អនុសាសន៍ ៨ ចំណុចរបស់ប្រមុខរាជរដ្ឋាភិបាល ដើម្បីចូលរួមទិវាវប្បធម៌ជាតិ (លើកទី ១៥) ថ្ងៃ៣ មីនា ២០១៣

សម្តេច ហ៊ុន សែន ផ្តល់អនុសាសន៍ ៨ ចំណុច ដើម្បីចូលរួមទិវាវប្បធម៌ជាតិ ថ្ងៃ៣មីនា
ដកស្រង់ចេញពីគេហទំព័រ CEN
(ថ្ងៃទី 3 មីនា 2013, ម៉ោង 10:47:AM) | ដោយ: លី សិលា

Chaktomuk Conference Hall

ភ្នំពេញ: ក្នុងបុព្វហេតុលើកស្ទួយវឌ្ឍនភាពនៃវប្បធម៌ជាតិ ឱ្យកាន់តែមានភាពរឹងមាំប្រកបដោយចីរភាព ស្របតាមស្មារតី ទិវាវប្បធម៌ជាតិ ៣ មីនា លើកទី១៥ ឆ្នាំ២០១៣ សម្តេចនាយករដ្ឋមន្ត្រី ហ៊ុន សែន បានស្នើថ្នាក់ដឹកនាំ និងមន្ត្រីនៃក្រសួងវប្បធម៌ និងវិចិត្រសិល្បៈ ក្រសួង-ស្ថាប័នញក់ព័ន្ធ ម្ចាស់ផលិតកម្ម អ្នកនិពន្ធ អ្នកដឹកនាំរឿង សិល្បករ សិល្បការិនីទាំងអស់ ត្រូវបង្កើនការយកចិត្តទុកដាក់អនុវត្តតាមគោលដៅជាយុទ្ធសាស្ត្រ និងផែនការសកម្មភាព ក្នុងការអភិរក្ស និងអភិវឌ្ឍបេតិកភណ្ឌវប្បធម៌អរូបីរបស់យើង។ អនុសាសន៍ ៨ ចំណុច ត្រូវបានសម្តេចនាយករដ្ឋមន្ត្រី លើកឡើង ក្នុងទិវាវប្បធម៌ជាតិ ថ្ងៃ៣មីនានេះ។

ទិវាវប្បធម៌ជាតិ ថ្ងៃ៣មីនា លើកទី១៥ ឆ្នាំ២០១៣ ត្រូវបានប្រារព្ធឡើង នៅសាលសន្និសីទចតុមុខ នាព្រឹកថ្ងៃទី៣ ខែមីនា ឆ្នាំ២០១៣ ក្រោមអធិបតីភាពដ៏ខ្ពង់ខ្ពស់របស់សម្តេចនាយករដ្ឋមន្ត្រី ហ៊ុន សែន និងលោកជំទាវ។ ទិវាវប្បធម៌ជាតិ ៣មីនា នៅឆ្នាំនេះ ប្រារព្ធឡើង ក្រោមប្រធានបទ “អ្វីៗទាំងអស់ ដើម្បីវឌ្ឍនភាពវប្បធម៌ជាតិ”។

អនុសាសន៍របស់សម្តេច ហ៊ុន សែន ទាំង ៨ ចំណុច មានដូចខាងក្រោមនេះ៖

ទី១-ត្រូវយកចិត្តទុកដាក់អភិវឌ្ឍធនធានមនុស្សលើវិស័យវប្បធម៌ និងអភិវឌ្ឍសិល្បៈគ្រប់ទម្រង់ ដោយឈរលើមូលដ្ឋានអភិរក្ស មានគ្រឹះនៃវប្បធម៌ខ្មែរបុរាណ ដែលជាអត្តសញ្ញាណ ពណ៌សម្បុរ ក្បួនខ្នាត និងជាព្រលឹងនៃវប្បធម៌ជាតិយើង។ ជារួម យើងត្រូវដឹងថា ការបង្កើតស្នាដៃសិល្បៈ ដោយខ្វះនូវក្បួនខ្នាត គឺជាការបង្ខូចនូវតម្លៃ និងព្រលឹងនៃសិល្បៈវប្បធម៌ជាតិ។ ដូច្នេះ ចាំបាច់ណាស់ ផលិតផលសិល្បៈ ត្រូវតែផ្សារភ្ជាប់ទៅនឹងក្បួនខ្នាត និងតម្លៃនៃវប្បធម៌ជាតិ ដែលឆ្លុះបញ្ចាំងពីអត្តសញ្ញាណកម្មនៃជាតិសាសន៍ខ្មែរពិតៗ។ ទន្ទឹមនេះ ក្រសួងវប្បធម៌ និងវិចិត្រសិល្បៈ ត្រូវបន្តផ្តល់ការអប់រំ និងការផ្សព្វផ្សាយអំពីគោលនយោបាយជាតិលើវិស័យវប្បធម៌ ដោយចាំបាច់ត្រូវតែធ្វើឡើងឱ្យបានទូលំទូលាយ ទាំងនៅក្នុងមជ្ឈដ្ឋាននៃម្ចាស់ផលិតកម្ម ទាំងអ្នកនិពន្ធ អ្នកដឹកនាំរឿង អ្នកបង្កើតស្នាដៃសិល្បៈមហាជន និង ក្នុងចំណោមសិល្បៈករ សិល្បៈការិនីទាំងអស់របស់យើង។ ក្នុងនោះ យើងទាំងអស់គ្នាត្រូវមានស្មារតីចងចាំថា យើងធ្វើសិល្បៈមិនមែន ដើម្បីភាពស៊ីវិល័យ ភាពឆើតឆាយ និងភាពអំនួតផ្ទាល់ខ្លួននោះទេ ប៉ុន្តែយើងធ្វើសិល្បៈដើម្បីបង្ហាញពីតម្លៃប្រពៃណី វប្បធម៌ ភាពថ្លៃថ្នូរ និងមោទនភាពជាតិទាំងមូល។

ទី២-ត្រូវបង្កើតស្នាដៃថ្មី តាមរយៈការបញ្ចូលវិធីវិទ្យាសាស្ត្របច្ចេកទេស ទៅក្នុងមធ្យោបាយផលិត និងការសម្តែងដោយឈរលើគ្រឹះវប្បធម៌បុរាណ ស្របតាមទស្សនាទាន “បុរាណមិនយឺត ទំនើបមិនបរទេស” ក្នុងគោលដៅប្រើប្រាស់ស្នាដៃទាំងនេះ សម្រាប់បម្រើដល់ការអភិវឌ្ឍសេដ្ឋកិច្ចជាតិ លើកកម្ពស់ជីវភាពរស់នៅរបស់សិល្បករ។ ការបង្កើតស្នាដៃថ្មី គឺជាការចាំបាច់មួយ ពីញ្រេះយើងត្រូវដឹងថា ភាពសាំ គឺជាសត្រូវស្លាប់រស់ របស់ទស្សនិកជន។

ទី៣-ក្រសួងវប្បធម៌ និង វិចិត្រសិល្បៈ ត្រូវយកចិត្តទុកដាក់បើកវគ្គអប់រំ និងវិក្រឹតការ ដើម្បីបង្កើនសមត្ថភាពយល់ដឹងដល់អ្នកនិពន្ធ ព្រមទាំងសិល្បកររបស់យើង ទៅលើទិដ្ឋភាពថ្មីៗ វិទ្យាសាស្ត្របច្ចេកទេសថ្មី ខ្លឹមសារថ្មី ដើម្បីទប់ស្កាត់ការហូរចូលនៃវប្បធម៌អវិជ្ជមានពីខាងក្រៅ បញ្ចៀសឱ្យបាននូវភាពលួចចម្លងស្នាដៃពីអ្នកដទៃ ដែលជាបទល្មើសកម្មសិទ្ធិបញ្ញា និងជាកត្តានាំឱ្យវិស័យសិល្បៈយើងមិនឤចរីកចម្រើនបានផងដែរ។ ប្រាកដណាស់ អ្នកបង្កើតស្នាដៃថ្មីតែងបានរៀនសូត្រពីអ្នកដទៃ តែគេពុំគួរចម្លងស្នាដៃអ្នកដទៃដោយល្ងិតល្ងង់ ឬដកស្រង់របស់គេទាំងស្រុងនោះទេ។ ក្នុងន័យនេះ យើងសង្ឃឹមថា អ្នកនិពន្ធ អ្នកដឹកនាំរឿង សិល្បៈករ សិល្បៈការិនីរបស់យើង នឹងដកស្រង់យកតែមេរៀនល្អៗរបស់អ្នកដទៃមកពិចារណា ហើយចម្រាញ់យកធ្វើជាចំណេះដឹងខ្លួន ដើម្បីបង្កើតស្នាដៃថ្មីៗ។

ទី៤-បង្កើតកម្មវិធីផ្លាស់ប្តូរជំនាញឯកទេស ការសិក្សាស្រាវជ្រាវ បង្កើនកិច្ចសហប្រតិបត្តិការ ទាំងក្នុងថ្នាក់ជាតិ ថ្នាក់តំបន់ និង អន្តរជាតិ ដើម្បីស្វែងរកវិធានការលើកកម្ពស់ដល់ការអភិវឌ្ឍវិស័យសិល្បៈ ឱ្យប្រកបដោយភាពអប់រំ ដែលសង្គមជាតិទាំងមូលទទួលយកបាន និងនៅក្នុងវិធានមួយធានាបានដល់កិច្ចការពារ និងថែរក្សាបេតិកភណ្ឌវប្បធម៌អរូបីរបស់ជាតិ ឱ្យបន្តមានអត្ថិភាពជានិច្ចនិរន្តតទៅអនាគត។

ទី៥-ត្រូវយកចិត្តទុកដាក់បង្កើតកម្មវិធីផ្ទេរចំណេះដឹង ចំណេះធ្វើពីមរតកមនុស្សរស់ ទៅឱ្យយុវជនជំនាន់ក្រោយ ដើម្បីបន្តវេនថែរក្សាការពារបេតិកភណ្ឌវប្បធម៌ ឱ្យបានគង់វង្សតទៅអនាគត ។ ក្នុងនោះ ក្រសួង វប្បធម៌ និង វិចិត្រសិល្បៈ ត្រូវយកចិត្តទុកដាក់ និង លើកទឹកចិត្តដល់វរសិល្បករ វរអ្នកនិពន្ធ ជាដើម ទៅធ្វើបទឧទ្ទេសអំពីតម្លៃវប្បធម៌ជាតិ នៅតាមបណ្តាគ្រឹះស្ថានសិក្សា ទាំងកម្រិតវិទ្យាល័យ និងសកលវិទ្យាល័យ។

ទី៦-បន្តរៀបចំបើកមហោស្រពសិល្បៈមហាជនឱ្យបានទៀងទាត់តាមថ្នាក់នីមួយៗ ទាំងថ្នាក់មូលដ្ឋានខេត្ត ថ្នាក់ភូមិភាគ និងថ្នាក់ជាតិ ដើម្បីផ្តល់ឱកាសឱ្យសិល្បករ បានផ្លាស់ប្តូរបទពិសោធន៍ និងរៀនសូត្រពីគ្នាទៅវិញទៅមក ទាំងការបង្កើតស្នាដៃថ្មី ទាំងការសម្តែង ដែលជាសមាសធាតុមួយដ៏សំខាន់ ក្នុងការលើកកម្ពស់វឌ្ឍនភាពវប្បធម៌ជាតិ ឱ្យបានប្រកបដោយចីរភាព។ ធ្វើដូច្នេះបាន យើងពិតជាឤចប្រែក្លាយក្រុមសិល្បៈមហាជន យើងឱ្យរួមចំណែកស្ថាបនា ការពារ ថែរក្សា និងផ្សព្វផ្សាយពីតម្លៃនៃវប្បធម៌ជាតិរបស់យើង ជាមួយនឹងគុណប្រយោជន៍ដល់ការអប់រំសីលធម៌សង្គម បម្រើសេចក្តីរីករាយប្រកបដោយភាពថ្លៃថ្នូរ ការអភិវឌ្ឍសង្គម-សេដ្ឋកិច្ច តាមរយៈ ការយកសិល្បៈចិញ្ចឹមសិល្បៈ។

ទី៧-បន្តយកចិត្តទុកដាក់លើកកម្ពស់ដល់ការសិក្សាស្រាវជ្រាវ និងចងក្រងរក្សាទុកឱ្យបានគង់វង្សនូវសម្បត្តិបេតិកភណ្ឌវប្បធម៌អរូបីគ្រប់ប្រភេទ។ ក្នុងនោះ ត្រូវជំរុញឱ្យមានការចុះបញ្ជីសារពើភណ្ឌ និងធ្វើបច្ចុប្បន្នភាពជាប់ជាប្រចាំ ដើម្បីឱ្យដឹងថា តើបេតិកភណ្ឌវប្បធម៌អរូបីប៉ុន្មាន ដែលបានកើតឡើង និងប៉ុន្មានទៀត ដែលបានធ្លាក់ចុះ។ ការរកឃើញលទ្ធផលទាំងនេះ ទើបយើងឤចរៀបចំផែនការទប់ស្កាត់ ថែរក្សា ការពារ និងលើកស្ទួយឱ្យមានការរីកចម្រើន ប្រកបដោយប្រសិទ្ធភាព។

ទី៨-ក្រសួងវប្បធម៌ និងវិចិត្រសិល្បៈ ត្រូវបន្តយកចិត្តទុកដាក់រៀបចំចងក្រងនូវបទដ្ឋានគតិយុត្ត ញក់ព័ន្ធទាំងឡាយ ដែលទាក់ទងដល់ការគ្រប់គ្រងសម្បត្តិបេតិកភណ្ឌវប្បធម៌ជាតិ ដូចជា អនុក្រឹត្យស្តីពីការគ្រប់គ្រងសិល្បៈទស្សនីយភាព អនុក្រឹត្យស្តីពីការគ្រប់គ្រងសិល្បៈសិប្បកម្ម និងសិល្បៈសូនរូប ជាដើម ដើម្បីធានាបានដល់ការលើកកម្ពស់ការអភិវឌ្ឍប្រកបដោយចីរភាព នៃសម្បត្តិបេតិកភណ្ឌវប្បធម៌ជាតិយើង។

ជាមួយនឹងអនុសាសន៍ទាំង ៨ ចំណុចខាងលើ ក្នុងទិវាវប្បធម៌ជាតិ ថ្ងៃ៣មីនា លើកទី១៥ សម្តេចនាយករដ្ឋមន្ត្រី ហ៊ុន សែន ក៏បានលើកឡើងថា រាជរដ្ឋាភិបាលបានសម្រេចកំណត់យក ថ្ងៃទី ៣ មីនា ជារៀងរាល់ឆ្នាំ ដើម្បីប្រារព្ធទិវាវប្បធម៌ជាតិនេះឡើង នៅទូទាំងប្រទេស ក្នុងគោលបំណងបំផុសមនសិការជាតិ របស់ប្រជាជាតិខ្មែរ ពីគ្រប់មជ្ឈដ្ឋាន ទាំងនៅក្នុង និងក្រៅប្រទេស ឱ្យរួមគ្នាជាធ្លុងមួយ ដើម្បីជួយ ថែរក្សា ការពារ លើកតម្កើងកេរដំណែលវប្បធម៌ជាតិឱ្យបានគង់វង្ស និងបន្តអភិរក្ស អភិវឌ្ឍវប្បធម៌ឱ្យកាន់តែរីកចម្រើន ប្រកបដោយកិត្យានុភាព និងសេចក្តីថ្លៃថ្នូរ។

ក្នុងន័យនេះ សម្តេច ហ៊ុន សែន បានលើកឡើងថា រាជរដ្ឋាភិបាលតែងតែគាំទ្រដល់ផែនការអភិរក្ស និងអភិវឌ្ឍវិស័យវប្បធម៌ ដោយបន្តលើកទឹកចិត្តឱ្យមានការផ្សព្វផ្សាយអំពីផលិតផលវប្បធម៌ខ្មែរដ៏សម្បូណ៌បែប ការអប់រំអំពីវប្បធម៌ និងសីលធម៌ដ៏ល្អថ្លៃថ្លារបស់ជាតិ ការទប់ស្កាត់ការហូរចូលនៃវប្បធម៌អវិជ្ជមានពីបរទេស ការលុបបំបាត់សកម្មភាពមិនល្អ ក្នុងស្រទាប់យុវជន និងកុមារ ដែលធ្វើឱ្យប៉ះញល់ដល់វប្បធម៌ ប្រពៃណី និងទំនៀមទម្លាប់ដ៏ល្អផូរផង់របស់ជាតិ។ កិច្ចការទាំងអស់នេះ ពិតជាបម្រើនូវឧត្តមប្រយោជន៍របស់ប្រទេសជាតិ និងបានឆ្លើយតបទៅនឹងសំណូមពរ និងសេចក្តីត្រូវការដ៏ទទូចរបស់ប្រជាជន និងសង្គមជាតិទាំងមូលផងដែរ។

សម្តេចនាយករដ្ឋមន្ត្រី ហ៊ុន សែន ក៏បានគូសបញ្ជាក់ថា “ចំញេះមុខនេះដែរ រាជរដ្ឋាភិបាលនៅតែបន្តប្រកាន់ខ្ជាប់នូវគោលជំហរសាមគ្គីជាតិ ដើម្បីប្រមូលកម្លាំង ប្រជាជាតិទាំងមូលពីគ្រប់មជ្ឈដ្ឋាន គ្រប់និន្នាការនយោបាយ ទាំងនៅក្នុង និងនៅក្រៅប្រទេស ក្រោមបាវចនា ជាតិ សាសនា ព្រះមហាក្សត្រ ដើម្បីបន្តរួមគ្នាជាធ្លុងមួយសំដៅថែរក្សា ការពារ និងអភិវឌ្ឍវប្បធម៌ លើកកម្ពស់កិត្យានុភាព និងសេចក្តីថ្លៃថ្នូររបស់ជាតិ ដើម្បីបន្តឈរដោយស្មើភាព និងស្មើសិទ្ធិ នៅក្នុងគ្រប់កិច្ចការអន្តរជាតិ ទាំងនៅក្នុងកម្រិតតំបន់ និងពិភពលោក ដូចញក្យចាស់បុរាណលោកញេលថា វប្បធម៌ពណ្ណរាយ ជាតិថ្កើងថ្កាន”៕

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: