អត្ថបទដកស្រង់ចេញពីគេហទំព័រ Cambodian Express News (CEN)
ដោយ : សេរី (ថ្ងៃទី 25 កុម្ភៈ 2011)
សៀមរាប: ការបង្ហាញវត្តមានរបស់សិល្បៈករ៤ជំនាន់ ដែលផ្តើមចេញពីសិល្បៈករ ជំនាន់ទសវត្សរ៍ទី៦០ និងទសវត្សរ៍បន្តបន្ទាប់ រហូតដល់បច្ចុប្បន្ន ត្រូវបានអង្គការ UNESCO ទទួលស្គាល់ ដោយសារការសម្តែងខនសឺតនេះ ជាការចែករំលែកទស្សនៈចំណេះដឹងពីវប្បធ៌ម ពីសិល្បៈករចាស់ៗ ដល់អ្នកជំនាន់ក្រោយ។
ជាមួយនឹងទិសស្លោកផ្តោតលើការអភិរក្ស័ ដើម្បីអភិវឌ្ឈន៍ សិល្បៈករជាតិ និងអន្តរជាតិ បានរួមបញ្ចូលគ្នាជាធ្លុងមួយក្នុងការបង្ហាញនូវ វប្បធ៌មថ្មីមួយ ដែលជាការអភិវឌ្ឍន៍វិស័យវប្បធម៌ ក្នុងជំនាន់ថ្មី ក្នុងខនសឺតបុស្បា ប៉ាន់ព្រះគុណគ្រូ ដែលការសម្តែងនឹងចាប់ផ្តើមពីរាត្រីថ្ងៃទី២៥ ដល់ ២៦ កុម្ភៈនៅបរិវេណមុខប្រាសាទបាយ័ន។
លោកប៉ាន់ ម៉េងហ៊ាង ប្រធានសមាគមសិល្បៈបុស្បា ប៉ាន់ប្រាប់អ្នកសារព័ត៌មានក្នុងកម្មវិធីសន្និសីទកាសែត កាលពីរសៀល ថ្ងៃទី២៤ខែកុម្ភៈ នៅសណ្ឋាគារសុខា ថា ការជួបប្រជុំគ្នាលើវេទិ ការខាងមុខប្រាសាទបាយ័ននេះ នឹងអាចក្លាយជារូបមន្តដែលអាចទាញបានការ ចាប់ពីគ្រប់មជ្ឈដ្ឋាន។ លោកបន្តទៀតថាអង្គការយូណេសស្កូ ក៏បានគាំទ្រការប្រគុំតន្ត្រីនេះ ដោយសារតែវាគឺជា កម្មវិធីសិល្បៈដែលបង្កប់នូវ អត្ថន័យជ្រាលជ្រៅ និងអាចផ្ទេរនិងចែកចាយនូវបទពិសោធន៏ ចំណេះដឹងផ្នែកសិល្បៈ ពីមនុស្សមុនទៅដល់ក្មេងជំនាន់ក្រោយហើយវាក៏ស្ថិតនៅក្នុង លក្ខខណ្ឌពីការអភិរក្សឈានទៅការអភិវឌ្ឍន៍ ដើម្បីទទួលស្គាល់ជាលក្ខណៈអន្តរជាតិ។
លោកបានបន្តថា “ ខ្ញុំសប្បាយចិត្តចំពោះការរៀបចំរបស់ក្រុមសិល្បៈករ វាមើលទៅហាក់ បីដូចជានរៈវិទ្យា។ ខ្ញុំសង្ឃឹមថាខនសឺតនេះ វានឹងផ្ទុះចេញមកក្នុងការបង្ហាញវប្បធ៌មខ្មែរ ទៅបរទេស។ ខ្ញុំសង្ឃឹមថាវានឹងផ្ទុះដូចពន្លឹកាំជ្រួច ដែលបាញ់មុខព្រះបរមរាជវាំងនាពិធីបុណ្យអុំទូក ” ។
បើតាមលោកប៉ាន់ ម៉េងហ៊ាងបានឲ្យដឹងថា ក្នុងរាត្រីខនសឺតលើកទី១នេះ នឹងមានការបង្ហាញមុខម្ហូបពិសេសៗរបស់ខ្មែរផងដែរ ដូចជា ញ៉ាំក្បាលត្រីសណ្តាយ ការីសារាម៉ាន់ អាម៉ុកកំពង់ធំ និងបង្អែមបាយដំណើមស្វាយពុំសែនទុំ ។
លោកបានមានប្រសាសន៍បន្តអំពីមុខម្ហូបទាំងនេះថា “ ជាមុខម្ហូបតំណាងឱយការអភិរក្ស័ ឆ្ពោះទៅរកការអភិវឌ្ឍន៍ ហើយខ្ញុំបានដាក់មុខម្ហូបនេះតំណាងឲ្យរសជាតិខ្មែរ ដែលមានន័យថា រសជាតិ គឺជាតិរស់ ” ។
សាស្ត្រាចារ្យក្នុងវិស័យតូរ្យតន្ត្រីលោកអ៊ឹង ជីណារី អ្នកនិពន្ធបទភ្លេងជនជាតិខ្មែរ ដែលបាន ទទួលរង្វាន់ណូប៊ែល សមមូលនៅសហរដ្ឋអាមេរិក និងពានរង្វាន់ចំនួនពីរផ្សេងទៀត បានមានប្រ សាសន៍ថា លោកមានមោទនភាពណាស់ ដែលបានចូលរួមក្នុងកម្មវិធីនេះ ព្រោះកម្មវិធីនេះបានឆ្លុះ បញ្ចាំងឱ្យឃើញពីការខិតខំប្រឹងប្រែងរួមគ្នា បន្តថែរក្សា និងអភិវឌ្ឍន៍កេរ្តិមរតក ហើយសិល្បករ ទាំង៤ជំនាន់នឹងរួមគ្នាបញ្ចោញឲ្យ អស់ពីសមត្ថភាពនូវអ្វីដែលខ្លួនមាន។
លោកបន្តថា “ ក្នុងឱកាសនេះខ្ញុំបាននិពិន្ធបទចំរៀងមួយបទ ដែលមានចំណងជើងថា ជីវិតក្រោយថ្ងៃរះ សម្រាប់លោកឃួន សិទ្ឋិស័ក្តិច្រៀងជាភាសាអង់គ្លេសនិងសំង្ក្រឹត ” ។
លោក សាស្ត្រាចារ្យអ៊ឹង ជីណារីបានមានប្រសសន៍ថា នេះជាលើកទី១ ដែលលោកនឹងដឹក នាំការសម្តែងចម្រៀងនេះនៅស្រុកខ្មែរ ហើយខនសឺតដែលមានការចូលរួម ពីសិល្បៈករចំរុះជាតិ សាសន៍លេងបញ្ជូលគ្នាបែបនេះ កំរ៉មានណាស់នៅលើពិភពលោក ។ លោកបន្តថា ដោយសារការ ប្រគុំខនសឺតនេះ ជាការបង្ហាញនូវសកម្មភាពសិល្បៈ៤ជំនាន់រួមបញ្ជូលគ្នា ដើម្បីចែកចាយទៅអ្នក ជំនាន់ក្រោយទៀត ទើបលោករំភើបរីករាយនឹងចូលរួម។
លោកយន់ ខៀនអគ្គនាយករង នៃអគ្គនាយកដ្ឋានបច្ចេកទេសវប្បធ៌ម នៃក្រសួងវប្បធម៌ និងវិចិត្រសិល្បៈ និងជាតន្ត្រីករខ្មែរបុរាណប្រាប់ថា នារាត្រីនេះក៏នឹងមានការប្រគុំបញ្ចូលគ្នានូវ ឧបករណ៍តន្ត្រីសម័យ និងបុរាណ ដែលកាន់តែធ្វើឱ្យអារម្មណ៍អ្នកស្តាប់ កាន់តែជក់ចិត្តបើទោះបី ជាការប្រគុំបញ្ចូលគ្នា ជាមួយសិល្បករមកពីទីក្រុងប៉ារីសនេះ ជួបការលំបាកមួយចំនួនក្តី។
កញ្ញាលួរ៉ា ម៉មជាអ្នកចម្រៀងជនជាតិខ្មែរ សញ្ជាតិអាមេរិកាំង ដែលជាអ្នកដឹកនាំក្រុម តន្ត្រីយុវវ័យរបស់នាង មកចូលរួមការសម្តែងនេះដែរប្រាប់ថា ប៉ើទោះបីជានាងកើតលើទឹកដីអា មេរិក ប៉ុន្តែខ្ញុំមានបេះដូងជាខ្មែរ មានឈាមជ័រជាខ្មែរ ខណៈជនជាតិខ្មែរនៅបរទេសផ្សេងទៀត មិនមោទនភាពនឹងជាតិសាសន៍របស់ខ្លួន ប៉ុន្តែខ្ញុំស្រលាញ់ស្រុកកំនើតឪពុកម្តាយរបស់ខ្ញុំ ហើយនេះ ជាពេលវេលា ដែលខ្ញុំនឹងបង្ហាញពីសមត្ថភាព និងក្តីស្រលាញ់ជូនជាតិមាតុភូមិ។
កញ្ញាបន្តថា “ ពេលសិក្សានៅសហរដ្ឋអាមេរិក ខ្ញុំបានសិក្សាពីប្រវត្តិសាស្ត្រ និងប្រវត្តិប្រា សាទបាយ័ន និងប្រាសាទអង្គរវត្ត ហេតុនេះហើយទើបខ្ញុំរីករាយ និងមានមោទនភាពដែលបានមក សម្តែងនៅប្រាសាទនេះ ” ។
កុមាជរីបុស្បា ប៉ាន់និយាយថា នាងពិតជារំភើបនឹងការជួបជុំសិល្បករសិល្បការិនីក្មេងចាស់ ប្រុសស្រីទាំងខ្មែរ នឹងបរទេសនៅពេលនេះ ព្រោះក្រៅពីជួយថែរក្សានិងអភិវឌ្ឍន៍ សិល្បៈវប្បធម៌ ជាតិនោះក៏កម្មវិធីនេះ បានជួយផ្តល់នូវបទពិសោធន៍ ឱ្យគ្នាទៅវិញទៅមកផងដែរុ។ នាងនឹងលើក យកនូវបទចម្រៀងមួយចំនួន ដែលជាស្នាព្រះហស្ថរបស់ព្រះវរាជបីតាជាតិ បទចម្រៀងរបស់អធិរាជសំឡេងមាសលោកស៊ិន ស៊ីសាមុតជាដើម។
បុស្បា ប៉ាន់បានបន្តទៀតថា “ ខ្ញុំគិតថាកម្មវិធីនេះ ជាការកសាងទ្បើងវិញនូវសិល្បៈ របស់ខ្មែរដែលបានបាត់បង់ និងកប់បាត់ក្នុងអតីតកាល ដើម្បីង្ហាញប្រាប់ពិភពលោកទ្បើងវិញ ពីអ្វីជាតំលៃមរតកវប្បធ៌ម របស់ប្រទេសកម្ពុជាដ៏ស្រស់ស្អាតនេះ ” ។
អ្នកស្រី សារ៉ា រ្សាហា បឿរិនេសារ៉ា អូប្រាយអិន ជាតន្ត្រីករប្រចាមស្តូឌីយូហូលីវូត ដែល មានវត្តមាននាកម្មវិធីនេះក៏ធ្វើការកោតសរសើរ ពីគំនិតផ្តួចផ្តើម ក្នុងការរៀបចំនេះ ហើយអ្នកស្រី ក៏បានធ្វើការកោតសរសើ អំពីទេពកោសល្យ និងសមត្ថភាពរបស់កុមារីបុស្បាប៉ាន់ ដែលអាច ដើរលើផ្លូវមួយដ៏វែងឆ្ងាយក្នុងពិភពសិល្បៈ។ អ្នកស្រីរំពឹងថា នឹងដឹកនាំនូវបទពិសោធនល្អៗ ដែល ទទួលបាននៅពេលនេះទៅធ្វើការផ្សព្វផ្សាយ បន្តទៀតក្នុងឆាកអន្តរជាតិ ៕
More infos: http://www.cen.com.kh/localnews/show_detail/23?token=ODNkNzQ3ZmVjYzZlZDg3ZDE2NmQ1Yzc1YTEwNjAy
Leave a comment