ល្ខោននិយាយរឿង “ស្រុកខ្មែរ នេះហើយខ្ញុំ” របស់លោក ហ្សង់បាបទីស ភូ

 

អត្ថបទដកស្រង់ចេញពី​គេហទំព័រ Cambodian Express News

ភ្នំពេញ (CEN): ​រឿងល្ខោន “​ស្រុក​ខ្មែរ នេះហើយ​ខ្ញុំ​” គឺជា​ការដឹកនាំ​សម្ដែង​ដោយ​លោក ភូ ហ្ស​ង់​បាទី​ស្ដ៍ ដែល​ធ្លាប់បាន​សម្ដែង​នៅ​ប្រទេស​បារាំង កាលពី​ឆ្នាំ​២០១១ នៅពេលនេះ បាន​លើកយក​នូវ​ទស្សនីយភាព​ដដែល​នេះ មក​បង្ហាញ​នៅ​កម្ពុជា ដោយ​ក្រុម​អ្នកសិល្បៈ​ចំនួន ៦​នាក់ តម្រូវ​ឲ្យ​និយាយ​ភាសា​បារាំង ហើយក៏​មិនមែនជា​អ្នក ដែលមាន​អាជីព​សម្ដែង​ល្ខោន​ផងដែរ​។

​នៅក្នុង​សន្និសីទ​សារព័ត៌​ស្ដីពី​មហោស្រប​ល្ខោន​លើក​ទី​៦ នៅ​វិទ្យាស្ថាន​ភាសា​បារាំង អ្នកស្រី ឌី សា​វ៉េ​ត ដែលជា​អង្គ​មួយ​ក្នុង​រឿង “​ស្រុក​ខ្មែរ នេះហើយ​ខ្ញុំ​” បាន​និយាយថា អ្នកស្រី​ត្រូវបាន​អ្នកដឹកនាំ​តម្រូវ​ឲ្យ​ដើរតួនាទី ជា​ស្ដ្រី​ឋិត​ក្នុង​ពូជពង្ស​រាជវង្ស ឈ្មោះ​នាង មេត្តា ឋិត​នៅក្នុង​វ័យ​ប្រហែល ៥០​ឆ្នាំ ហើយ​និង​មានចំណេះ​ចេះដឹង​ខ្ពស់​។

​អ្នកស្រី ឌី​សា​វ៉េ​ត បាន​បញ្ជាក់ថា “​យើង​ត្រូវ​ដាក់ចិត្ត​ដាក់​កាយ ដាក់​ទឹកមុខ​ឲ្យ​សម​នឹង​តួអង្គ​ហ្នឹង ហើយ​និង​មាន​ច​រិ​កមួយ គឺថា មិនសូវ​ជា​ចូល​ហ្វូង​ជាមួយ​គេ​បានទេ ពីព្រោះ​យើង​មានការ​អប់រំ​ខ្ពស់ ចំណេះវិជ្ជា​ខ្ពង់ខ្ពស់​ជាងគេ ដូច្នេះ​យើង​មិនសូវ​ឡូកឡំ​ជាមួយ​គេ​ទេ គឺ​ត្រូវដាក់​ច​រិ​ក​ហ្នឹង​អ៊ីចឹង​”​។​

​អ្នកស្រី ឌី សា​វ៉េ​ត បានបញ្ជាក់​បន្តថា នេះ គឺជា​លើក​ទី​១ ហើយ ដែល​អ្នកស្រី​សម្ដែង​ជា​អង្គ​ល្ខោន ហើយ​អ្នកស្រី​បាន​ជួប​នូវ​ការលំបាក​ជាងគេ​នោះ គឺ​ការប្រើប្រាស់​ពាក្យពេចន៍​និយាយ ត្រូវ​ចំណាយពេល ១​មួយ​កន្លះ​នៅលើ​ឆាក​រហូត ដែល​នេះ​ជា​អ្វីដែល​ប្លែក​សម្រាប់​អ្នក គឺ​ត្រូវ​អាន​ពាក្យពេចន៍​ឲ្យ​បានច្បាស់លាស់ និង​ត្រូវបាន​ប្រើពេល​ហាត់រៀន រយៈពេល​ជិត ២​ខែ​។​

​អ្នកស្រី​បាន​ឲ្យ​ដឹងថា ក្នុង​សាច់រឿង ស្រុក​ខ្មែរ នេះហើយ​ខ្ញុំ គឺ​ឆ្លុះបញ្ចាំង​ពី​សង្គម​ខ្មែរ​ពី​សម័យមុន​សង្គ្រាម បន្ទាប់មក​មាន​សង្គ្រាម ចប់​សង្គ្រាម និង​បន្ទាប់មកទៀត គឺ​ទៅ​រស់នៅ​ស្រុក​គេ​។

​អ្នកស្រី ឌី សា​វ៉េ​ត បាន​បន្ថែមថា “​នៅក្នុង​ឈុត​ឆាក នៃ​រឿងល្ខោន​នេះ នឹងមាន​ឈុត​ប្រទូស​សារាយ ជជែក​វែកញែក និយាយ​រក​ឈ្នះ​រៀងៗ​ខ្លួន បន្ទាប់ពី​តួអង្គ​បាន​ជួបគ្នា​និយាយ​ពី​រឿងរ៉ាវ ដែលមាន​ការប្រឆាំង​គ្នា​ក្នុង​រឿង​ហ្នឹង ដោយសារ​តែមាន​អ្នកខ្លះ​ទើប​មកដល់​ស្រុក​បារាំង អ្នកខ្លះ​កើត​នៅ​បារាំង អ្នក​ខ្លះទៀត​រស់នៅ​បារាំង​ពី​ក្មេង ដូច្នេះ​ការជួបគ្នា​ម្ដងៗ​មានការ​ជជែក​វែកញែក ប៉ុន្តែ​នៅ​ទីបញ្ចប់​នៃ​សាច់រឿង អ្នក​ទាំងអស់គ្នា បាន​យល់​ស្របគ្នា​ថា នេះ​គឺ​ជីវិត​របស់​មនុស្ស​ដែល​យើង​ជួបប្រទះ​នឹង​សង្គ្រាម​”​។

អ្នកស្រី ឌី សា​វ៉េ​ត បានបញ្ជាក់​ទៀតថា “​រឿងនេះ មានការ​អប់រំ​ដល់​ប្រជាជន​ទូទាំង​ពិភពលោក ធ្វើ​ម៉េច​ចៀសវាង​ពី​សង្គ្រាម កាលណា​មាន​សង្គ្រាម​តែងតែ​បាត់បង់​អាយុជីវិត តែងតែ​មានការ​ព្រៀត​ប្រាស់ តែងតែ​មានការ​ប្រទូស​សារាយ​គ្នា រវាង​អ្នកយក​ត្រូវ​យកខុស​រៀងៗ​ខ្លួន​”​។​

​ជាមួយគ្នានេះ លោក ភូ ហ្ស​ង់​បាទី​ស្ដ៍ បាន​និយាយ រឿងល្ខោន “​ស្រុក​ខ្មែរ នេះហើយ​ខ្ញុំ​” ជា​ល្ខោននិយាយ​បែប​សម័យ គឺ​អ្នកនិពន្ធ​ចង់​ឲ្យ​តួអង្គ​មួយៗ​តំណាង​ឲ្យ​ទស្សនៈ​ខុសៗ​គ្នា​ពី​ជំនាន់​មួយ​ទៅ​ជំនាន់​មួយ ហើយ​ទៅ​រស់នៅ​ស្រុក​បារាំង​បានន័យថា ទស្សនៈ​គាត់​ទាំង​បួន​នាក់ យល់​យ៉ាងម៉េច​ដែល​ជន​ខ្មែរ​ទៅ​រស់នៅ​ស្រុក​បារាំង​។ ប្រសិនបើ​យើង​គិត​ទៅ អ្នកខ្លះ​គិតថា​វា​មិន​ប្រយោជន៍​អី​ទេ​ចំពោះ​ស្រុក​ខ្មែរ ព្រោះថា​និយាយ​តែ​ពី​ប្រជាជន​ខ្មែរ ដែល​ចេញទៅ​នៅ​ស្រុក​គេ​តាំងពី​យូរ​មកហើយ​។​យើង​ចង់​ឲ្យ​ប្រជាជន​ខ្មែរ​ទាំងអស់​ទៅ​ទស្សនា​ល្ខោន​ហ្នឹង​ដើម្បី​ឲ្យ​បានឃើញ​នូវ​ជីវិត​ពិត​ភាព​ពិត ពីព្រោះ​មាន​អ្នកខ្លះ​គេ​អត់​ដែល​ស្គាល់​ផង​។​

លោក​បាន​ឲ្យ​ដឹងថា ក្នុងចំណោម​តួអង្គ​ទាំងនោះ តួអង្គ​មួយៗ​តំណាង​ឲ្យ​ជំនាន់​មួយៗ ហើយ​តំណាង​ឲ្យ​ច​រឹក​ខុសគ្នា ហើយ​នៅក្នុង​រឿង​ហ្នឹង​មាន​បា​រូ​ល​ច្រើនណាស់ មិនមែន​តែ​កាយវិការ​ទេ​ទ្រឹស្តី​ក៏មាន​ច្រើន ដើម្បី​ឲ្យ​ទស្សនិកជន​យល់​កាន់តែច្បាស់ តាមរយៈ​កាយវិការ​បូកផ្សំ​នឹង​សម្តី​របស់​តួអង្គ​។

​លោក ភូ ហ្ស​ង់​បាទី​ស្ដ៍ បាន​លើកឡើងថា “​គេ​(​ទស្សនិកជន​នៅ​បារាំង​) មាននិយាយ​ជម្រាប​ថា ដឹង​ទេ​នៅ​ស្រុក​ខ្មែរ ល្ខោន​មានតែ​ទម្រង់​បែប​កំប្លែង ហើយ​និង​របៀប​ប្រពៃណី​ពី​ដើម​នាំ​រឿង​អ៊ីចឹង​ទៅលេង ឯង​សង្ស័យថា​អត់​មាន​គេ​មើល​ទេ តែ​ខ្ញុំ​គិតថា​ខ្ញុំ​អត់​ជឿ ខ្ញុំ​មក​សាកល្បង​ដោយ​ខ្លួនឯង​តាម​ច​រឹក​ខ្ញុំ​”​។​

​លោក​បាន​បញ្ជាក់ថា “​ខ្ញុំ​ចង់​ទទួល​ទោះបីជា​ថា អ្វីដែល​ខ្ញុំ​ទទួលបាន​ពី​ទស្សនិកជន ទោះបី​ទស្សនិកជន​ចោទ​ទៅលើ​ល្ខោន​ខ្ញុំ​ថា ខ្ញុំ​មិន​ចង់​មើល​ទេ ព្រោះ​ល្ខោន​ខ្ញុំ​អត់​ល្អមើល​សោះ ក៏​ខ្ញុំ​អត់​មាន​តូចចិត្ត​ដែរ ខ្ញុំ​ចង់​សាកល្បង​នូវ​គំនិត​ខ្ញុំ​ជា​អ្នកដឹកនាំ​រឿង និង​ជា​អ្នកនិពន្ធ​។ ខ្ញុំ​គិតថា បើ​ធ្វើជា​រឿង​កំប្លែង​មួយ​វា​ជា​រឿង​ងាយស្រួល​ណាស់​ខ្ញុំ​អាចធ្វើ​បាន ខ្ញុំ​ធ្វើ​អ្វីមួយ​ដែល​ប្លែក​ហើយ​ថ្មី ដើម្បី​ឲ្យ​ទស្សនិកជន​ខ្មែរ​ទាំងអស់​ក៏​អាច​ទទួលបាន ហើយ​ចេះ​បើក​ជើងមេឃ យល់​ឲ្យ​បាន​ឆ្ងាយ​ជាង​ហ្នឹង​ទៅទៀត ក្រៅពី​រឿង​កំប្លែង​នឹង​អ្វីដែល​យើង​ធ្លាប់​ឃើញ​កន្លងមក​”​។​

​លោក​បានលើកឡើង​ទៀតថា “​អ្វីដែល​នៅក្នុង​នេះ ជា​ទម្រង់​ល្ខោន​ខ្ញុំ បាន​បញ្ចូល​ជា​របាំ​បែប​ប្រពៃណី​បែប​ក្លា​សិ​ក​ទៅជា​របៀប​សម័យ ដើម្បី​ឲ្យ​គេ​មើល​មកនេះ​ជា​បុរាណ​តែ​កាឡៃ​មកជា​សម័យ ដើម្បី​ឲ្យ​អ្នកមើល​នូវ​អ្វីដែល​ថ្មី​”​។​


​សូមជម្រាបថា ឆ្នាំ​២០១១ រឿង “​ស្រុក​ខ្មែរ នេះហើយ​ខ្ញុំ​” បាន​ដើរ​សម្ដែង​ក្នុងឆ្នាំនេះ ទៅតាម​ទីក្រុង​ជាច្រើន នៃ​ប្រទេស​បារាំង ហើយ​អ្នកទស្សនា​មានការ​រំភើបចិត្ត និង​សោមនស្ស​ជាខ្លាំង​។ ក្នុងពេល​ស្នាក់នៅ​រយៈពេល ២​ខែ​មកនេះ លោក ភូ​ហ្ស​ង់​បាទី​ស្ត៍ ជាមួយ​ក្រុម​សិល្បករ ខ្សែ បាន​កែសម្រួល រឿងល្ខោន​នេះ ជា​លើក​ទី​១ ជាមួយនឹង​សិល្បករ​ខ្មែរ​។ ការសម្ដែង​នៅ​កម្ពុជា នាពេល​ខាងមុខនេះ មាន អ្នកស្រី ឌី សា​វ៉េ​ត​, ពុំ​ធារ៉ា ចិន្តា​, កូវ លី​យ៉ាន​, សែម កុសល និង អ៊ឹង សា​កុ​ណា​៕​

Advertisements

មហោស្រពតន្ត្រី និងចម្រៀងកុមារ លើកទី១ នៅកម្ពុជា

មហោស្រពតន្ត្រី និងចម្រៀងកុមារ លើកទី១ នៅកម្ពុជា ចាប់ផ្តើមហើយ

អត្ថបទ និងរូបភាពពីគេហទំព័រដើមអម្ពឹល (DAP)
Thursday, 26 April 2012 10:06 ដោយៈ អេង គឹមជាង-Posted: ID-009

ភ្នំពេញ: មហោស្រពតន្រ្តី និងចម្រៀងកុមារ បានចាប់ផ្តើម ជាលើកដំបូង ហើយនៅកម្ពុជា ដើម្បី អបអរ សាទរ ខួបលើកទី៦៣ នៃទិវាកុមារអន្តរជាតិ ១មិថុនា ខួបលើកទី១១ ទិវាពិភពលោក ប្រឆាំង ពលកម្មកុមារ ១២មិថុនា និងទិវាកុមារកម្ពុជា ឆ្នាំ២០១២ ។

រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ មានប្រសាសន៍នៅព្រឹកថ្ងៃទី២៦ ខែមេសា ឆ្នាំ២០១២ ថា ការប្រលងនេះ ត្រូវធ្វើយ៉ាងណាឲ្យចប់នៅថ្ងៃទី១ មិថុនា ដើម្បីអបអរសាទរ ទិវាកុមារអន្តរជាតិ ១ មិថុនា។ មហោស្រពតន្ត្រី និងចម្រៀងកុមារ ត្រូវបានរៀបចំឡើង និងដំណើរការ ទទួលពាក្យ របស់កុមារា កុមារី ដែលមាន បំណងចូលរួមប្រកួតប្រជែងចាប់ ពីថ្ងៃទី២៦ នេះតទៅ នៅក្រសួង ព័ត៌មាន។

ការប្រឡងតន្ត្រី និងចម្រៀងកុមារ បានប្រារព្ធធ្វើឡើងចាប់ពីពាក់កណ្ដាលទសវត្សរ៍ឆ្នាំ១៩៨០ រៀបចំ ដោយទូរទស្សន៍ជាតិកម្ពុជា។ នៅក្នុងឆ្នាំ២០១២ មហោស្រពតន្ត្រី និងចម្រៀងកុមារនេះ គឺជាលើកទី១ ហើយ ដែលរៀបចំដោយក្រសួងព័ត៌មាន សហការជាមួយអន្តរក្រសួង អង្គការមិនមែនរដ្ឋាភិបាល និងផ្នែកឯកជន។

លោក ជា ច័ន្ទបូរិបូណ៍ ជាបញ្ញវ័ន្ដតូរ្យតន្ត្រី និងជាទីប្រឹក្សារាជរដ្ឋាភិបាលកម្ពុជាបានឲ្យដឹងថា មហោ ស្រពតន្ត្រី និងចម្រៀងកុមារ គឺជាការប្រឡងសមត្ថភាព កុមារកម្ពុជា ក្នុងការច្រៀង និងសម្ដែងទៅ តាមបទភ្លេង និងទំនុកច្រៀង ដែលរៀបចំតាក់តែងដោយគ្រូតូរ្យតន្ត្រី ក៏ដូចជាគ្រូបង្រៀន ក្នុងន័យ អប់រំស្ថាបនា បណ្ដុះគំនិតល្អៗ សម្រាប់កុមារកម្ពុជា ស្ដីពី សិទ្ធិរបស់កុមារ ការលុបបំបាត់ការ កេង ប្រវ័ញ្ចលើកុមារ ការលុបបំបាត់ការសេពគ្រឿងញៀន សុវត្ថិភាពចរាចរណ៍ តម្លៃនៃចំណេះវិជ្ជា សុជីវធម៌ និងសីលធម៌សង្គម ការគោរពឪពុកម្ដាយ ចាស់ទុំ ចាស់ព្រឹទ្ធាចារ្យ និងអ្នកដែលនៅ ជុំវិញខ្លួន។ សរុបសេចក្ដីមក គឺចម្រៀង និងតន្ត្រីកុមារ ត្រូវតែងាយចេះ ងាយយល់ និងងាយចាំ ហើយបម្រើផលប្រយោជន៍កុមារ ដូចជាបទ “ស្អាតជានិច្ច” ជាដើម។

តាមការគ្រោងទុក មហោស្រពតន្ត្រី និងចម្រៀងកុមារ នឹងដំណើរការរយៈពេល ពីរសប្ដាហ៍គិត ចាប់ពីថ្ងៃទី១៥ ខែឧសភាតទៅ។

ការប្រឡងត្រូវចែកចេញជាពីរដំណាក់កាល គឺការប្រឡង ជ្រើសរើសទូទៅ និងការប្រឡងផ្ដាច់ព្រ័ត្រ ( ពុំមានវគ្គពាក់កណ្ដាលផ្ដាច់ព្រ័ត្រទេ ) រីឯសមាសភាព គណៈកម្មការផ្ដល់ពិន្ទុវិញ រួមមាន លោក ជា ច័ន្ទបូរិបូណ៍ ជាបញ្ញវ័ន្ដតូរ្យតន្ត្រី និងជាទីប្រឹក្សារាជ រដ្ឋាភិបាលកម្ពុជា, លោក ថោង យ៉ាងរ៉ាន់ អគ្គលេខាធិការរង នៃអគ្គលេខាធិការដ្ឋាន ក្រុមប្រឹក្សា ជាតិ ដើម្បីកុមារ, លោកស្រី ទន់ ស៊ីអ៊ីម អនុរដ្ឋលេខាធិការក្រសួងអប់រំ យុវជន និងកីឡា, លោក ឡេវ ណាល់ អគ្គលេខាធិការ និងជាអនុប្រធាន លេខាធិការដ្ឋានអចិន្ត្រៃយ៍ នៃគណៈកម្មាធិការ លើកកម្ពស់សីលធម៌សង្គម តម្លៃស្ដ្រី និងគ្រួសារខ្មែរ នៃក្រសួងកិច្ចការនារី និងលោក អ៊ុក សំអាត ទីប្រឹក្សាក្រសួងព័ត៌មាន ជាអ្នកនិពន្ធបទភ្លេង និងទំនុកច្រៀង។

លោក ជា ច័ន្ទបរិបូណ៍បន្តថា កុមារចូលរួមប្រឡងត្រូវមានអាយុក្រោម ១៦ឆ្នាំ ត្រូវមានបទភ្លេង និងទំនុកច្រៀងចំនួន ២បទ ក្នុងនោះ មានចម្រៀងទោល ១បទ និងចម្រៀងជាពួក ១បទ រីឯបទភ្លេង និងទំនុកច្រៀងត្រូវនិពន្ធតាមបែបតន្ត្រី និងចម្រៀងសម័យ។

ពានរង្វាន់សម្រាប់ ជ័យ លាភីលេខបី ទទួលបាន ៥០០ដុល្លារ លេខពីរ ៨០០ដុល្លារ និងលេខមួយ ទទួលបាន ១.៥០០ ដុល្លារ៕

www.dap-news.com

 

www.dap-news.com

More info: http://www.dap-news.com/typography/the-news/40755-2012-04-26-03-07-22.html

ប្រឡង​សិល្បៈ​ចម្រៀង​ខ្មែរ​ជា​សកល​លើក​ទី​២ ចាប់ពី​ថ្ងៃទី​២ ដល់​ថ្ងៃទី​២៣​ធ្នូ​

ភ្នំពេញ: គណៈកម្មការ​អន្តរក្រសួង​រៀបចំ​មហោស្រព​សិល្បៈ​ចម្រៀង​ខ្មែរ​ជាស​កល បានចេញ​សេចក្ដីជូនដំណឹង​ដល់​សាធារណជន សិល្បករ សិល្បការិនី​ទាំង​ក្នុង និង​ក្រៅប្រទេស ដែល​ស្រឡាញ់​ចូលចិត្ត​វិស័យ​សិល្បៈ​ចម្រៀង​ខ្មែរ​ទាំងអស់ ឲ្យ​បាន​ជ្រាបថា ដើម្បី​លើកស្ទួយ និង​ថែរក្សា “​សិល្បៈ​ចម្រៀង​ខ្មែរ​” ឲ្យ​ថ្កុំថ្កើង និង​ឋិតថេរ​ជា​អមតៈ​ក្នុង​បេះដូង​កូន​ខ្មែរ​នោះ ចាប់ពី​ថ្ងៃទី​២ ដល់​ថ្ងៃទី​២៣ ខែធ្នូ ឆ្នាំ​២០១១ នឹង​រៀបចំ​បង្កើន​នូវ​ព្រឹត្តិការណ៍​ដ៏​អស្ចារ្យ នៅ​សាល​មហោស្រព​កោះ​ពេជ្រ រាជធានី​ភ្នំពេញ ដែលមាន​ឈ្មោះថា “​មហោស្រប​ប្រលង​ចម្រៀង​សម័យ និង​បុរាណ​”​។​

​តាម​សេចក្ដីប្រកាស សន្និសីទ​សារព័ត៌មាន នឹងត្រូវ​រៀបចំឡើង នៅ​ទីស្ដីការក្រសួង​វប្បធម៌ និង​វិចិត្រសិល្បៈ ស្ដីពី ការផ្សព្វផ្សាយ​ពី​កម្មវិធី​មហោស្រព និង​លទ្ធផល​ជ្រើស​តាម​បណ្ដា​ខេត្ត​-​រាជធានី​។

​ការប្រលង​ជ្រើសរើស​ ដំណាក់កាល​ទី​២ នៅ​មជ្ឈមណ្ឌល​កោះ​ពេជ្រ នឹងធ្វើ​ពីថ្ងៃ​ទី​២ ដល់​ថ្ងៃទី​៤ ខែធ្នូ ឆ្នាំ​២០១១ ហើយនឹង​បិទ​ប្រកាស​លទ្ធផល​ប្រលង​ជ្រើសរើស​ដំណាក់កាល​ទី​២ នៅ​មជ្ឈមណ្ឌល​កោះ​ពេជ្រ នា​ថ្ងៃទី​៥ ខែធ្នូ ឆ្នាំ​២០១១ ។

​ សេចក្ដីប្រកាស​ព័ត៌មាន​បន្តថា នៅ​ថ្ងៃទី​១២ ខែធ្នូ ឆ្នាំ​២០១១ ក៏​នឹងមាន​សន្និសីទ​មួយ​ផ្សេងទៀត នៅ​មជ្ឈមណ្ឌល​កោះ​ពេជ្រ ដោយមាន​បង្ហាញ​បេក្ខជន ដែលមាន​ឈ្មោះ​ត្រូវ​ប្រលង​ពាក់កណ្ដាល​ផ្ដាច់ព្រ័ត្រ ហើយ​កម្មវិធី​ប្រលង​ពាក់កណ្ដាល​ផ្ដាច់ព្រ័ត្រ​នៅ​មជ្ឈមណ្ឌល​កោះ នៅ​ថ្ងៃទី​១៦ ខែធ្នូ ឆ្នាំ​២០១១ វេលា​ម៉ោង ៦​ល្ងាច​។ ថ្ងៃទី​២២ ខែធ្នូ ឆ្នាំ​២០១១ គឺជា​ការប្រលង​ផ្ដាច់ព្រ័ត្រ​នៅ​មជ្ឈមណ្ឌល​កោះ​ពេជ្រ ហើយ​ពិធី​បិទ​សម័យ​ប្រលង និង​ប្រកាស​ជ័យលាភី នៅ​ថ្ងៃទី​២៣ ខែធ្នូ ឆ្នាំ​២០១១ វេលា​ម៉ោង ៦​ល្ងាច​។​

​គួរ​បញ្ជាក់ថា បេក្ខជន​ទាំងពីរ​ភេទ បានធ្វើ​ការប្រលង​ជ្រើសរើស​ដំណាក់កាល​ទី​១ រួចហើយ តាម​មន្ទីរ​វប្បធម៌ និង​វិចិត្រសិល្បៈ រា​ធានី​-​ខេត្ត ដែល​សាមី​បេក្ខជន​បានដាក់​ពាក្យ​តាម​កាលបរិច្ឆេទ​មួយ ដែល​កំណត់ឡើង​ដោយ​មន្ទីរ​វប្បធម៌ និង​វិចិត្រសិល្បៈ​រាជធានី​-​ខេត្ត ក្នុង​ចន្លោះ​ពីថ្ងៃ​ទី​៣ ដល់​ថ្ងៃទី​២៨ ខែតុលា ឆ្នាំ​២០១១៕

ប្រវត្តិរបាំគែន ខេត្តស្ទឹងត្រែង

អត្ថបទ និង​រូបភាពដកស្រង់ចេញពីគេហទំព័រ Cambodian Express News (CEN)

របាំ​កែន ជនជាតិដើម​ភាគតិច​ឡាវ នៅ​ស្រុក​សៀម​ប៉ាង ប្រឈម​នឹង​ការបាត់បង់​ទាំងស្រុង​

ដោយ : សេសាន (ថ្ងៃទី 30 កញ្ញា 2011)

Dsc059061ស្ទឹងត្រែង:  របាំ​កែន ឬ ឡាំ​កែន ដែលមាន​កំណើត​ពី​ជនជាតិដើម​ភាគតិច​ឡាវ នៅក្នុង ស្រុក​សៀម​ប៉ាង ខេត្តស្ទឹងត្រែង បាន​បាត់បង់​ប្រពៃណី​ទំនៀមទម្លាប់​របស់ខ្លួន​ទាំងស្រុង​ហើយ មកទល់នឹង​បច្ចុប្បន្ន ព្រោះ​អ្នកស្រុក​នៅ​ទីនោះ មិន​និយម​យក​របាំ​ប្រភេទ​នេះ មកលេង​ដូច​កាលពី​សម័យ​ដើម​ទៀត​ទេ​។​
​    ​
​ លោក ស៊ី សួន អភិបាលស្រុក​សៀម​ប៉ាង​និយាយថា ប្រពៃណី​ឡាំ​កែន មាន​សំដែង​ម្តងម្កាល​តែប៉ុណ្ណោះ នៅក្នុង​ស្រុក​របស់លោក​។ រីឯ​អ្នកចេះ​ផ្លុំ​កែន​វិញ មានតែ​ជនជាតិ​ឡាវ ១ ទៅ ២ នាក់​ទេ ក្រៅពីនោះ គឺ​គ្មាន​អ្នកចេះ​ផ្លុំ​ឡើយ​។ លោក​តែងតែ​អញ្ជើញ​គាត់​ឱ្យមក​ច្រៀង​រាំ​ឡាំ​កែន​នៅពេល​មាន​ពិធី​ខួប​គណៈបក្ស ​ប្រជាជន​កម្ពុជា ដើម្បីឱ្យ​អ្នកធំ​មើល​។ លោក​ស៊ី​សួន បាន​អះអាងថា ពេល​ច្រៀង គេ​ប្រើ​ជា​ភាសា​ឡាវ តែ​លោក​បកប្រែ​មកជា​ខ្មែរ  មាន​អត្ថន័យ​ថា ថ្ងៃ​៧ មករា គឺជា​កំណើត​ទី​២ របស់ខ្ញុំ​។ ប្រពៃណី​នេះ មាន​តាំងពី​យូរលង់​ណាស់​មកហើយ នឹង​ជា​របស់​ក្រុម​កុលសម្ព័ន្ធ​ជនជាតិភាគតិច​ឡាវ​ដែល​រត់​ភៀសខ្លួន​មក​ រស់នៅក្នុង​ទឹកដី​កម្ពុជា ពី​ក្នុង​សតវត្ស​ទី​៦ និង​ទី​៧​។​
​    ​
​ លោក សម សា​អែម អតីត​ជា​ប្រធាន​មន្ទីរ​វប្បធម៌ និង​វិចិត្រសិល្បៈ​ខេត្តស្ទឹងត្រែង និយាយ​ឱ្យដឹងថា របាំ​កែន​មាន​ដើមកំណើត​នៅក្នុង​ស្រុក​សៀម​ប៉ាង និង​ជា​ប្រពៃណី​បងប្អូន​ជនជាតិភាគតិច​ឡាវ​។ របាំ​នេះ កើតមាន​តាំងពី​មុន​ឆ្នាំ​១៩៦០​។
​នៅ​ឆ្នាំ​១៩៦០ សម័យ​សង្គមរាស្ត្រនិយម លោក​ហង្ស ធុន​ហាក់ រដ្ឋមន្ត្រីក្រសួងរ​ប្ប​ធម៌ និង​វិចិត្រសិល្បៈ បាន​ចុះមក​សិក្សា​ស្រាវជ្រាវ​ប្រពៃណី​ជនជាតិ​ភាគ​តិ​ត​ចំនួន ២ នៅ​ភាគ​ឦសាន​។ ទី​១ នៅ​ស្រុក​សៀម​ប៉ាង ខេត្តស្ទឹងត្រែង មាន​របាំ​កែន ឬ ឡាំ​កែន​។ ទី​២ និយាយ​ពី​ជនជាតិភាគតិច​ប្រពៃណី​កាប់​ក្របី​ផឹកស្រា​នៅក្នុង​ខេត្តរតនៈគិរី​។ ប្រពៃណី​ទាំងពីរ​នេះ ត្រូវបាន​ចងក្រង​ជា​ឯកសារ​រក្សាទុក​នៅ​វិចិត្រសិល្បៈ​ក្នុង​ទីក្រុង​ភ្នំពេញ ​រហូត​បច្ចុប្បន្ន​។​
​    ​
​លោក​សម សា​អែម បាន​បញ្ជាក់ថា កាលពី​សម័យ​ដើម របាំ​កែន​គេ​លេង​នៅក្នុង​ស្រុក​សៀម​ប៉ាង ក្នុង​ពិធីបុណ្យ​ចូលឆ្នាំ​។ អ្នក​ច្រៀង​កែន​មានតែ​ម្នាក់ឯង​ប៉ុណ្ណោះ​។ ឯ​អ្នក​រាំលេង​វិញ មាន​ច្រើនណាស់​ឱ្យតែ​អ្នក​ចង់​ចូល​រាំ​ក៏​អាច​រាំ​បានដែរ គេ​មិន​ប្រកាន់​នោះទេ​។ របាំ​កែន ឬ ឡាំ​កែន មិនមាន​អត្ថន័យ​ច្រើន​នោះទេ គឺ​គ្រាន់តែ​សម្រាប់​បង្ហាញ​អំពី​ប្រពៃណី​របស់​ជនជាតិដើម​ភាគតិច ដែល​មក​រស់នៅ​តំបន់​ក្នុងស្រុក​សៀម​ប៉ាង នៅ​សម័យ​សតវត្សរ៍​ទី​៦​។ នេះ​ជា​របាំ​កំសាន្ត​ភូមិ និង​ទំនៀមទម្លាប់​មួយ​របស់​ក្រុម​កុលសម្ព័ន្ធ​តែប៉ុណ្ណោះ​។​

​ បច្ចុប្បន្ន​របាំ​កែន ឬ ឡាំ​កែន​ត្រូវបាន​គេ​ច្នៃ​ឱ្យ​ក្លាយជា​ទាន់សម័យ គឺ​អ្នក​រាំច្រៀង​មាន​រហូត ១២ នាក់​។ ក្នុងនោះ​ស្រី​ចំនួន ៦ នាក់​រាំ​អម​ហើយ​បុរស​ជា​អ្នក​ផ្លុំ​កែន​។ កែន​នេះ គេ​ធ្វើ​ពី​ដើម​ឬ​ស្សី​ពក ដែល​ភាសា​ឡាវ គេ​និយាយថា ម៉ៃ​ហៀ ឬ ម៉ៃ​ខុយ​សាន​។ កែន មាន​ប្រវែង​ចាប់ពី ៩ ទៅ ១ ម៉ែត្រ ២ តឹក​។ ឬ​ស្សី​កែន គេ​រៀប​ជា​ពីរ​ជួរ​អណ្តាត​ផ្លុំ​របស់​វា គេ​ធ្វើ​អំពី​ប្រាក់​លាយ​ជាមួយ​ទង់ដែង ទើប​សំលេង​ឮ​ពិ​រោះ​ល្អ​។ ហើយ​តម្លៃ​ក៏​មិនជា​ថ្លៃ​ដែរ​។

​លោក​សម សា​អែម បញ្ជាក់ថា របាំ​មួយ​នេះ​គេ​រៀបចំ​ប្រើ​ជា​សម្ភារៈ​លេង​ក្លាយជា​របស់ទំនើប​ទៅហើយ វា​មិន​ដូច​សម័យមុន​នោះទេ​។ គ្រាន់តែ​ពេល​សំដែង​លេង​របាំ​កែន​នេះ គឺ​គេ​នឹក​ឃើញថា មាន​ដើមកំណើត​នៅលើ​ទឹកដី​ខេត្តស្ទឹងត្រែង​។​    ​

​ បុរស​ម្នាក់​ឈ្មោះ​នឿ​ង វិជ្ជា ជា​អតីត​ជា​សិស្ស​វិទ្យាល័យ​ព្រះរាជ​បូជនីយកិច្ច ដែល​ធ្លាប់បាន​ទៅ​ហាត់រៀន​របាំ​កែន​នៅ​មន្ទីរ​វប្បធម៌ និង​វិចិត្រសិល្បៈ​ខេត្តស្ទឹងត្រែង បានឱ្យដឹងថា ការហាត់​រៀន​របាំ​កែន​ងាយស្រួល និង​ឆាប់​ចេះ​មិន​ពិបាក​ទេ​។ កន្លងមក​ក្រោយពី​ហាត់រៀន​ចេះ​នឿ​ង វិជ្ជា ធ្លាប់បាន​សំដែង​នៅក្នុង​ខេត្តស្ទឹងត្រែង ជាមួយនឹង​មិត្តភក្តិ​។ បាន​ទៅ​សំដែង​នៅ​ខេត្តសៀមរាប និង​ប្រទេស​ឡាវ​ផងដែរ​។​
​    ​
​លោក ឡុង លី​ប៉ូ ប្រធាន​សហគមន៍​ជីវិត​ស្រស់ត្រកាល​គ្រប់​រដូវ​មាន​ទីតាំង​នៅក្នុង​ ខេត្តស្ទឹងត្រែង បានឱ្យដឹងថា លោក​បាន​ជួល​សិស្ស​ចំនួន ១ នាក់​មកពី​មន្ទីរ​វប្បធម៌ និង​វិចិត្រសិល្បៈ​ខេត្ត ដែល​ចេះ​របាំ​កែន​តម្លៃ ១០ ដុល្លារ ក្នុង​មួយថ្ងៃ ដើម្បី​ជួយ​បង្ហាត់បង្រៀន​ក្មេងៗ​កុមារកំព្រា​នៅក្នុង​មណ្ឌល​របស់លោក​ឱ្យ​ ចេះ​ច្រៀង​រាំ​ឡាំ​កែន​នឹង​។ ក្មេងៗ​ទាំងនោះ ក្រោយពេល​ចេះ​ហើយ​ពួកគេ​អាច​សំដែង​ឱ្យ​ជនបរទេស ដែលជា​ភ្ញៀវទេសចរ មើល​បានល្អ និង​ជក់ចិត្ត​ដិតអារម្មណ៍ ពី​វប្បធម៌​ជាមួយនឹង​ដងខ្លួន​ដ៏​សែន​ល្វត​ល្វា​ន់​។​    ​

​លោក​លី ប៉ូ ក៏បាន​បញ្ជាក់​ផងដែរ​ថា របាំ​មួយ​នេះ ជារ​ប្ប​ធម៌​ចម្រុះ​រវាង​ខ្មែរ​-​ឡាវ​កាលពី​សម័យ​ដើម​។ អ្នកជំនាន់ក្រោយ​បាន​បង្ហាត់បង្រៀន​ក្មេងៗ​ឱ្យដឹងពី​ឡាំ​កែន ថ្នាក់​លេខ​១ ក្នុងចំណោម​របាំ​ផ្សេងទៀត​របស់​ខេត្តស្ទឹងត្រែង​៕

http://www.cen.com.kh/localnews/show_detail/132?token=MTk0NDg5ZWE2NjkyY2RkOWE0MjVmZTI5NjVkZGVl

Dsc059072

របាំឬស្សី និង​ការប្រគុំស្គរ – Danse des bambous et concert de percussions

ថ្ងៃ សុក្រ ទី ០៣ ខែ មិថុនា ឆ្នាំ ២០១១ វេលាម៉ោង ១៨ម៉៣០នាទី – ២១ម៉៣០នាទី

vendredi 3 juin · 18:30 – 21:30

Centre Culturel Francais

218 rue 184 – 023 213 124 /125
Phnom Penh

Pour son troisième rendez-vous avec le public du CCF, la compagnie Kok Thlok présente la Danse des bambous, sa dernière création. Cette performance chorégraphique puise son inspiration dans les traditions musicales des minorités ethniques. La soirée se poursuivra en deuxième partie par un concert de percussions.

Billets : adultes 4$ / – 18 ans 2$
Vente organisée par la compagnie Kok Thlok. Tous les bénéfices lui reviennent.
En vente à
L’Atmosphère (141C bd Norodom) Café Mith Samlanh (218 rue 184)
DODO Bar (42C rue 178) Equinox (3A rue 178) Gasolina (56 – 58 rue 57) – Carnets d’Asie (218 rue 184) et le soir même à l’entrée de la salle.

CCF
218 rue 184, 023 213 124 /125
www.ccf-cambodge.org
Sur Facebook : Centre Culturel Français Cambodge
_______________________________________________________

For this third rendez-vous with Kok Thlok, the company offers us a new creation: The Bamboo Dance. This choreographed performance draws its inspiration from the musical traditions of ethnic minorities. The second part of the evening will feature a percussion concert.

Tickets: adultes 4$ / – 18 ans 2$
Sale organised by the company : all the profit will go to the company
Available at:
L’Atmosphère (141C bd Norodom) Café Mith Samlanh (218 rue 184)
DODO Bar (42C rue 178) Equinox (3A rue 178) Gasolina (56 – 58 rue 57) – Carnets d’Asie (218 rue 184) and on the spot before the performance.

Dancing a Brighter Future – Children of Bassac in USA

MAKE A LASTING IMPACT
INVEST IN THE CHILDREN OF BASSAC

In less than one month the Children of Basaac will embark on their first tour to the United States. The Troupe is just $5,000 shy of its goal toward arriving on tour free of debt from the purchase of costumes and equipment. This is an opportunity to invest in these young people’s artistic growth & knowledge while also investing in the restoration of a nation’s culture and confidence of Cambodia’s future generation.

Here are ways you can support the Children of Bassac:

$10 allows us to buy an Asapara costume shirt

$25 allows us to buy a Ploy instrument

$50 allows us to buy a Hanuman, or “White Monkey King” mask


100% of the proceeds raised from this campaign will go directly to final payments on equipment, costumes and other necessities for the upcoming USA tour (April 11 – May 10, 2011) and for future performances in Cambodia.

 


About the Children of Bassac:
In 2003, Master Ieng Sithul, one of Cambodia’s most well-known and beloved singers, visited a poverty stricken part of the capitol city, Phnom Penh, known as Tonle Bassac. In association with Cambodian Living Arts, he established music and dance classes right in the Tonle Bassac community where he recruited motivated and talented young people between the ages of 9 and 11 years old. Some of these young performers began attending classes and rehearsals even though they were hungry and homeless. Cambodian Living Arts provided 4 of these homeless students a safe place to sleep and eat inside their dance classroom and additional monetary support to allow them to attend school. The income these young performers earn from performances and tours supports their education and their families.

Now in its 8th year, this classical and folk dance class has over 40 students (ages 8 to 22) that feed into the Children of Bassac Dance Troupe. This group of talented and dedicated young people continues to inspire their peers to persevere despite overwhelming hardships. Local performances and international tours have inspired, and at times awed, all who have witnessed their beauty, confidence and mature presence.

The Children of Bassac Dance Troup is envisioned by Cambodian Living Arts as a model for a sustainable means of providing income, education, and hope for a better future to underprivileged youth whose stories may otherwise go unnoticed. These dancers’ stories are filled with resilience and inspiration as they look forward towards changing their lives and the future of their country. Be a part of the vision to transform Cambodia from its tragic history into a nation known for its arts and culture. Give as generously as you can today to­­­ invest in Cambodia’s future generation. Click the chip-in button below to help!

Concert : Mahaori Chnay – CCF on Friday 01 Avril 2011 at 19h00 to 22h00

ការសម្តែងសិល្បះទស្សនីយភាពខ្មែរនៅភ្នំពេញ

អត្ថបទដកស្រង់ចេញពីគេហទំព័រ Cambodian Express News (CEN)

“ភ្ញៀវទេសចរ​អាច​ទស្ស​នា​ការសំដែង​សិល្បៈ​ខ្មែរ​នៅ​ភ្នំពេញ​ចាប់ពី​ថ្ងៃ​ទី​១១​មីនា​ទៅ​”

ដោយ : សម្បត្តិ (ថ្ងៃទី 10 មីនា 2011)

Artភ្នំពេញ: ជា​រៀងរាល់ថ្ងៃ​សុក្រ​ចាប់ផ្ដើម​ពី​ថ្ងៃ​ទី​១១​ខែ​មីនា ឆ្នាំ ២០១១ វេលា​ម៉ោង​៧​យប់​ភ្ញៀវ​ទេសចរ​ជាតិ និង​អន្តរជាតិ​អាច​មាន​ឱ្យ​កាស​ទស្សនា​ការសម្តែង​ផ្ទាំង​ទស្សនីយភាព​
​ សិល្បៈ​ខ្មែរ​នៅក្នុង​បរិវេណ​សាលសន្និសីទ​ចតុមុខ​។ ការសម្តែង​សិល្បៈ​នេះ​រៀបចំ​ដោយ​នាយកដ្ឋាន​សិល្បៈ​ទស្សនីយភាព​នៃ​ក្រសួង​ វប្បធម៌​និង​វិចិត្រសិល្បៈ​សហការ​ជាមួយ​សមាគម​ទី​ភ្នាក់ងារទេសចរណ៍​កម្ពុជា​ (CATA) ក្នុង​គោលបំណង​លើកស្ទួយ​វិស័យ​សិល្បៈ​វប្បធម៌​និង​ទាក់ទាញ​អ្នកទេសចរ​បរទេស​ ។​

​មន្ត្រី​នាយកដ្ឋាន​សិល្បៈ​ទស្សនីយភាព​នៃ​ក្រសួង​វប្បធម៌​និង​ វិចិត្រសិល្បៈ បាន​ប្រាប់​ឱ្យដឹងថា​សិល្បករ​សិល្បការិនី​ជាង​៥០​នាក់​បាន​ត្រៀមលក្ខណៈ​ រួចរាល់​ហើយ​​ក្នុងការ​​​ សម្តែង​របាំ​គ្រប់​ប្រភេទ​ដូចជា​របាំ​បុរាណ របាំ​ប្រពៃណី របាំ​សម័យ នៅ​រៀងរាល់​ថ្ងៃ​សុក្រ​នៅក្នុង​បរិវេណ​សាល​មហោស្រព​ចតុមុខ​។ ក្រៅពី​នោះ​ក្រសួង​វប្បធម៌​ក៏មាន​គំរោង​បន្ថែម​ការសម្តែង​ល្ខោន​គ្រប់​ ទម្រង់​ដែល​ដកស្រង់​ចេញពី​រឿង​រាមកេរ្តិ៍​ទៀតផង​។​

​យោង​តាម​មន្ត្រី ​នាយកដ្ឋាន​សិល្បៈ​ទស្សនីយភាពនៃក្រសួងវប្បធម៌ ការរៀបចំ​សំដែង​សិល្បៈ​ទស្សនីយភាព​​នា​មាត់ទន្លេ​ក្រោយ​សាលសន្និសីទ​ចតុមុខ​ នេះ​គឺ​ដើម្បី​​ផ្សព្វ​ផ្សាយ​ ​វប្បធម៌​ខ្មែរ​ឱ្យ​កាន់តែ​ទូលំទូលាយ និង​លើកកម្ពស់​ការសំដែង​សិល្បៈ​ខ្មែរ​ដើម្បី​បង្ហាញ​អំពី​អារ្យធម៌ និង​កេរ្តិ៍មរតក​ខ្មែរ​នា​សម័យ​អង្គរ​នៅ​លើ​ឆាក​ជាតិ​និង​អន្តរជាតិ​។

​ ទន្ទឹមនឹងនោះ ការសម្តែង​នេះ​ក៏​ជួយ​បង្កើត​ការងារ​ឱ្យ​សិល្បករ​សិល្បការ​នី​ខ្មែរ​ក៏​ ដូចជា​ជួយ​លើកកម្ពស់​ការ​សំដែង​ជា​លក្ខណៈ​អាជីព​របស់​ពួកគេ​ឱ្យ​កាន់តែ​ ប្រសើរ​ផង​ដែរ​។​
​តម្លៃ​សំបុត្រ​ចូល​ទស្សនា​គឺ​១០​ដុល្លារ​សម្រាប់​ ជនបរទេស និង​១​ម៉ឺន​រៀល​សម្រាប់​ជន​ជាតិខ្មែរ​។ សម្រាប់​សមាជិក​នៃ​សមាគម​ទី​ភ្នាក់​ទេសចរណ៍​កម្ពុជា តម្លៃ​មាន​ត្រឹមតែ​៧​ដុល្លារ​ប៉ុណ្ណោះ​សម្រាប់​ជនបរទេស​៕

More infos: http://www.facebook.com/home.php?sk=group_190911884275323&id=193558290677349&notif_t=like

ក្រុម​តន្ត្រី​អាមេរិក​កំណើត​ខ្មែរ​សម្តែង​នៅ​កម្ពុជា

អត្ថបទដកស្រង់ចេញពីគេហទំព៍រ Phnom Penh Post

Thursday, 03 March 2011 10:27 ឈឹម ស្រីនាង

ភ្នំពេញៈ ក្រុម​ចម្រៀង​ប៉ុប​អាមេរិក​ដើម​កំណើត​ខ្មែរ មក​ពី​ទីក្រុង​ San Jose រដ្ឋ​កាលី​ហ្វ័រនីញ៉ា បាន​មក​ដល់​ប្រទេស​កម្ពុជា​​ជា​លើក​ដំបូង ដើម្បី​សម្ដែង​ក្នុង​ការ​ជួយ​ឧបត្ថម្ភ​របស់​អង្គការ​ក្រៅ​រដ្ឋាភិបាល​ចំពោះ​ សិល្បៈ​បុរាណ​។

ឡូរ៉ា ម៉ម (Laura Mam)​ និង​សមាជិក​ក្រុម The Like Me’s បាន​ធ្វើ​ដំណើរ​កម្សាន្ដ​នៅ​ទីក្រុង​សៀមរាប​ ហើយ​នឹង​ត្រូវ​សម្ដែង​នៅ​ Parkway Studios នៅ​រាត្រី​ថ្ងៃ​ព្រហស្បតិ៍​​នេះ​ ដើម្បី​រៃ​អង្គាស​ប្រាក់​សម្រាប់​អង្គការ​សិល្បៈ​ខ្មែរ​អមតៈ (Cambodia Living Arts) និង អង្គការ​ Anvaya Initiative របស់​កម្ពុជា​។

ក្រុម​​ដែល​មាន​សមាជិក​ស្រី​ទាំង​៤​ដួង​នេះ ​នឹង​លេង​ឧបករណ៍​ភ្លេង​បុរាណ​ខ្មែរ​​នៅ​ក្នុង​ទសវត្សរ៍​ទី​៦០​ អម​ជាមួយ​ចម្រៀង​ R&B និង​តន្រ្តី​ផ្ទាល់​ខ្លួន​របស់​ពួក​គេ​ ដែល​កំពុង​ទទួល​បាន​ប្រជាប្រិយ​ភាព​ខ្លាំង​នៅ​លើ​គេហ​ទំព័រ​ YouTube​។

តារា​ចម្រៀង​ និង​ជា​អ្នក​លេង​ហ្គីតា​ ឡូរ៉ា ម៉ម បាន​និយាយ​ថា​៖​«​​កម្ពុជា​​គឺ​ជា​​ទិស​ដៅ​តន្រ្ដី​ទេសចរណ៍​​ក្នុង​ក្ដី​ សុបិន​ ​តាំង​ពី​ក្រុម​នេះ​ចាប់​កំណើត​។ យើង​ធ្លាប់​​គិត​ថា ​ពេល​យើង​​​បង្កើត​ក្រុម​បាន​​ យើង​​នឹង​​មក​កម្ពុជា​ក្នុង​ពេល​ណា​មួយ​ ហើយ​នឹង​​លេង​តន្រ្តី​សម្រាប់​អ្នក​ដែល​​ចូល​ចិត្ដ​តន្រ្តី​បែប​ថ្មី​នេះ​ បំផុត​»។

សមាជិក​ក្រុម​៣​នាក់​ទៀត​ ទី​១​ឈ្មោះ​​ ហេឡេណា ហុង (Helena Hong)​ នាង​​​មាន​ឈាម​ជ័រ​ជា​ខ្មែរ ទី​២​ ហ្វីលីប ពីណាស ម៉ូនិក កូឃ្វីឡា (Filippinas Monique Coquilla)​ និង​ទី៣ ឡូរ៉េន អាឡូនហ្សូ (Loren Alonzo)​។

ទស្ស​និក​ជន​ទូទាំង​ពិភព​លោក​បាន​ស្គាល់​​ក្រុម​មួយ​​នេះ តាម​រយៈ​បទ ​​ស្វា​រាំ​ម៉ាំងឃីស ដែល​មាន​ការ​ចូល​រួម​សម្ដែង​រាំ​​ក្នុង​វីដេអូ​នេះ​ពី​​ ម្ដាយ បង​ប្អូន​ស្រី មីង​ និង​បង​ប្អូន​ជីដូន​មួយ​ជា​ច្រើន​នាក់​។

ឡូរ៉ា ​បន្ដ​ថា​៖​«​ផ្ទះ​ខ្ញុំ​ជា​ផ្ទះ​ខ្មែរ​អាមេរិក​ធម្មតា​មួយ​ដែល​ សម្បូរ​ទៅ​ដោយ​ឌីស​ខារ៉ាអូខេ​ និង​ក្បាល​មីក្រូ​ហ្វូន​ទំនើប​ៗ​»។ ​នាង​បាន​រំឭក​ថា៖ «​ឪពុក​របស់​ខ្ញុំ​ជា​អតីត​អ្នក​ចម្រៀង​តាម​រោង​ការ​ម្នាក់ ​​ហើយ​កាល​នោះ គាត់​​បាន​ឲ្យ​ខ្ញុំ​ចូលរួម​សម្ដែង​ម្ដង​កាល​​ដែរ​។ ឪពុក​ម្ដាយ​ខ្ញុំបាន​លើក​​ទឹក​ចិត្ដ​ឲ្យ​ខ្ញុំ​ស្ដាប់​តន្រ្តី​ដោយ​យក​ ចិត្ដ​ទុកដាក់​បំផុត​​ដើម្បី​ចាប់​កាដង់​ភ្លេង​ឲ្យ​បាន​ត្រឹម​ត្រូវ បើ​ទោះ​បី​ជា​ពួក​គាត់​មិន​​ធ្លាប់​ទទួល​ការ​​បណ្ដុះ​បណ្ដាល​ផ្នែក​តន្រ្តី​ ពី​មុន​មក​ក្ដី​»។

ក្រុម​តន្រ្តី​ទេសចរណ៍​ដែល​កើត​ពី​ស្នាដៃ​កូន​ខ្មែរ​ The Like Me’s ទទួល​បាន​ការ​ឧបត្ថម្ភ​​ដោយ​អង្គ​ការ​មិត្ដ​វប្ប-​ធម៌​ខ្មែរ (Friends of Khmer Culture) ក្នុង​គោល​បំណង​ជួយ​ទ្រទ្រង់​ដល់​វិស័យ​ទេសចរណ៍​ និង​​គម្រោង​អភិរក្ស​នៅ​ប្រាសាទ​បន្ទាយ​ឆ្មា​។

ដើម្បី​ជ្រាប​ពី​ការ​សម្តែង​របស់ ឡូរ៉េន ម៉ម និង​សមាជិក​ក្រុម​ The Like Me’s លោក​អ្នក​អាច​ទៅ​មើល​ការ​សម្តែង​នៅ​ Parkway Studiosដែល​មាន​អាសយ​ដ្ឋាន​អគារ​លេខ​១៣៣ មហា​វិថី​ម៉ៅ​​សេង​ទុង​ នៅ​រាត្រី​ថ្ងៃ​ព្រហស្បតិ៍​ ទី​៣ មីនា​នេះ ​វេលា​ម៉ោង​៨​យប់​។ តម្លៃ​សំបុត្រ​​៨​ដុល្លារ​ និង​ដាក់​លក់​នៅ​អង្គការ​​សិល្បៈ​ខ្មែរ​អមតៈ​ ភោជនីយ​ដ្ឋាន​ Java Caf’s, Rubies, Promesses និង​នៅ Equinox​៕ HR

 

សមា ​ជិក​ក្រុម​តារា​ចម្រៀង​ប៉ុប​ដើម​កំណើត​ខ្មែរ និង​ហ្វីលីពីន The Like Me’s ។

ពី​ឆ្វេង​ទៅ​ស្តាំ ម៉ូនិក កូឃ្វីឡា, ហេឡេណា ហុង, ឡូរ៉ា ម៉ម និង ឡូរ៉េន អាឡូន​ហ្ស៊ូ។

More infos: http://khmer.phnompenhpost.com/index.php?option=com_content&view=article&id=53754:2011-03-03-03-35-32&catid=4:lifestyle&Itemid=79

របាំ​ផ្លិត​ដែលជា​របាំ​បរិសុទ្ធ​ទាំង​ចិត្ត និង​កាយ​បង្ហាញខ្លួន​នៅ​អង្គរវត្ត​

អត្ថបទដកស្រង់ចេញពីគេហទំព៍រ Cambodian Express News (CEN)

ដោយ : សេរី (ថ្ងៃទី 3 មីនា 2011)

Nthiotq1n2

ភ្នំពេញ: សិស្សសាលា​របាំ​ព្រះរាម​បុប្ផា​ទេវី នៅ​ស្រុក​បន្ទាយស្រី ខេត្តសៀមរាប បាន​រាំ​របាំ​ផ្លិត ក្នុង​សភាព​យ៉ាង​រស់​រវើក​បីដូច​នាង​ព្រិល​ស នៅ​ប្រាសាទអង្គរវត្ត ដើម្បី​បួងសួង​សុំ​សុខសន្តិភាព​សម្រាប់​ប្រទេស ។ អ្នករាំ​របាំ​ទាំងអស់​ស្លៀក​សម្លៀកបំពាក់​ពណ៌​ស ដោយ​គ្មាន​ការ​ផាត់មុខ និង​ជា​យុវតី​បរិសុទ្ធ​ទាំង​ចិត្ត និង​កាយ​បាន​រាំ​យ៉ាង​ល្វត​ល្វន់​នៅតាម​ថែវ​នានា នៃ​ប្រាសាទអង្គរវត្ត​ជា​ផ្នែក​មួយ នៃ​ការយាង​បារមី​អាទិទេព​មកកាន់ និង​ថែរ​រក្សា​ក្រុង​អង្គរ​អាណាចក្រ​អច្ឆរិយៈ​ទ្បើង​វិញ ។​

លោកស្រី ក​ន្ថា រ៉ា​វីន ងិន​កា​រ៉េត ជា​អ្នកបង្កើត​របាំ​ផ្លិត បាន​និយាយ​ឲ្យ​ដឹងថា ការ​រាំ​របាំ​ផ្លិត​នៅ​អង្គរវត្ត​នេះ​ជា​លើក​ទី​១ ដើម្បី​ឧទ្ទិស​សុំ​ក្តី​សុខសន្តិភាព​សម្រាប់​ប្រទេស និង​សុំ​យាង​បារមី​ព្រះមហាក្សត្រ ដែលជា​អាទិទេព​នៅ​អង្គរ និង​បារមី​មេទ័ព​ទាំងទ្បាយ​យាង​មកកាន់ និង​ថែរ​រក្សា​ប្រាសាទអង្គរវត្ត និង​ព្រះរាជាណាចក្រ​កម្ពុជា​ទ្បើង​វិញ ។ អ្នករាំ​បាន​ពាក់​គ្រឿងអលង្ការ​សម័យអង្គរ នៅ​កដៃ កជើង និង​បន្តោង​ខ្សែក​របស់​ពួកគេ ។ គ្រឿងអលង្ការ​ទាំងនោះ​ត្រូវធ្វើ​ពិធីបួងសួង និង​សុំ​ការអនុញ្ញាត​ពី​អាទិទេព​នៅ​អង្គរ តាមរយៈ​ទឹកមន្ត និង​ឲ្យ​យុវតី​ជា​អ្នករាំ ធ្វើការ​លាងដៃ សំអាត​កាយ​ចិត្ត​មុននឹង​ពាក់​គ្រឿងអលង្ការ​ទាំងនោះ ។​

លោកស្រី និង​អ្នក​ផ្សេងទៀត​សុទ្ធតែ​មើលឃើញថា មុនពេល​រាំ​គ្រឿងអលង្ការ​ទាំងនោះ​មាន​សភាព​ស្រអាប់ ប៉ុន្តែ​ក្រោយ​ពាក់​ឲ្យ​យុវតី​រាំ​រួច គ្រឿងអលង្ការ​ទាំងនោះ​មាន​សភាព​ភ្លឺ​ថ្លា ហាក់​មាន​បារមី​អាទិទេព​មក​សណ្ឋិត ។ ការ​បួងសួង​នេះ​មានការ​រៀបចំ​បាយសី​ពី​១ ថ្នាក់​ដល់​២១ ថ្នាក់ មាន​ដាក់​ផ្លែឈើ ៧ មុខ មាន​នំអន្សម ចេក អន្សមជ្រូក និង​នំផ្លែអាយ ដែលមាន​អត្ថន័យ​ខុសៗ​គ្នា តាម​គ្រឿង​ដ​ង្វា​យ​និ​មួយៗ ។​

លោកស្រី​បាន​បន្តថា របាំ​ផ្លិត​ដែល​លោកស្រី​បង្កើត​ទ្បើង​មកនេះ សម្រាប់​រាំ​ក្នុង​ពិធីបួងសួង និង​ពិធី​បុណ្យជាតិ​ធំៗ មិនអាច​យកទៅ​រាំ​តាម​ភោជនីយដ្ឋាន​បាន​នោះទេ ហើយ​លោកស្រី​បានធ្វើ​ការព្រមាន អ្នក​នាំយក​របាំ​បែបនេះ​ទៅ​រាំ​តាម​ភោជនីយដ្ឋាន នឹង​ប្រឈមមុខ​នឹង​បញ្ហា​ជាច្រើន ប្រសិនជា​មិន​សុំ​ការអនុញ្ញាត​ពី​លោកស្រី ត្បិត​របាំ​ផ្លិត​មិនអាច​អ្នកណា​ក៏​រាំ​បាន​នោះទេ ព្រោះ​យើង​តម្រូវ​ឲ្យ​អ្នករាំ​ជា​មនុ​ស្សមានភាព​បរិសុទ្ធ​ទាំង​ចិត្ត និង​កាយ ៕

More infos: http://www.cen.com.kh/localnews/show_detail/24?token=ODU5NjQ3MDIxNWQwZjE4NGUxZWY1ZjBlNGFjMDQw

« Older entries

%d bloggers like this: