង​រលាយបាត់​អស់ហើយ​សព៌ាង្គកាយ​ត្រជាក់ស្រេង ហាក់ដូចជា​កំពុង​ស្ថិតនៅ​ភព​មួយ​យ៉ាង​សែន​មនោ​រម្យ បើទោះជា​នៅ​រដូវប្រាំង​មិនសូវមាន​ទឹក​ច្រើន​ដូច​រដូវវស្សា​ក៏ដោយ ។
​    ​
2 រមណីយដ្ឋាន​នេះ មាន​ប្រភពទឹក​ពី​ជម្រាលភ្នំ​ខាងត្បូង​នៃ​ភ្នំ​បូកគោ ត្រូវបាន​បង្កើតឡើង​នៅ​ខែវិច្ឆិកា ឆ្នាំ​២០០៧ ដោយមាន​ការសម្របសម្រួល​ពី​អង្គការ​សង្គ្រោះ​សត្វព្រៃ​កម្ពុជា SCW (save Cambodia’s Wildlife) រួមជាមួយ​អាជ្ញាធរ​ដែនដី និង​ឧទ្យាន​ជាតិ​ព្រះមុនីវង្ស ’​បូកគោ​” ។ ចាប់តាំងពី​បង្កើត​មក មាន​ភ្ញៀវទេសចរ​ទស្សនា​ជា​បន្តបន្ទាប់ ពិសេស​កាលពី​ឆ្នាំ​២០១០ កន្លងទៅ នៅ​ថ្ងៃបុណ្យ​ភ្ជុំបិណ្ឌ មាន​អ្នកទេសចរ​តាម​រថយន្ត រហូតដល់​ទៅជា​១.០០០​គ្រឿង ។​

​ដោយ​ជំនួយ​ពី​អង្គការ IUCN របស់​ប្រទេស​ហុ​ល្លង់​ដ៏ ក្រោម​គម្រោង​សាកល្បង​រយៈពេល​៤​ឆ្នាំ ពី​២០០៧-២០១០ អង្គការ SCW បាន​បង្កើត​សហគមន៍​តំបន់ការពារធម្មជាតិ ឃុំ​ព្រែក​ត្នោត​នេះ ដោយ​ចំណាយ​ថវិកា​អស់​ប្រមាណ ៤០.០០០ ដុល្លារ ។ គម្រោង​នេះ​គ្របដណ្តប់​លើ​ផ្ទៃដី ២.០០៦ ហិតា នៃ​ឃុំ​ព្រែក​ត្នោត ក្នុងនោះ ផ្ទៃដី​សហគមន៍​ទេសចរណ៍​មាន​ចំនួន​ជោគជ័យ​គួរ​ឲ្យ​កត់សម្គាល់ ។​

​ក្រោយពី​ការបង្កើត​តំបន់​ទេសចរណ៍ធម្មជាតិ​មក​មាន​ភ្ញៀ​រទេស​ចរមក​កម្សាន្ត​ ជាច្រើន ពិសេស​នៅ​ថ្ងៃ​សៅរ៍​-​អាទិត្យ​មាន​ប្រមាណ​ពី​១០០-២០០​នាក់ ខណៈដែល​នៅ​ថ្ងៃ​បុណ្យទាន មាន​ប្រមាណ​ជាង​៥.០០០​នាក់ ។​

3 ​ដោយឡែក​ចំពោះ​ម្ហូបអាហារ​នៅ​ទីនោះ មាន​សេវាកម្ម​នាំ​ភ្ញៀវ ចម្អិន​ម្ហូបអាហារ តម្លៃ​សមរម្យ ។ ភ្ញៀវ​អាច​អង្គុយ​នៅតាម​ខ្ចូ​ស ដែលមាន​តម្លៃ​១០.០០០​រៀល ដែល​ក្នុងនោះ​៣០% ត្រូវបាន​ទៅលើ​សហគមន៍ ។​

​ជារួម​ក្រោយពេល​មាតុភូមិ​មាន​សុខសន្តិភាព​ពេញបរិបូរណ៍​មក​ទីតាំង​ធម្មជាតិ​ ជាច្រើន​កន្លែង នៅ​ខេត្តកំពត ដែលជា​អតីត​សម​ភូមិ​ប្រយុទ្ធ​រវាង​កងទ័ព​ខ្មែរក្រហម​និង​កងទ័ព​ រាជរដ្ឋាភិបាល ត្រូវបាន​អភិឌ្ឍន៍​ឲ្យ​ក្លាយជា​តំបន់​ទេសចរណ៍​ដ៏​ប្រណិត ជាក់ស្តែង រមណីយដ្ឋាន​ព្រែក​ត្នោត នេះ​។ សម្រាប់​ប្រជាពលរដ្ឋ ដែល​ចូលចិត្ត​ការដើរ​កម្សាន្ត ជាពិសេស យុវវ័យ តែង​បបួលគ្នា​រក​ទីតាំង​ធម្មជាតិ​ណា ដែលមាន​លក្ខណៈ​ប្លែក ទាក់ភ្នែក​ទាក់​អារម្មណ៍ ។ ដូច្នេះ បើ​អាជ្ញាធរ​ពាក់ព័ន្ធ ចេះ​រៀបចំ​យ៉ាងណា​ឲ្យ​ទីតាំង​នេះ​កាន់តែ​ប្រណីត​ជាង​នេះ ច្បាស់​ណាស់​ថា ប្រភព​ចំណូល​ថវិកា​មិនចេះ​រីងស្ងួត​ទេ ដែល​នេះ​ក៏ដូចជា​ជួយ​កាត់បន្ថយ​ភាពក្រីក្រ​ក្នុងសង្គម​បាន​មួយចំណែក​ផង ៕

More infos: http://www.cen.com.kh/localnews/show_detail/23?token=Nzc4MzI2NmEwMjBkNTM4ZGRhOTJkNmJjOTBkZGNm

RED WEDDING (Screening at Bophana Center)

Bophana Center is pleased to invite you tothe screenings-debates of the film RED WEDDING.

Wednesday June 22, 2011 at 6:30pm
French Cultural Center
(Khmer version with French subtitles)
#218, St. 184 (Keo Chea), Phnom Penh

Friday June 24, 2011 at 6:30pm
Bophana Center
(Khmer version with English subtitles)
#64, St. 200 (Okhnia Men), Phnom Penh

Le Centre Bophana a l’honneur de vous inviter

aux projections-débats du film NOCES ROUGES.

Mercredi 22 Juin, 2011 à 18h30
Centre Culturel Français
(version Khmère sous-titrée en français)
N°218, rue 184 (Kéo Chea), Phnom Penh

Vendredi 24 Juin, 2011 à 18h30
Centre Bophana
(version Khmère sous-titrée en anglais)
N°64, rue 200 (Okhnia Men), Phnom Penh

 

Join our Facebook page now !

Bophana Audiovisual Resource Center
Nº64 street 200 (Okhnia Men), Phnom Penhm, Camboia
Tel: 023 992 174, www.bophana.org

How to find the center ?
Comment se rendre au Centre ?

To unsubscribe, please send a message to info@bophana.org
Pour vous désinscrire, envoyez nous un message à info@bophana.org

The IIAS newsletter no.57, June, 2011 issue is available on the web now.

The article of Kerdomnel Khmer Group ” Preservation and Conservation of Cambodian Culture
and Heritage “ is available on the web of the IIAS newsletter no.57, June, 2011 issue is available.

Kerdomnel Khmer Group_iias_nl57_4243

More infos: http://www.iias.nl/files/iias_nl57_4243.pdf

ICC Angkor, 15 Years of International Cooperation for Conservation and Sustainable Development

ឯកសារដកស្រង់ពីគេហទំព័រ UNESCO
សូមអានអត្ថបទជាភាសាអង់គ្លេសនៅខាងក្រោមនេះ
More infos:
=41283&URL_DO=DO_TOPIC&URL_SECTION=201.html

លិខិតចូលរួមរំលែកទុក្ខចំពោះគ្រួសារសពលោក ផូ ម៉ាឡា

តាង​នាមអោយក្រុមការងារ​ “កេរដំណែលខ្មែរ”យើងខ្ញុំសូមសម្តែងទុក្ខក្រៀមក្រំជាមួយក្រុមគ្រួសារសពលោក ផូ ម៉ាឡា និស្សិត​បុរាណវិទ្យា ជំនាន់ទី​ ១៩ ដែលទទួលមរណះភាពកាលពីថ្ងៃទី ១២ ខែមិថុនា ឆ្នាំ២០១១ ដោយគ្រោះថ្នាក់ចរាចរ ។

សូមទទួលនូវការគោរពដ៏ខ្ពង់ខ្ពស់អំពីយើងខ្ញុំ។

ភ្នំពេញថ្ងៃទី ១៣ ខែមិថុនា ឆ្នាំ ២០១១

ក្រុមការងារ “កេរដំណែលខ្មែរ”

រមណីយដ្ឋាន​ធម្មជាតិ​ទឹកធ្លាក់​អូរ​តា​វ៉ៅ ខេត្ត​ប៉ៃលិន​

អត្ថប​ទ និង​រូបភាពដកស្រង់ចេញពីគេហទំព័រ Cambodian Express News (CEN)

ដោយ : មង្គល (ថ្ងៃទី 10 មិថុនា 2011)

Pl-012ប៉ៃលិន: ​បើ​យើង​ធ្វើដំណើរ​ពី​ខេត្ត​នានា​ទៅតាម​ផ្លូវជាតិ​លេខ​៥៧ រហូតដល់​ស្ពានថ្ម​អូរ​តា​វ៉ៅ​ឡើងទៅ​ប្រហែល​ជាង ១០០ ម៉ែត្រ​ក្នុង​ខេត្ត​ប៉ៃលិន​នោះ និង​ឃើញ​ផ្លាកសញ្ញា​បង្ហាញ​ទីតាំង​ត្រង់​ម្ដុំ​ផ្លូវបំបែក​ភូមិ​ខ្លុង សង្កាត់​អូរ​តា​វ៉ៅ ក្រុងប៉ៃលិន ពី​ខាងឆ្វេង​ដៃ ហើយ​បត់​ចូលទៅ​ប្រមាណ ៧ គីឡូម៉ែត្រ​ទៀត និង​ដល់​កន្លែង​រមណីយដ្ឋាន​ធម្មជាតិ​ទឹកថ្លា​ក់​ក្បាល​អូរ​តា​វ៉ៅ​ហើយ​។

រមណី​ដ្ឋា​ន​មាន​ស្ទឹង​ធម្មជាតិ​ទឹកថ្លា មាន​ជ្រោះ​ទឹក​ហូរ​ធ្លាក់​លើ​ល្បាក់​ថ្មដា យ៉ាងខ្ពស់ ខ្យល់អាកាស​ត្រជាក់​ដល់​ក្រអៅបេះដូង​ដែល​ធ្វើ​ឲ្យ​ភ្ញៀវ​ទេសចរណ៍​ជាតិ និង​អន្តរជាតិ ទៅលេង​សប្បាយរីករាយ​។ ពិសេស​នោះ គឺ​ម្ចាស់​វិនិយោគ​បាន​កែច្នៃ​ខ្ចូ​ស​កន្លែង​អង្គុយលេង​នៅក្បែរ​មាត់​ស្ទឹង​អូរ​តា​វ៉ៅ​ជាច្រើន​កន្លែង មាន​ខ្ចូ​ស​អង្គុយ​នៅ​ខាងលើ​ច្រាំង និង​ខាងលើ​កន្លែង​ចត​ឡាន សម្រាប់​ភ្ញៀវ​ទេសចរណ៍​រងចាំ​ក្រុមគ្រួសារ​ចុះទៅ​លេង​ទឹកជ្រោះ​ធ្លាក់​បែក​ផ្កាត្រែង​។ ចំណែក​កន្លែង​ទុកដាក់​ឡាន​ម៉ូតូ​យ៉ាង​ស្រូល​ដែល​មិន​ធ្វើ​ឲ្យ​មានការ​ព្រួយបារម្ភ​ពី​សុ​វត្ថ​ភាព​បាត់បង់​អ្វី​ឡើយ​។​

Pl-013លោក​អ៊ួ​ន លាន អនុប្រធាន​មន្ទី​ទេសចរណ៍​ខេត្ត​ប៉ៃលិន​បាន​ឲ្យ​ដឹងថា រមណី​ដ្ឋា​ន​ក្បាល​ទឹកធ្លាក់​អូរ​តា​វ៉ៅ​បាន​ចាប់ដំណើរការ​តាំងពី​ឆ្នាំ​២០០៥ មក​ម្លេះ​។ លោក​បាន​បន្តថា ទាំង​ការកែច្នៃ​ខ្ចូ​ស​អង្គុយលេង និង​ទីធ្លា​ចត​ទុកដាក់​ឡាន​ផ្លូវ​ស្ពានថ្ម​ឆ្លងកាត់​អូរ​តាមផ្លូវ​ចូលទៅ​រមណី​ដ្ឋា​ន​ជណ្ដើរ​ចុះ​លេង​ទឹក​។​ល​។ និង​អាហារ​ដ្ឋា​ន​សម្រាប់​លក់ដូរ​ពេល​ភ្ញៀវ​ទេសចរណ៍​ជាតិ និង​អន្តរជាតិ ដែល​ចូល​ទៅលេង​មាន​បាយទឹក​លក់​ជាស្រេច​។​

​ស្ត្រី​អ្នកលក់​បាយទឹក​ភេសជ្ជៈ​នៅ​រមណី​ដ្ឋា​ន​ទឹកធ្លាក់​អូរ​តា​វ៉ៅ​បាន​និយាយថា តាំងពី​រមណីយដ្ឋាន​ចាប់ដំណើរការ​តាំងពី​ផ្លូវ​លំបាក​រហូត​ម្ចាស់​វិនិយោគ​បានធ្វើការ​កែប្រែ​បានល្អ​វិញ ហើយ​ពេល​មានបុណ្យ​ទាន ឬ បុណ្យជាតិ​ម្ដងៗ មាន​មនុស្ស​ចូល​មកលេង​កម្សាន្ត​ច្រើនណាស់ មាន​ទាំង​ភ្ញៀវ​ជាតិ និង​អន្តរជាតិ ហើយ​ការលក់ដូរ​ដាច់​ណាស់ដែ​ល​ធ្វើ​ឲ្យ​គាត់​បាន​រកប្រាក់​ចំណូល​ប្រចាំថ្ងៃ​គួ​សម​ដែរ​។ ប៉ុន្តែ​ក្រោ​យ​ពេល​មានបុណ្យ​ទាន គឺ​នៅមាន​ថ្ងៃ​សៅរ៍ ថ្ងៃអាទិត្យ​ទៀត ក៏មាន​មនុស្ស​ចូល​ទៅលេង​ច្រើន​រាប់រយ​នាក់​ដែរ​។​

​ស្ត្រី​ម្នាក់​ជា​អ្នកលក់ដូរ​ភេសជ្ជៈ​នៅត្រង់​ផ្លូវបំបែក​ភូមិ​ខ្លុង សង្កាត់​អូរ​តា​វ៉ៅ បាន​និយាយ​ប្រាប់ថា តាំងពី​រមណី​ដ្ឋា​ន​ទឹកធ្លាក់​អូរ​តា​វ៉ៅ​បើក​ដំណើរ​ការទទួល​ភ្ញៀវទេសច​រណ៍​ដែល​ចូល​ទៅលេង​ពួកគាត់​មានការ​សប្បាយចិត្ត ព្រោះ​ការលក់ដូរ​ដាច់​ច្រើន​អាច​រកប្រាក់​ចំណូល​ចិញ្ចឹម​គ្រួសារ​កូនចៅ​បាន​គ្រប់គ្រាន់​ហូបចុក​។​

Pl-011 ​ស្ត្រី​ម្នាក់​ក្នុងចំណោម​អ្នកជិះ​ឡាន​កូ​រេ​២​តោន​កន្លះ​មួយគ្រឿង​បាន​និយាយ​ប្រាប់ថា គាត់​បានមកពី​ស្រុក​ប​វេ​ល ខេត្តបាត់ដំបង នាំ​កូនចៅ​ទាំង​គ្រួសារ​និង​អ្នក​នៅ​ជិតគ្នា​ក្នុងភូមិ​មក​ងូតទឹក​ធ្លាក់ ស្រូបខ្យល់​អាកា​សពិតៗ​ពី​ធម្មជាតិ​តាម​ដងអូរ​ក្បាល​ទឹកធ្លាក់​អូរ​តា​វ៉ៅ​នេះ មាន​ទឹកថ្លា​ធ្លាក់​ហូរ​ជ្រោះ​កាត់​ថ្មដា ដែល​ធ្វើ​ឲ្យ​អារម្មណ៍​ស្រស់ថ្លា ភ្លេច​ការនឿយហត់​កាលពី​កំពុង​រវល់​ជាប់​ការងារ​តែម្ដង​។ នៅ​រមណីយដ្ឋាន​ទឹកធ្លាក់​ម្ចាស់​វិនិយោគ​បាន​យកចិត្តទុកដាក់​ទទួល​ភ្ញៀវ​ទេសចរណ៍​ដែល​ចូលមក​លេង និង​ទទួល​ការពារ​មធ្យោបាយ​ធ្វើដំណើរ​ដូចជា ឡាន ម៉ូតូ មាន​ទីកន្លែង​ចត​មិន​ធ្វើ​ឲ្យ​មានការ​ព្រួយបារម្ភ​ភ័យខ្លាច​ពី​ការបាត់បង់​ឡើយ និង​ការការពារ​ពេល​មាន​មេឃងងឹត​ចង់រក​ភ្លៀង គឺ​អ្នកទទួលខុសត្រូវ​បាន​ប្រកាស​មេក្រូ​ឲ្យ​អ្នក​ចុះទៅ​លេង​ក្នុង​ទឹកធ្លាក់​ប្រញាប់​ឡើងមក​ខាងលើ​ច្រាំង ដើម្បី​ការពារ​សុវត្ថិភាព​ភ្ញៀវ​ទេសចរណ៍​កុំ​ឲ្យ​មាន​ថ្នាក់​ដោយសារ​ទឹកភ្លៀង​ជន់​ហូរ​អូសទាញ​មនុស្ស​ទៅ​។​

​បុរស​ម្នាក់​នៅ​លក់​ឥ​វ៉ាន់​ហូបចុក​ខាងលើ​ច្រាំង​ក្នុង​រមណីយដ្ឋាន​ទឹកធ្លាក់​អូរ​តា​វ៉ៅ​បាន​ឲ្យ​ដឹងថា នៅ​តំបន់​ព្រៃភ្នំ​ដែលមាន​ជ្រោះ​ទឹកធ្លាក់​បែបនេះ គឺ​ពេល​មាន​ភ្លៀង​នៅ​ខាង​ក្បាល​ស្ទឹង​ទឹកជំនន់​ទឹកភ្លៀង​ជន់​លឿន​ណាស់ ចាប់​ចានឆ្នាំង​ចង្អេរ​មិនទាន់​ផង មួយ​ប្រ​ព្រិច​ភ្នែក​ពេញ​ស្ទឹង​តែម្ដង​។​

​បុរស​នេះ​បន្តថា ពេល​មេឃងងឹត​រក​ចង់​មាន​ភ្លៀង​ម្ដងៗ​នោះ គឺ​អ្នកទទួលខុសត្រូវ​មើល​ការងារ​រមណីយដ្ឋាន​ទឹកធ្លាក់ បានប្រកាស​មេក្រូ​ឲ្យ​អ្នក​ចុះ​លេង​ទឹក​ក្នុង​ស្ទឹង​ឡើង​មកលើ​ច្រាំង​វិញ យ៉ាង​ប្រញាប់​​ដើម្បី​ការពារ​សុវត្ថិភាព​បងប្អូន​ភ្ញៀវ​ទៅធ្វើ​ទេសចរណ៍​នៅទីនេះ​។​

Pl-008   ​លោក​ពៅ សេង​ហាក់ ម្ចាស់​វិនិយោគ​រមណីយដ្ឋាន​ទឹកធ្លាក់​អូរ​តា​វ៉ៅ​មិនអាច​ទំនាក់ទំនង​បានទេ ដោយ​ទូរស័ព្ទ​របស់លោក​មិន​ដំណើរការ​ឡើយ​នៅក្រៅ​តំបន់​សេវា​។ ប៉ុន្តែ​លោក​អ៊ួ​ន លាន បាន​និយាយ​ប្រាប់ថា មន្ទី​ទេសចរណ៍​និង​អាជ្ញាធរខេត្ត​ប៉ៃលិន​បាន​ណែនាំ​ឲ្យ​ម្ចាស់​វិនិយោគ​ត្រូវធ្វើ​ការអភិវឌ្ឍន៍​កែប្រែ​ទីធ្លា និង​កន្លែង​ភ្ញៀវ​អង្គុយលេង​ព្រមទាំង​ជណ្ដើ​ចុះ​ទោ​លេង​ទឹក​ក្នុង​ជ្រោះ​អូរ​តា​វ៉ៅ​ឲ្យ​បានល្អ និង​ថែទាំ​ផ្លូវថ្នល់​ដែល​ធ្វើដំណើរ​ចូលទៅ​រមណីយដ្ឋាន​ឲ្យ​បានល្អ​ប្រសើ​ថែមទៀត​៕

 

More infos: http://www.cen.com.kh/localnews/show_detail/23?token=YjlkOGQwZWNkMWM0ZmYyZGFlYTkzZmVhYTViMWYz

The History Blog…!

http://www.thehistoryblog.com/

« Older entries

%d bloggers like this: